ಸಮರಸ ಸುದ್ದಿ

                     ಗಡಿ ಸಂಘರ್ಷ ತಡೆ: ಭಾರತ-ಚೀನಾ ಸಹಮತ
    ಚೀನಾ:  ಗಡಿ ಭಾಗದಲ್ಲಿ ಆಗಾಗ ಉದ್ಭವವಾಗುವ ಮಿಲಿಟರಿ ಸಂಘರ್ಷಗಳನ್ನು ತಡೆಯುವ ನಿಟ್ಟಿನಲ್ಲಿ ಭಾರತ ಮತ್ತು ಚೀನಾ ಸಂಕಲ್ಪ ಮಾಡಿವೆ.
      ಡೋಕ್ಲಾಮ್ ಸೇರಿದಂತೆ ಗಡಿ ಭಾಗದಲ್ಲಿ ಕಾಣಿಸಿಕೊಳ್ಳುವ ಮಿಲಿಟರಿ ಘರ್ಷಣೆಗಳನ್ನು ತಡೆಯಲು ಸೇನೆಗಳ ನಡುವೆ ಸಂವಹನವನ್ನು ಬಲಪಡಿಸಬೇಕು, ವಿಶ್ವಾಸ ವೃದ್ಧಿಗೆ ಕ್ರಮ ಕೈಗೊಳ್ಳಬೇಕು ಎಂದು ಭಾರತ ಪ್ರಧಾನಿ ನರೇಂದ್ರ ಮೋದಿ ಮತ್ತು ಚೀನಾ ಅಧ್ಯಕ್ಷ ಕ್ಸಿ ಜಿನ್ಪಿಂಗ್ ನಡುವೆ ಶನಿವಾರ ನಡೆದ ಅನೌಪಚಾರಿಕ ಮಾತುಕತೆಯಲ್ಲಿ ನಿರ್ಧರಿಸಲಾಗಿದೆ ಎಂದು ವಿದೇಶಾಂಗ ಕಾರ್ಯದಶರ್ಿ ವಿಜಯ್ ಗೋಖಲೆ ತಿಳಿಸಿದ್ದಾರೆ. ಎರಡೂ ದೇಶಗಳ ಸೇನೆಗಳಿಗೆ ವ್ಯೂಹಾತ್ಮಕ ಮಾರ್ಗದರ್ಶನ ನೀಡುವ ಮೂಲಕ ಸಂಘರ್ಷ ತಪ್ಪಿಸಿ ಶಾಂತಿ ಸ್ಥಾಪನೆ ಅತಿ ಮುಖ್ಯ ಎಂದು ಇಬ್ಬರೂ ಅಭಿಪ್ರಾಯಪಟ್ಟರು.
    ಬಳಿಕ ಪ್ರಧಾನಿ ನರೇಂದ್ರ ಮೋದಿ ಮತ್ತು ಚೀನಾ ಅಧ್ಯಕ್ಷ ಕ್ಸಿ ಜಿನ್ಪಿಂಗ್ ಅವರು ವುಹಾನ್ನ ಸರೋವರದಲ್ಲಿ ದೋಣಿ ವಿಹಾರ ನಡೆಸಿದರು.
            ಟಿಬೆಟ್ ಗಡಿಯಲ್ಲಿ 96 ಸೇನಾ ಚೌಕಿ ನಿಮರ್ಾಣ: 
   ಮೋದಿ ಮತ್ತು ಕ್ಸಿ ಜಿನ್ ಪಿಂಗ್ ನಡುವೆ ಅನೌಪಚಾರಿಕ ಮಾತುಕತೆ ನಡೆದ ನಡುವೆಯೇ ಇಂಡೋ-ಟಿಬೆಟ್ ಗಡಿಯಲ್ಲಿ 96 ಹೆಚ್ಚುವರಿ ಸೇನಾ ಚೌಕಿಗಳ ನಿಮರ್ಿಸುವ ರಕ್ಷಣಾ ಸಚಿವಾಲಯ ಪ್ರಸ್ತಾಪಕ್ಕೆ ಕೇಂದ್ರ ಸರಕಾರ ಅನುಮೋದನೆ ನೀಡಿದೆ. ಚೀನಾದ ಜತೆ ಸ್ನೇಹದ ಜತೆಗೆ ಗಡಿ ರಕ್ಷಣೆಗೆ ಮಹತ್ವ ನೀಡುವ ಕ್ರಮ ಇದಾಗಿದೆ ಎಂದು ಹೇಳಲಾಗಿದೆ. 96 ಗಡಿ ಚೌಕಿಗಳ ನಿಮರ್ಾಣದೊಂದಿಗೆ ಒಟ್ಟು ಗಡಿ ಠಾಣೆಗಳ ಸಂಖ್ಯೆ 272ಕ್ಕೇರಲಿದೆ. ಹೊಸ ಠಾಣೆಗಳು ಹಿಮಾಚಲ, ಉತ್ತರಾಖಂಡ ಮತ್ತು ಅರುಣಾಚಲದಲ್ಲಿ ನಿಮರ್ಾಣವಾಗಲಿವೆ.