ಸಮರಸ ಸುದ್ದಿ

                 ಮಾನ್ಯದಲ್ಲಿ ಚಾಂದ್ರೋತ್ಸವ
     ಬದಿಯಡ್ಕ: ಮಾನ್ಯ ಜ್ಞಾನೋದಯ ಶಾಲೆಯಲ್ಲಿ ಚಾದ್ರೋತ್ಸವದ ಅಂಗವಾಗಿ ಚಾದ್ರೋತ್ಸವ ಪ್ರಚಾರ ಜಾಥಾ ನಡೆಯಿತು. ಮುಖ್ಯೋಪಾಧ್ಯಾಯ ಗೋವಿಂದನ್ ನಂಬೂದಿರಿಯವರು ಉದ್ಘಾಟಿಸಿದರು. ಕಾರ್ಯಕ್ರಮದಲ್ಲಿ ಶಾಲಾ ರಕ್ಷಕ ಶಿಕ್ಷಕ ಸಂಘದ ಅಧ್ಯಕ್ಷ  ಸತೀಶ್ ಮುಖ್ಯ ಅಥಿತಿಯಾಗಿ ಶುಭಾಶಂಸನೆಗೈದರು.
  ಜುಲೈ 13 ಕ್ಕೆ ಆರಂಭಗೊಂಡ ಪಕ್ಷಾಚರಣೆ ಕಾರ್ಯಕ್ರಮ ಜುಲೈ 27ರಂದು ಕೊನೆಗೊಳ್ಳಲಿದ್ದು, ಪ್ರಸ್ತುತ ಸಮಯದಲ್ಲಿ ಶಾಲೆಯಲ್ಲಿ ವಿವಿಧ ಕಾರ್ಯಕ್ರಮಗಳನ್ನು ಹಮ್ಮಿಕೊಳ್ಳಲಾಗಿದೆ.  ಚಾಂದ್ರೋತ್ಸವದ ಪ್ರಚಾರ ಜಾಥಾದಲ್ಲಿ ಪ್ರತಿ ತರಗತಿಯ ಮಕ್ಕಳ ವಿವಿಧ ದೃಶ್ಯಾವಿಷ್ಕಾರಗಳನ್ನು ಪ್ರದಶರ್ಿಸಿದರು. ಸೌರವ್ಯೂಹ, ಚಾಂದ್ರ ಯಾತ್ರಿಕರು, ಚಾಂದ್ರಯಾನ ಮುಂತಾದ ವಿವಿಧ ದೃಶ್ಯಗಳೊಂದಿಗೆ ಆಯೋಜಿಸಿದ ಪ್ರಚಾರ ಜಾಥಾಕ್ಕೆ ವಿಜ್ಞಾನ ಕ್ಲಬ್ನ ಅಧ್ಯಕ್ಷ ರೆಜು ಮಾಸ್ಟರ್, ಎಸ್.ಆರ್.ಜಿ. ಸಂಚಾಲಕ ಸುರೇಂದ್ರ ಮಾಸ್ಟರ್, ಪಿ.ವಿ ಪ್ರದೀಪ್ ಮಾಸ್ತರ್, ಉಷಾಬಿಂದು ಟೀಚರ್ ಮೊದಲಾದವರು ನೇತೃತ್ವ ವಹಿಸಿದರು.