ಸಮರಸ ಸುದ್ದಿ

                   ಅಭಯನಿಕೇತನ್ಗೆ ಅಜರ್ಿ ಆಹ್ವಾನ
    ಕಾಸರಗೋಡು: ತಾಳಿಪಡ್ಪು ಸುಬ್ರಾಯ ಅನಂತ ಕಾಮತ್ ರಸ್ತೆಯಲ್ಲಿರುವ ಭಗವಾನ್ ಶ್ರೀ ಸತ್ಯಸಾಯಿ ಅಭಯನಿಕೇತನದ ಆಶ್ರಯದಲ್ಲಿ ಕಳೆದ 32 ವರ್ಷಗಳಿಂದ ಅನಾಥ ಮತ್ತು ನಿರ್ಗತಿಕ ಗಂಡು ಮಕ್ಕಳಿಗಾಗಿ ನಡೆಸಲ್ಪಡುತ್ತಿರುವ ಬಾಲಮಂದಿರಕ್ಕೆ ಆಸಕ್ತಿಯುಳ್ಳವರಿಂದ ಅಜರ್ಿ ಆಹ್ವಾನಿಸಲಾಗಿದೆ.
ಒಂದರಿಂದ ಐದನೇ ತರಗತಿಯಲ್ಲಿ ಕಲಿಯುತ್ತಿರುವ 10 ವರ್ಷದೊಳಗಿನ ಮಕ್ಕಳನ್ನು ಸೇರಿಸಿಕೊಳ್ಳಲಾಗುವುದು. ಮಕ್ಕಳು ಆರೋಗ್ಯವಂತರೂ, ಒಳ್ಳೆಯ ಗುಣನಡತೆಯವರೂ ಆಗಿದ್ದು ವಿದ್ಯೆಯಲ್ಲಿ ಆಸಕ್ತಿ ಹೊಂದಿದವರಾಗಿರಬೇಕು. ಹಾಗೂ ಹೆತ್ತವರು ಯಾ ರಕ್ಷಕರು ವಾಷರ್ಿಕ ಆದಾಯವು 1 ಲಕ್ಷ ರೂ. ಮೀರಬಾರದು.
   ಬಾಲಮಂದಿರಕ್ಕೆ ಸೇರಿಸಿಕೊಳ್ಳುವ ಮಕ್ಕಳಿಗೆ ವಿದ್ಯೆ, ಬಟ್ಟೆಬರೆ, ಆಹಾರ, ವಸತಿ, ವೈದ್ಯಕೀಯ ನೆರವು ಇತ್ಯಾದಿಗಳನ್ನು ನೀಡಲಾಗುವುದು. ಪ್ರತಿಭಾವಂತ ಮಕ್ಕಳಿಗೆ ಉನ್ನತ ವಿದ್ಯಾಭ್ಯಾಸಕ್ಕೂ ಅವಕಾಶ ಕಲ್ಪಿಸಲಾಗುವುದು. ಬಾಲಮಂದಿರದಲ್ಲಿ ತಮ್ಮ ಮಕ್ಕಳನ್ನು ಸೇರಿಸಲು ಇಚ್ಛಿಸುವ ರಕ್ಷಕರು ಯಾ ಹೆತ್ತವರು ಕಾರ್ಯದಶರ್ಿಯವರನ್ನು (04994-230767, 09496358590) ಸಂಪಕರ್ಿಸಲು ತಿಳಿಸಲಾಗಿದೆ.