ಸಮರಸ ಸುದ್ದಿ

                   ಕಜಂಪಾಡಿ ಶಾಲಾ ಪ್ರವೇಶೋತ್ಸವ
    ಪೆರ್ಲ:ಎಣ್ಮಕಜೆ ಗ್ರಾಮ ಪಂಚಾಯಿತಿಯ ಎಂಟನೇ ವಾಡರ್್ ಕಜಂಪಾಡಿ ಜಿ.ಡಬ್ಲ್ಯು.ಎಲ್.ಪಿ.ಶಾಲಾ ಪ್ರವೇಶೋತ್ಸವವನ್ನು ಶುಕ್ರವಾರ ವಿಜೃಂಭಣೆಯಿಂದ ನಡೆಸಲಾಯಿತು.ಗ್ರಾಮ ಪಂಚಾಯಿತಿ ಅಧ್ಯಕ್ಷೆ ಹಾಗೂ ಪ್ರತಿನಿಧಿ ರೂಪವಾಣಿ ಆರ್ ಭಟ್ ದೀಪ ಬೆಳಗಿ ಸಮಾರಂಭವನ್ನು ಉದ್ಘಾಟಿಸಿ ವಿದ್ಯಾಥರ್ಿಗಳಿಗೆ ಶುಭ ಹಾರೈಸಿದರು.ರಕ್ಷಕ-ಶಿಕ್ಷಕ ಸಂಘದ ಅಧ್ಯಕ್ಷ ಮಾಣಿ ಅಧ್ಯಕ್ಷತೆ ವಹಿಸಿದರು.ಬ್ಲಾಕ್ ಪಂಚಾಯಿತಿ ಸದಸ್ಯೆ ಸವಿತಾ ಬಾಳಿಕೆ ಪ್ರಿ-ಪ್ರೈಮರಿ ತರಗತಿಯನ್ನು ಉದ್ಘಾಟಿಸಿದರು.
   ಪುಟಾಣಿಗಳಿಗೆ ವಿವಿಧ ಸಂಘ ಸಂಸ್ಥೆಗಳು ನೀಡಿದ ಬ್ಯಾಗ್,ಬಳಪ ಇತ್ಯಾದಿ ಕಲಿಕೋಪಕರಣಗಳನ್ನು ಪಂ.ಅಧ್ಯಕ್ಷೆ ವಿತರಿಸಿದರು. ಶಾಲಾ ಮುಖ್ಯ ಶಿಕ್ಷಕ ಗಂಗಾಧರ ಶೆಟ್ಟಿ ಸ್ವಾಗತಿಸಿ ಶಿಕ್ಷಕಿ ವಿಜಯ ವಂದಿಸಿದರು.
   ಮಾತೃ ಮಂಡಳಿ ಅಧ್ಯಕ್ಷೆ ಭುವನೇಶ್ವರಿ,ಶಾಲಾ ಅಭಿವೃದ್ಧಿ ಸಮಿತಿ ಸದಸ್ಯರಾದ ದಯಾನಂದ ಕಜಂಪಾಡಿ,ಚಂದ್ರಶೇಖರ, ಸತ್ಯ ಶಂಕರ,ವಿದ್ಯಾಥರ್ಿಗಳು,ಪೋಷಕರು,ಮತ್ತಿತರರು ಉಪಸ್ಥಿತರಿದ್ದರು.