ಸಮರಸ ಸುದ್ದಿ

            ಕನ್ನಡ ಗಝಲ್
                    ಕವಯಿತ್ರಿ ಚೇತನಾ ಕುಂಬಳೆ:

ನಿನ್ನನ್ನರಸಿ ಹೊರಟ ಹೆಜ್ಜೆಗಳೆಲ್ಲ ದಾರಿತಪ್ಪಿವೆ ಗೆಳೆಯಾ
ಹೋದಲ್ಲಿ ಬಂದಲ್ಲೆಲ್ಲ ನಿನ್ನನ್ನೇ ಹುಡುಕುತ್ತಿರುವೆ ಗೆಳೆಯಾ

ಕಣ್ಣ ತುಂಬ ಕನಸುಗಳಿವೆ ಕನಸಲ್ಲಿ ನೀನೇ ತುಂಬಿರುವೆ
ಮನದ ತುಂಬ ನಿನ್ನನ್ನು ಸೇರುವ ತವಕಗಳಿವೆ ಗೆಳೆಯಾ

ಸಿಹಿಯಿರಲಿ ಜೊತೆಗೆ ಕಹಿಯಿರಲಿ ಸನಿಹ ನೀನಿರೆ
ನಿತ್ಯವೂ ನಿನ್ನ ಸಾನಿಧ್ಯವನ್ನು ಬಯಸುತ್ತಿರುವೆ ಗೆಳೆಯಾ

ನಿನ್ನೊಡನೆ ಆಡದೆ ಉಳಿಸಿದೆ ಸಾವಿರ ಮಾತುಗಳಿವೆ
ಮೌನ ಮುರಿದು ಎಲ್ಲವನ್ನೂ ಹೇಳಲು ಹಂಬಲಿಸುತ್ತಿರುವೆ ಗೆಳೆಯಾ

ತನುವಿನಂತರಾಳದಲ್ಲಿ ಭಾವನೆಗಳು ಮುದುಡಿ ಕುಳಿತಿವೆ
ಜೀವ ತುಂಬಲು ನೀನು ಬರುವೆಯೆಂದು ಕಾಯುತ್ತಿರುವೆ ಗೆಳೆಯಾ

              ಚೇತನಾ ಕುಂಬಳೆ: