ಸಮರಸ ಸುದ್ದಿ

                 ಚಿನ್ಮಯ ವಿದ್ಯಾಲಯದಲ್ಲಿ  ನೇತ್ರ ಚಿಕಿತ್ಸಾ  ಶಿಬಿರ
      ಕಾಸರಗೋಡು: ಕಾಸರಗೋಡು ಚಿನ್ಮಯ ಮಿಷನ್, ಜಿಲ್ಲಾ  ಅಂಧತ್ವ ನಿವಾರಣಾ ಸಮಿತಿ ಮತ್ತು  ಶ್ರೀ ಭಾರತೀ ನೇತ್ರ ಚಿಕಿತ್ಸಾಲಯ ಮುಜುಂಗಾವು ಇವುಗಳ ಸಂಯುಕ್ತ  ಆಶ್ರಯದಲ್ಲಿ  ಉಚಿತ ಕಣ್ಣಿನ ತಪಾಸಣೆ ಹಾಗೂ ಕಣ್ಣಿನ ಪೊರೆ (ತಿಮಿರ) ನಿರ್ಣಯ ಶಿಬಿರವು ಭಾನುವಾರ ವಿದ್ಯಾನಗರ ಚಿನ್ಮಯ ವಿದ್ಯಾಲಯ ಕ್ಯಾಂಪಸ್ನಲ್ಲಿ  ಜರಗಿತು.
    ಚಿನ್ಮಯ ಮಿಷನ್ನ ಕೇರಳ ವಿಭಾಗೀಯ ಮುಖ್ಯಸ್ಥ  ಸ್ವಾಮಿ ಶ್ರೀ ವಿವಿಕ್ತಾನಂದ ಸರಸ್ವತಿ ಕಾರ್ಯಕ್ರಮವನ್ನು  ದೀಪಬೆಳಗಿಸಿ ಉದ್ಘಾಟಿಸಿ ಅನುಗ್ರಹ ಭಾಷಣ ಮಾಡಿದರು. ಕಾಸರಗೋಡು ಚಿನ್ಮಯ ಮಿಷನ್ನ ಅಧ್ಯಕ್ಷ  ಎ.ಕೆ.ನಾಯರ್ ಅಧ್ಯಕ್ಷತೆ ವಹಿಸಿದ್ದರು.
    ಡಾ. ಪ್ರಶಾಂತ್ಕುಮಾರ್ ಆಚಾರ್, ಡಾ.ಆನಂದ ಎಸ್.ಹಂಡಿ, ಶ್ರೀ ಭಾರತೀ ನೇತ್ರ ಚಿಕಿತ್ಸಾಲಯದ ಕಾರ್ಯದಶರ್ಿ ಕೃಷ್ಣಮೋಹನ್ ಭಟ್, ಚಿನ್ಮಯ ಮಿಷನ್ನ ಉಪಾಧ್ಯಕ್ಷ  ಎಂ.ನಾರಾಯಣ ಮುಂತಾದವರು ಶುಭಹಾರೈಸಿದರು. ಚಿನ್ಮಯ ಮಿಷನ್ನ ಕಾರ್ಯದಶರ್ಿ ಕೆ.ಬಾಲಚಂದ್ರನ್ ಸ್ವಾಗತಿಸಿ, ಚಿನ್ಮಯ ವಾನಪ್ರಸ್ಥ  ಸಂಸ್ಥಾನ್ ಅಧ್ಯಕ್ಷ  ಪಿ.ವಿ.ಕುಂಞಂಬು ನಾಯರ್ ವಂದಿಸಿದರು. ನೂರಾರು ಮಂದಿ ಶಿಬಿರದ ಪ್ರಯೋಜನ ಪಡೆದುಕೊಂಡರು.