ಸಮರಸ ಸುದ್ದಿ

                              ಬಿಜೆಪಿಯಿಂದ ವಿನೂತನ ಪ್ರತಿಭಟನೆ
                       ರೈಲಿಗಾಗಿ ಚೈನು ಎಳೆದವರು ಜಿಲ್ಲೆಯ ಅಭಿವೃದ್ದಿಗೂ ಚೈನೆಳೆದು ಪ್ರತಿಭಟಿಸಬೇಕು-ನ್ಯಾಯವಾದಿ ಕೆ.ಶ್ರೀಕಾಂತ್
      ಬದಿಯಡ್ಕ:  ಬಹುನಿರೀಕ್ಷಿತ ಉಕ್ಕಿನಡ್ಕದ ಕಾಸರಗೋಡು ವೈದ್ಯಕೀಯ ಕಾಲೇಜು ನಿಮರ್ಾಣ ಕಾಮಗಾರಿ ಮಂದಗತಿಯಲ್ಲಿ ಸಾಗುತ್ತಿದೆ. ಎಂಡೋಸಲ್ಫಾನ್ ರೋಗಿಗಳಿಗೆ ಆಶಾಕಿರಣವಾಗಬಲ್ಲ ಉಕ್ಕಿನಡ್ಕ ವೈದ್ಯಕೀಯ ಆಸ್ಪತ್ರೆ ನಿಮರ್ಾಣದಲ್ಲಿ ಸರಕಾರದ ಅನಾಸ್ಥೆ ವಿರೋಧಿಸಿ ಜಿಲ್ಲಾ ಬಿಜೆಪಿ ವತಿಯಿಂದ ಉಕ್ಕಿನಡ್ಕದ ಉದ್ದೇಶಿತ ವೈದ್ಯಕೀಯ ಕಾಲೇಜಿನ ಮುಂಭಾಗ ಗುರುವಾರದಂದು ಪ್ರತಿಭಟನೆ ನಡೆಸಲಾಯಿತು. ಆರೋಗ್ಯ ಶಿಕ್ಷಣ ಸೇರಿದಂತೆ ಹಲವು ಕ್ಷೇತ್ರಗಳಲ್ಲಿ ಜಿಲ್ಲೆಯನ್ನು ರಾಜ್ಯ ಸರಕಾರವು ಸತತವಾಗಿ ಅವಗಣಿಸಿದೆ, ಸರಕಾರವು ತನ್ನ ದುರಾಡಳಿತ ಮತ್ತು ಅನೀತಿಯಿಂದ ಹೊರ ಬಂದು ಕೇಂದ್ರ ಸರಕಾರದ ಮೂಲಕ ಕೊಡಮಾಡಲಾದ ಹಣವನ್ನು ಉಪಯೋಗಿಸಿ ವೈದ್ಯಕೀಯ ಆಸ್ಪತ್ರೆಯ ನಿಮರ್ಾಣವನ್ನು ಕೂಡಲೇ ಕೈಗೊಳ್ಳಬೇಕು ಎಂದು ಕಾಸರಗೋಡು ಮತ್ತು ಮಂಜೇಶ್ವರ ಬಿಜೆಪಿ ಮಂಡಲ ಸಮಿತಿ ವತಿಯಿಂದ ತತ್ಕಾಲಿಕವಾಗಿ ನಿಮರ್ಿಸಿದ ಹಟ್ಟಿಯಲ್ಲಿ ಹಸು-ಕರುಗಳನ್ನು ಕಟ್ಟಿ ಪ್ರತಿಭಟಿಸಲಾಯಿತು.
    ಗೋವಿಗೆ ಮೇವನ್ನು ನೀಡುವ ಮೂಲಕ ಜಿಲ್ಲಾ ಬಿಜೆಪಿ ಅಧ್ಯಕ್ಷ ನ್ಯಾಯವಾದಿ.ಕೆ.ಶ್ರೀಕಾಂತ್ ಪ್ರತಿಭಟನೆಗೆ ಚಾಲನೆ ನೀಡಿದರು. ಬಳಿಕ ಮಾತನಾಡಿದ ಅವರು ಕಾಸರಗೋಡು ಜಿಲ್ಲೆಯ ಜನತೆಯ ಕಣ್ಣಿಗೆ ಮಣ್ಣೆರಚುವ ಕಾರ್ಯದಲ್ಲಿ ನಿರತವಾಗಿರುವ ಎಡ-ಬಲರಂಗಗಳ ಶಾಸಕರನ್ನು ಭಾರತೀಯ ಜನತಾ ಪಕ್ಷದ ಕಾರ್ಯಕರ್ತರು ಇಂದು ಜಾನುವಾರುಗಳನ್ನು ಕಟ್ಟಿದ ಹಟ್ಟಿಯಲ್ಲಿ ಕಟ್ಟಿಹಾಕಲು ಅವಕಾಶವನ್ನು ಮಾಡಿಕೊಡದೆ ವೈದ್ಯಕೀಯ ಕಾಲೇಜು ನಿಮರ್ಾಣಕ್ಕಾಗಿ ಪ್ರಯತ್ನಿಸಬೇಕು ಎಂದು ರಾಜ್ಯ ಸರಕಾರಕ್ಕೆ ಎಚ್ಚರಿಕೆಯ ಮಾತುಗಳನ್ನು ಹೇಳಿದರು. ರೈಲಿನ ಚೈನು ಎಳೆದ ರೈಲು ನಿಲ್ಲಿಸಿದಂತೆ, ಕಾಸರಗೋಡು ಜಿಲ್ಲೆಯ ಜನತೆ ಎದುರಿಸುತ್ತಿರುವ ಸಮಸ್ಯೆಗಳ ಚೈನು ಎಳೆದು ಪರಿಹಾರವನ್ನೊದಗಿಸಲು ನಮ್ಮ ಕಾಸರಗೋಡು ಹಾಗೂ ಮಂಜೇಶ್ವರದ ಶಾಸಕರು ತಯಾರಾಗಿಲ್ಲ ಎಂದರು.
    ರಾಜ್ಯ ಸಭಾ ಸದಸ್ಯ ವಿ.ಮುರಳೀಧರನ್ ಅವರ ಪ್ರಯತ್ನದಿಂದಾಗಿ `ಅಂತ್ಯೋದಯ' ಎಕ್ಸ್ಪ್ರೆಸ್ ರೈಲಿಗೆ ಕಾಸರಗೋಡಿನಲ್ಲಿ ನಿಲುಗಡೆ ಲಭಿಸಿದೆಯೇ ಹೊರತು, ಚೈನು ಎಳೆದುದರಿಂದಲ್ಲ. ವೈದ್ಯಕೀಯ ಕಾಲೇಜಿಗೆ ಅಗತ್ಯವಾದ ಸುಸಜ್ಜಿತ ಆಸ್ಪತ್ರೆ ನಿಮರ್ಾಣದ ಕಾರ್ಯ ನಡೆದರೆ ಮಾತ್ರ ವೈದ್ಯಕೀಯ ಕಾಲೇಜು ನಿಮರ್ಿಸಲು ಸಾಧ್ಯವಿದೆ. ಪ್ರಸ್ತುತ ರಾಜ್ಯ ಸರಕಾರ ಇದಕ್ಕೆ ಉತ್ಸುಕತೆ ತೋರಿಸದೆ, ಎರಡು ಮುಂಗಡಪತ್ರಗಳಲ್ಲೂ ನಯಾಪೈಸೆಯನ್ನೂ ಮೀಸಲಿರಿಸಿಲ್ಲ. ವೈದ್ಯಕೀಯ ಶಿಕ್ಷಣ ಸಹಿತ, ಚಿಕಿತ್ಸೆಗಾಗಿ ಜಿಲ್ಲೆಯ ಜನತೆ ಕನರ್ಾಟಕ ರಾಜ್ಯವನ್ನು ಅವಲಂಬಿಸಬೇಕಾಗಿದೆ. ವರ್ಷಂಪ್ರತಿ 3000 ಕೋಟಿರೂಪಾಯಿ ಹಣ ಬೇರೆ ರಾಜ್ಯದ ಖಾಸಗಿ ವ್ಯಕ್ತಿಗಳು ನಡೆಸುವ ಆಸ್ಪತ್ರೆಗಳಿಗೆ ಹರಿದು ಹೋಗುತ್ತಿದೆ. ಅವರ ಮೆಡಿಕಲ್ ಲಾಭಿಗೆ ನಮ್ಮ ಶಾಸಕರ ಬೆಂಬಲವೇ ಕಾರಣವಾಗಿದೆ ಎಂದು ಅವರು ಆರೋಪಿಸಿದರು. ಕೇಂದ್ರ ಸರಕಾರದ ಅಧಿಕೃತ ಸಂಸ್ಥೆ ನಬಾಡರ್್ ಮೂಲಕ ಹಣ ನೀಡಿದರೂ ಅದನ್ನು ವಿನಿಯೋಗಿಸದೆ ಆಸ್ಪತ್ರೆ ನಿಮರ್ಾಣ ಕಾರ್ಯವನ್ನು ಕಡೆಗಣಿಸಲಾಗಿದೆ ಎಂದರು.
ಮಂಜೇಶ್ವರ ಮಂಡಲಾಧ್ಯಕ್ಷ ಕೋಳಾರು ಸತೀಶ್ಚಂದ್ರ ಭಂಡಾರಿ ಅಧ್ಯಕ್ಷತೆ ವಹಿಸಿ ಮಾತನಾಡಿ, ಕಾಸರಗೋಡು ಜಿಲ್ಲೆಯ ನಿಜಸ್ಥಿತಿಯನ್ನು ಜನತೆಗೆ ತಿಳಿಯಪಡಿಸುವುದಕ್ಕೋಸ್ಕರ ಈ ವಿನೂತನ ಹೋರಾಟವನ್ನು ಹಮ್ಮಿಕೊಳ್ಳಲಾಗಿದೆ. ಉಮ್ಮನ್ ಚಾಂಡಿ ಮುಖ್ಯಮಂತ್ರಿಯಾಗಿರುವಾಗ ಘೋಷಣೆಯಾದ ಯೋಜನೆಯನ್ನು ಇದೀಗ ಎಲ್ಲವನ್ನೂ ಸರಿಮಾಡುತ್ತೇವೆ ಎಂದ ಎಲ್.ಡಿ.ಎಫ್. ಸರಕಾರದಿಂದಲೂ ಪೂರ್ಣಗೊಳಿಸಲಾಗಿಲ್ಲ. ಇಂದು ಸಾಂಕೇತಿಕವಾಗಿ ನಡೆದ ಹೋರಾಟ ಮುಂದೆ ತೀವ್ರ ಸ್ವರೂಪವನ್ನು ತಾಳುವುದಕ್ಕೆ ಮೊದಲೇ ಸರಕಾರ ಎಚ್ಚೆತ್ತುಕೊಳ್ಳಬೇಕು ಎಂದರು.
ಬಿಜೆಪಿ ರಾಜ್ಯ ಉಪಾಧ್ಯಕ್ಷೆ ಪ್ರಮೀಳಾ ಸಿ.ನಾಯ್ಕ್ ಅವರು ಮಾತನಾಡಿ, ಜನರ ಕಷ್ಟ ಸುಖಗಳಿಗೆ ಸ್ಪಂಧಿಸದ ಆಡಳಿತ ಪಕ್ಷವು ಕಾಸರಗೋಡಿನ ವಿವಿಧ ಸಮಸ್ಯೆಗಳನ್ನು ಪರಿಹರಿಸುವಲ್ಲಿ ವಿಫಲವಾಗಿದೆ. ಎಂಡೋ ಪೀಡಿತರ ಕಣ್ಣೀರೊರೆಸಲು ಇದುವರೆಗೆ ಸಾಧ್ಯವಾಗಿಲ್ಲ ಎಂದು ಸರಕಾರವನ್ನು ದೂಷಿಸಿದರು.
ರಾಷ್ಟ್ರೀಯ ಸಮಿತಿ ಸದಸ್ಯ ಎಂ. ಸಂಜೀವ ಶೆಟ್ಟಿ ಮಾತನಾಡುತ್ತಾ ಕಾಸರಗೋಡು ಜಿಲ್ಲೆಯ ರೂಪೀಕರಣಕ್ಕಾಗಿ ಭಾರತೀಯ ಜನತಾಪಕ್ಷವು ಹೋರಾಡಿದ್ದು ಇದೀಗ ಜಿಲ್ಲೆಯ ಅಭಿವೃದ್ಧಿಗಾಗಿಯೂ ಹೋರಾಡಬೇಕಾದ ಪರಿಸ್ಥಿತಿ ಎದುರಾಗಿದೆ. ಇದಕ್ಕೆ ಕಾರಣವಾದ ಸರಕಾರಕ್ಕೆ ತಕ್ಕ ಉತ್ತರವನ್ನು ನೀಡಬೇಕಿದೆ ಎಂದರು.
ರಾಜ್ಯ ಬಿಜೆಪಿ ಸಮಿತಿ ಸದಸ್ಯ ರವೀಶತಂತ್ರಿ ಕುಂಟಾರು,ಸುರೇಶ್ ಕುಮಾರ್ ಶೆಟ್ಟಿ, ಜಿಲ್ಲಾ ಉಪಾಧ್ಯಕ್ಷ ರಾಮಪ್ಪ ಮಂಜೇಶ್ವರ, ರಾಜ್ಯ ಸಮಿತಿ ಸದಸ್ಯ ನ್ಯಾಯವಾದಿ ವಿ.ಬಾಲಕೃಷ್ಣ ಶೆಟ್ಟಿ, ರಾಜ್ಯ ಕೌನ್ಸಿಲ್ ಸದಸ್ಯ ಶಿವಕೃಷ್ಣ ಭಟ್, ಜಿಲ್ಲಾ ಉಪಾಧ್ಯಕ್ಷರುಗಳಾದ ನ್ಯಾಯವಾದಿ ಸದಾನಂದ ರೈ, ಜನನಿ, ಸತ್ಯಶಂಕರ ಭಟ್ ಕುಂಬಳೆ, ನೇತಾರರಾದ ಪುಷ್ಪಾ ಅಮೆಕ್ಕಳ, ರೂಪವಾಣಿ ಆರ್. ಭಟ್, ಅವಿನಾಶ್ ರೈ, ಸುಮಿತ್ ರಾಜ್ ಪೆರ್ಲ, ವಿ. ಪುಟ್ಟಪ್ಪ, ಗೋಪಾಲಕೃಷ್ಣ ಮುಂಡೋಳುಮೂಲೆ, ಸವಿತಾ ಬಾಳಿಕೆ, ಶೈಲಜಾ ಭಟ್, ಹರೀಶ್ ಗೋಸಾಡ, ರಾಜೇಶ್ ಶೆಟ್ಟಿ ಕುಂಬ್ಡಾಜೆ, ರವೀಂದ್ರ ರೈ ಗೋಸಾಡ, ಶಶಿಧರ ತೆಕ್ಕೆಮೂಲೆ, ಬಾಲಕೃಷ್ಣ ಶೆಟ್ಟಿ ಕಡಾರು, ವಿಶ್ವನಾಥ ಪ್ರಭು, ಡಿ.ಶಂಕರ, ಲಕ್ಷ್ಮೀನಾರಾಯಣ ಪೈ, ಕೃಷ್ಣ ಮಣಿಯಾಣಿ ಮೊಳೆಯಾರು, ಎಂ.ನಾರಾಯಣ ಭಟ್, ಹರಿಶ್ಚಂದ್ರ ಮಂಜೇಶ್ವರ, ಸುಕುಮಾರ ಕುದ್ರೆಪ್ಪಾಡಿ ಹಾಗೂ ಪಕ್ಷದ ವಿವಿಧ ನೇತಾರರು, ಕಾರ್ಯಕರ್ತರು ಹೋರಾಟದಲ್ಲಿ ಪಾಲ್ಗೊಂಡರು. ಕಾಸರಗೋಡು ಮಂಡಲ ಅಧ್ಯಕ್ಷ ಎಂ. ಸುಧಾಮ ಗೋಸಾಡ ಸ್ವಾಗತಿಸಿ, ಕಾಸರಗೋಡು ಮಂಡಲ ಉಪಾಧ್ಯಕ್ಷ ರಾಮಕೃಷ್ಣ ಹೆಬ್ಬಾರ್ ವಂದಿಸಿದರು.