ಸಮರಸ ಸುದ್ದಿ

                 ಸಂಸದ ವಿ.ಮುರಳೀಧರನ್ ಅವರಿಗೆ ಭವ್ಯ ಸ್ವಾಗತ
     ಕಾಸರಗೋಡು: ರಾಜ್ಯಸಭಾ ಸದಸ್ಯರಾಗಿ ಆಯ್ಕೆಗೊಂಡ ಬಳಿಕ ಪ್ರಥಮವಾಗಿ ಕಾಸರಗೋಡಿಗೆ ಆಗಮಿಸಿದ ಬಿಜೆಪಿ ಕೇರಳ ರಾಜ್ಯ ಮಾಜಿ ಅಧ್ಯಕ್ಷ ವಿ.ಮುರಳೀಧರನ್ ಅವರಿಗೆ ಬಿಜೆಪಿ ಕಾಸರಗೋಡು ಜಿಲ್ಲಾ ಸಮಿತಿ ನೇತೃತ್ವದಲ್ಲಿ ಭವ್ಯ ಸ್ವಾಗತ ನೀಡಲಾಯಿತು.
   ಸೋಮವಾರ ಬೆಳಗ್ಗೆ ರೈಲು ಗಾಡಿಯಲ್ಲಿ ಆಗಮಿಸಿದ ವಿ.ಮುರಳೀಧರನ್ ಅವರಿಗೆ ಕಾಸರಗೋಡು ರೈಲು ನಿಲ್ದಾಣದಲ್ಲಿ ವಾದ್ಯ ಮೇಳದೊಂದಿಗೆ ಭವ್ಯ ಸ್ವಾಗತ ನೀಡಿ ಬರಮಾಡಿಕೊಳ್ಳಲಾಯಿತು.
    ಬಿಜೆಪಿ ಕಾಸರಗೋಡು ಜಿಲ್ಲಾ ಅಧ್ಯಕ್ಷ ನ್ಯಾಯವಾದಿ ಕೆ.ಶ್ರೀಕಾಂತ್, ರಾಷ್ಟ್ರೀಯ ಸಮಿತಿ ಸದಸ್ಯ ಎಂ.ಸಂಜೀವ ಶೆಟ್ಟಿ, ನ್ಯಾಯವಾದಿ ಬಾಲಕೃಷ್ಣ ಶೆಟ್ಟಿ, ಪಿ.ಸುರೇಶ್ ಕುಮಾರ್ ಶೆಟ್ಟಿ, ರವೀಶ ತಂತ್ರಿ ಕುಂಟಾರು, ಎ.ವೇಲಾಯುಧನ್, ಸುಧಾಮ ಗೋಸಾಡ, ವಿಜಯ ಕುಮಾರ್ ರೈ, ಎನ್.ಸತೀಶನ್, ಪಿ.ಆರ್.ಸುನಿಲ್ ಕುಮಾರ್, ಧನಂಜಯನ್ ಮಧೂರು, ಎ.ಪಿ.ಹರೀಶ್ ಕುಮಾರ್, ಶೋಭಾ ಎಚ್ಚಿಕಾನಂ, ಜಿ.ಚಂದ್ರನ್, ಅಂಜು ಜೋಸ್, ಅನಿಲ್ ಕುಮಾರ್ ಕೊಡೋತ್, ಹರೀಶ್ ನಾರಂಪಾಡಿ, ಕೋಳಾರು ಸತೀಶ್ಚಂದ್ರ ಭಂಡಾರಿ ಮೊದಲಾದವರು ನೇತೃತ್ವ ನೀಡಿದರು.
    ಕಾಸರಗೋಡು ವನಿತಾ ಭವನದಲ್ಲಿ ಆಯೋಜಿಸಿದ ಚುನಾಯಿತ ಬಿಜೆಪಿ ಪ್ರತಿನಿಧಿಗಳ ಸಭೆಯನ್ನು ಅವರು ಉದ್ಘಾಟಿಸಿ ಮಾತನಾಡಿದರು. ಮಧ್ಯಾಹ್ನ ಕಾಂಞಂಗಾಡ್ ವ್ಯಾಪಾರ ಭವನ ಸಭಾಂಗಣದಲ್ಲಿ ಜನ್ಮಭೂಮಿ ದೈನಿಕ ಪ್ರಕಟಿಸಿದ `ಮಡಿಕೈ ಸಮರ ನಾಯಕನ್' ಎಂಬ ಕೃತಿಯನ್ನು ಬಿಡುಗಡೆಗೊಳಿಸಿದರು. ಆ ಬಳಿಕ ಕಾಂಞಂಗಾಡ್ ಕೋಟಚ್ಚೇರಿಯಲ್ಲಿ ಬಿಜೆಪಿ ನೇತೃತ್ವದಲ್ಲಿ ಸ್ವಾಗತ ನೀಡಲಾಯಿತು. ನಂತರ ಸಾರ್ವಜನಿಕ ಸಭೆಯಲ್ಲಿ ಅವರು ಮಾತನಾಡಿದರು.