ಸಮರಸ ಸುದ್ದಿ

                ಘನವಾಹನಗಳಿಗೆ ಸಂಚಾರ ನಿಷೇಧ
   ಮಂಜೇಶ್ವರ: ಹೊಸಂಗಡಿಯಿಂದ ಕೊಡ್ಲಮೊಗರು ಮಾರ್ಗವಾಗಿ ವಿಟ್ಲ , ಆನೆಕಲ್ಲು , ಕನ್ಯಾನ, ಬಾಕ್ರಬೈಲು ಭಾಗಕ್ಕೆ ತೆರಳುವ ಘನ ವಾಹನಗಳಿಗೆ ಕೊಡ್ಲಮೊಗರಿನಲ್ಲಿರುವ 100 ಮೀಟರ್ ಅಂತರಾಜ್ಯ ಲೋಕೋಪಯೋಗಿ ರಸ್ತೆಗೆ ಕಾಂಕ್ರೀಟೀಕರಣ ಆರಂಭಗೊಂಡ ಹಿನ್ನೆಲೆಯಲ್ಲಿ  ಈ ದಾರಿಯಾಗಿ ವಾಹನ ಸಂಚಾರ ಸ್ಥಗಿತಗೊಂಡಿದೆ. ಆದರೆ ಬೈಕ್, ರಿಕ್ಷಾ , ಕಾರು ಮುಂತಾದ ವಾಹನಗಳಿಗೆ ಈ ರಸ್ತೆಯ ಬದಿಯಲ್ಲಿ  ಸಂಚರಿಸಲು ವ್ಯವಸ್ಥೆ  ಮಾಡಲಾಗಿದೆ.
ಬಸ್ ಮತ್ತು  ಇನ್ನಿತರ ಘನ ವಾಹನಗಳಿಗೆ ಬಾಕ್ರಬೈಲಿನಿಂದ ಹೊಸಂಗಡಿ ಕಡೆ ಬರುವುದಾದರೆ ಬಾಕ್ರಬೈಲು - ಮುಡಿಪು - ಪೊಯ್ಯತ್ತಬೈಲು - ದೈಗೋಳಿ ಮೂಲಕ ಹೊಸಂಗಡಿಗೆ ತೆರಳಬಹುದು. ವಿಟ್ಲದಿಂದ ಹೊಸಂಗಡಿ ಭಾಗಕ್ಕೆ ಆಗಮಿಸುವ ವಾಹನಗಳು ವಿಟ್ಲ , ಸಾಲೆತ್ತೂರು, ಬಾಕ್ರಬೈಲು, ಮುಡಿಪು, ಪೊಯ್ಯತ್ತಬೈಲು, ದೈಗೋಳಿ ಮೂಲಕ ಹೊಸಂಗಡಿಗೆ ಸಂಚರಿಸಬಹುದು. ಕನ್ಯಾನದಿಂದ ಹೊಸಂಗಡಿ ಭಾಗಕ್ಕೆ ಬರುವುದಾದರೆ ಕನ್ಯಾನ, ಆನೆಕಲ್ಲು , ಗುವೆದಪಡ್ಪು , ಬಾಕ್ರಬೈಲು, ಮುಡಿಪು, ಪೊಯ್ಯತ್ತಬೈಲು, ದೈಗೋಳಿ ಮೂಲಕ ಹೊಸಂಗಡಿಗೆ ಮತ್ತು  ಕನ್ಯಾನ, ಆನೆಕಲ್ಲು , ಕತ್ತರಿಕೋಡಿ, ಕುಂಟುಪದವು, ದೈಗೋಳಿ ಮೂಲಕ ಹೊಸಂಗಡಿ ಭಾಗಕ್ಕೆ ಸಂಚರಿಸಬಹುದು.