ಸಮರಸ ಸುದ್ದಿ

                   ಸ್ಟುಡೆಂಟ್ ಪೊಲೀಸ್ ಕೇಡೆಟ್ಶಿಬಿರ ತಯಾರಿ ಸಭೆ
    ಬದಿಯಡ್ಕ: ಪೆರಡಾಲದ ನವಜೀವನ ಹೈಯರ್ ಸೆಕೆಂಡರಿ ಶಾಲೆಯಲ್ಲಿ ಎಪ್ರಿಲ್ 9 ರಿಂದ 13 ರ ತನಕ ಸ್ಟುಡೆಂಟ್ ಪೊಲೀಸ್ ಕೇಡೆಟ್ನ ಕಾಸರಗೋಡು ಜಿಲ್ಲಾ ಶಿಬಿರ ನಡೆಯಲಿದ್ದು, ಇದರ ಪೂರ್ವಭಾವಿಯಾಗಿ ಸಭೆಯು ಕಾಸರಗೋಡು ಜಿಲ್ಲಾ ಡಿವೈಎಸ್ಪಿ ಜ್ಯೋತಿ ಕುಮಾರ್ ನೇತೃತ್ವದಲ್ಲಿ ಇತ್ತೀಚೆಗೆ ನಡೆಯಿತು. ಶಿಬಿರದ ಯಶಸ್ಸಿಗೆ ಬೇಕಾದ ಎಲ್ಲಾ ಸಲಹೆ ಸೂಚನೆಗಳನ್ನು ಪಡೆದು ವಿವಿಧ ಕಾರ್ಯಕ್ರಮಗಳನ್ನು ನಿರ್ಧರಿಸಲಾಯಿತು.
   ಬದಿಯಡ್ಕ ಪೊಲೀಸ್ ಠಾಣಾಧಿಕಾರಿ ಪ್ರಶಾಂತ್, ಶಾಲಾ ಆಡಳಿತ ಮಂಡಳಿಯ ಸದಸ್ಯದಾದ ಕೃಷ್ಣ ಪ್ರಸಾದ್ ರೈ ಪೆರಡಾಲ, ಶಾಲಾ ಮುಖ್ಯ ಶಿಕ್ಷಕರು, ಸಹ ಮುಖ್ಯ ಶಿಕ್ಷಕರಾದ ಶ್ಯಾಮ್ ಭಟ್ ಕೆ, ಎಸ್ಪಿಸಿ ನೋಡೆಲ್ ಅಧಿಕಾರಿ ಥೋಮಸ್ ಮಾರ್ಗದರ್ಶನ ನೀಡಿದರು. ರಕ್ಷಕ ಶಿಕ್ಷಕ ಸಂಘದ ಅಧ್ಯಕ್ಷ ಮಹಮ್ಮದ್ ಅಶ್ರಫ್ ಮತ್ತು ಇತರ ರಕ್ಷಕರು ಕಾರ್ಯಕ್ರಮದಲ್ಲಿ ಭಾಗವಹಿಸಿ ಸೂಕ್ತ ಸಲಹೆ ಸೂಚನೆ ನೀಡಿದರು.