ಸಮರಸ ಸುದ್ದಿ

               ಕುಂಟಿಕಾನದಲ್ಲಿ ಪ್ರವೇಶೋತ್ಸವ
    ಬದಿಯಡ್ಕ : ಕುಂಟಿಕಾನ ಹಿರಿಯ ಬುನಾದಿ ಶಾಲೆಯ ಪ್ರವೇಶೋತ್ಸವದಂದು ಶಾಲೆಯ ನೂತನ ಬಸ್ಗೆ ಗ್ರಾಮ ಪಂಚಾಯತು  ಸದಸ್ಯೆ ಜಯಂತಿ ಚಾಲನೆಯನ್ನು ನೀಡಿದರು. ಬ್ಯಾಂಡ್ ವಾದ್ಯಗಳೊಂದಿಗೆ ಮೆರವಣಿಗೆಯಲ್ಲಿ ಮಕ್ಕಳನ್ನು ಸ್ವಾಗತಿಸಲಾಯಿತು. ನಂತರ ನಡೆದ ಸಭಾ ಕಾರ್ಯಕ್ರಮದಲ್ಲಿ ರಕ್ಷಕ ಶಿಕ್ಷಕ ಸಂಘದ ಉಪಾಧ್ಯಕ್ಷ ಜಸ್ಟಿನ್ ಜೋಸೆಫ್ ಅಧ್ಯಕ್ಷತೆ ವಹಿಸಿದ್ದರು. ಮುಖ್ಯೋಪಾಧ್ಯಾಯ ಎಂ. ಮಹಾಲಿಂಗೇಶ್ವರ ಭಟ್, ಹಳೆವಿದ್ಯಾಥರ್ಿ ಸಂಘದ ಅಧ್ಯಕ್ಷ ಜೋನಿ ಕ್ರಾಸ್ತ ಶುಭಾಶಂಸನೆಗೈದರು.
   ಶಾಲೆಗೆ ನೂತನ ಬಸ್ ಒದಗಿಸಿಕೊಟ್ಟ ಶಾಲಾ ವ್ಯವಸ್ಥಾಪಕ ಶಂಕರನಾರಾಯಣ ಶರ್ಮ ಅವರನ್ನು ಅಭಿನಂದಿಸಲಾಯಿತು. ಅಧ್ಯಾಪಕರುಗಳಾದ ವೆಂಕಟ್ರಾಜ ವಾಶೆಮನೆ ಹಾಗೂ ಉಣ್ಣಿಕೃಷ್ಣನ್ ಶಾಲಾ ಚಟುವಟಿಕೆಗಳ ವಿವರಣೆಯನ್ನು ನೀಡಿದರು. ಇದೇ ಸಂದರ್ಭದಲ್ಲಿ ಮಕ್ಕಳಿಗೆ ಕಲಿಕೋಪಕರಣಗಳನ್ನು ವಿತರಿಸಲಾಯಿತು. ಅಧ್ಯಾಪಕ ಕೃಷ್ಣನ್ ನಂಬೂದಿರಿ ಸ್ವಾಗತಿಸಿ, ಶರತ್ ಕುಮಾರ್ ವಂದಿಸಿದರು. ಅಧ್ಯಾಪಕ ಅಬ್ದುಲ್ ಸಲಾಂ ನೂತನ ಬಸ್ನ ವಿವರಣೆಯನ್ನು ನೀಡಿದರು. ಅಧ್ಯಾಪಕ ಪ್ರಶಾಂತ್ ಕುಮಾರ್ ಕಾರ್ಯಕ್ರಮ ನಿರೂಪಿಸಿದರು.