ಸಮರಸ ಸುದ್ದಿ

                 ಬಾಡೂರು ಶಾಲೆಯಲ್ಲಿ ಪರಿಸರ ದಿನಾಚರಣೆ
     ಕುಂಬಳೆ: ಬಾಡೂರು ಪದವು ಸರಕಾರಿ ಕಿರಿಯ ಪ್ರಾಥಮಿಕ ಶಾಲೆಯಲ್ಲಿ ವಿಶ್ವ ಪರಿಸರ ದಿನದ ಅಂಗವಾಗಿ ಹಸಿರು ಕೇರಳ ಎಂಬ ಧ್ಯೇಯದೊಂದಿಗೆ ಶಾಲಾ ಪರಿಸರದಲ್ಲಿ ಪುತ್ತಿಗೆ ಪಂಚಾಯತು ಉಪಾಧ್ಯಕ್ಷ ಪಿ.ಬಿ.ಮಹಮ್ಮದ್ ಗಿಡ ನೆಡುವುದರೊಂದಿಗೆ ಪರಿಸರ ದಿನದ ಕಾರ್ಯಕ್ರಮವನ್ನು ಉದ್ಘಾಟಿಸಿದರು.
   ಪರಿಸರ ಜಾಗೃತಿಯ ಸಂದೇಶವನ್ನು ಸಾರುವ ಸಂದೇಶಗಳೊಂದಿಗೆ ಮಕ್ಕಳ  ಜಾಥಾ ನಡೆಯಿತು. ವಿದ್ಯಾಥರ್ಿಗಳಿಗೆ  ಗಿಡಗಳನ್ನು ವಿತರಿಸಲಾಯಿತು.
ನಿವೃತ್ತ ಮುಖ್ಯೋಪಾಧ್ಯಾಯ ಶಂಕರ ರೈ ಮಾಸ್ಟರ್, ಶಾಲಾ ವ್ಯವಸ್ಥಾಪಕ ನಾರಾಯಣ ನಂಬ್ಯಾರ್, ವಿಠಲ ರೈ, ಚನಿಯ ಪಾಡಿ ಮೊದಲಾದವರು ಉಪಸ್ಥಿತದರು.ಮುಖ್ಯೋಪಾಧ್ಯಾಯ ಸುಧೀರ್ ಮಾಸ್ಟರ್ ಸ್ವಾಗತಿಸಿ, ವಂದಿಸಿದರು.