ಸಮರಸ ಸುದ್ದಿ

            ಪತ್ರಕರ್ತರು ಸಮಾಜ ಸುಧಾರಕರು: ಜೀನಾ ಲವೀನಾ ಮೊಂತೇರೋ
   ಮಂಜೇಶ್ವರ : ಸಮಾಜದಲ್ಲಿನ ಅಂಕುಡೊಂಕುಗಳನ್ನು ತಿದ್ದಿ ನಾಗರಿಕ ಸಮಾಜ ನಿಮರ್ಾಣದಲ್ಲಿ ಪ್ರಮುಖ ಪಾತ್ರವನ್ನು ವಹಿಸುವ ಪತ್ರಕರ್ತರು ಸಮಾಜ ಸುಧಾಕರರಾಗಿದ್ದು, ಅವರ ಸೇವೆ ನಿಜಕ್ಕೂ ಸ್ತುತ್ಯರ್ಹವಾದುದು ಎಂದು ಮಂಜೇಶ್ವರ ಸ್ಪರ್ಶಂ ಅಕಾಡೆಮಿಯ ಸ್ಥಾಪಕಿ ಜೀನಾ ಲವೀನಾ ಮೊಂತೇರೋ ಹೇಳಿದರು.
   ಮಂಜೇಶ್ವರ ಪ್ರೆಸ್ ಕ್ಲಬ್ ನ ಆಶ್ರಯದಲ್ಲಿ ಹೊಸಂಗಡಿ ಗೇಟ್ ವೇ ಆಡಿಟೋರಿಯಂನಲ್ಲಿ ಇತ್ತೀಚೆಗೆ ನಡೆದ ಕ್ರಿಸ್ಮಸ್ ಹಾಗೂ ಹೊಸ ವರ್ಷದ ಕಾರ್ಯಕ್ರಮವನ್ನು ಉದ್ಘಾಟಿಸಿ ಅವರು ಮಾತನಾಡಿದರು.
   ಇತರರ ಸುದ್ದಿಗಾಗಿ ದಿನನಿತ್ಯವೂ ಓಡಾಡುತ್ತಿರುವ ಪತ್ರಕರ್ತರು ಇಂದು ಅವರ ಸಂತೋಷವನ್ನು ಇತರರ ಮುಂದೆ ಹಂಚಿಕೊಂಡಿದ್ದಾರೆ. ಅನ್ಯಾಯ ಮಾಡುವವರಿಗೆ ನ್ಯಾಯವನ್ನು ಒದಗಿಸಿ ಕೊಡುವವರು, ನೊಂದವರಿಗೆ ಸಾಂತ್ವಾನವನ್ನು ನೀಡುವವರು, ಅರಿವಿಲ್ಲದವರಿಗೆ ಅರಿವನ್ನು ಮೂಡಿಸುವಂತಹ ಪತ್ರಕರ್ತರು ಸಮಾಜ ಸುಧಾರಣೆಯ ಪ್ರಮುಖ ಅಂಗ ಎಂದು ಅವರು ತಿಳಿಸಿದರು.
  ಪ್ರೆಸ್ ಕ್ಲಬ್ ಅಧ್ಯಕ್ಷ ಆರಿಫ್ ಮಚ್ಚಂಪ್ಪಾಡಿ ಅಧ್ಯಕ್ಷತೆ ವಹಿಸಿದ್ದ ಕಾರ್ಯಕ್ರಮದಲ್ಲಿ ವ್ಯಾಪಾರಿ ವ್ಯವಸಾಯಿ ಏಕೋಪನ ಸಮಿತಿ ಮಂಜೇಶ್ವರ ಘಟಕದ ಅಧ್ಯಕ್ಷ ಬಶೀರ್ ಕನಿಲ, ಎ ಐ ವೈ ಎಫ್ ನೇತಾರ ಹರೀಶ್, ಡಿ ವೈ ಎಫ್ ಐ ಮಂಜೇಶ್ವರ ಅಧ್ಯಕ್ಷ ಪ್ರಶಾಂತ್ ಕನಿಲ, ಸಂಸ್ಕಾರ ಸಾಹಿತಿ ಆಧ್ಯಕ್ಷ ಸತೀಶ ಅಡಪ ಸಂಕಬೈಲು, ರಫೀಕ್ ಫ್ಲೆಕ್ಸ್ ಪಾಯಿಂಟ್,  ಹಿರಿಯ ಪತ್ರಕರ್ತ ಹಾಗೂ ಕಾಸರಗೋಡು ಜಿಲ್ಲಾ ಪಂ. ಸ್ಥಾಯೀ ಸಮಿತಿ ಅಧ್ಯಕ್ಷ ಹಷರ್ಾದ್ ವಕರ್ಾಡಿ, ಪತ್ರಕರ್ತರಾದ ರವಿ ಪ್ರತಾಪ ನಗರ, ರಹ್ಮಾನ್ ಪಾರಕಟ್ಟೆ, ರತನ್ ಕುಮಾರ್ ಹೊಸಂಗಡಿ, ಛಾಯಾಗ್ರಾಹಕ ದೀಪಕ್, ಹನೀಸ್ ಉಪ್ಪಳ, ಉಬೈದ್ ಕುಕ್ಕಾರ್, ಮೊದಲಾದವರು ಉದ್ಸ್ಥಿತರಿದ್ದರು.
    ಪ್ರೆಸ್ಕ್ಲಬ್ ಕಾರ್ಯದಶರ್ಿ ರಹ್ಮಾನ್ ಉದ್ಯಾವರ ಸ್ವಾಗತಿಸಿ, ಜಗದೀಶ್ ಪ್ರತಾಪನಗರ ವಂದಿಸಿದರು.