ಸಮರಸ ಸುದ್ದಿ

          ಕನ್ನಡ ಗಝಲ್- ಕವಯಿತ್ರಿ ಚೇತನಾ ಕುಂಬಳೆ. 
    ಒಡಲಲಿ ಉಸಿರು ನಿಲ್ಲುವ ಮುನ್ನ
    ನನ್ನುಸಿರಲ್ಲಿ ಉಸಿರಾಗಿ ಬಿಡು
    ಎದೆಯ ಬಡಿತ ನಿಲ್ಲುವ ಮುನ್ನ
    ಹೃದಯದ ಮಾತನು ಕೇಳಿ ಬಿಡು/
          ಮುಪ್ಪು ಆವರಿಸುವ ಮುನ್ನ
          ಸಿಂಧೂರ ತೊಡಿಸಿ ಸಪ್ತಪದಿ ತುಳಿದು ಬಿಡು
          ಇಟ್ಟ ನಿರೀಕ್ಷೆಗಳು ಹುಸಿಯಾಗುವ ಮುನ್ನ
          ಮನದ ಪ್ರೀತಿಯನು ಹೇಳಿ ಬಿಡು/
   ಮಧುರ ಭಾವನೆಗಳು ಮುನಿಸಿಕೊಳ್ಳುವ ಮುನ್ನ
   ಒಲವ ಸುಧೆಯ ಹರಿಸಿ ರಮಿಸಿ ಬಿಡು
   ಒಂಟಿತನ ಕಾಡುವ ಮುನ್ನ
   ಸವಿಮಾತುಗಳಿಗೆ ಕಿವಿಯಾಗಿ ಬಿಡು/
        ಕಣ್ಣೀರು ಕಾಡಿಗೆಯನೊರೆಸುವ ಮುನ್ನ
        ಕಣ್ಗಳೊಳಗೆ ನೀನೊಮ್ಮೆ ತುಂಬಿ ಬಿಡು
        ನಡಿಗೆಯ ಲಯ ತಪ್ಪುವ ಮುನ್ನ
        ಕೈ ಹಿಡಿದು ಒಮ್ಮೆ ನಡೆಸಿ ಬಿಡು/

                     ಚೇತನಾ ಕುಂಬೆ