ಸಮರಸ ಸುದ್ದಿ

               ಕನ್ನಡ ಗಝಲ್
                    ಕವಯಿತ್ರಿ ಚೇತನಾ ಕುಂಬಳೆ:
ಮಾತೊಂದುಕೇಳದೆ ಉಳಿದಿದೆ ಸಖಿ
ಮನದೊಳು ಪ್ರೀತಿಯ ಭಾವ ಸುಳಿದಿದೆ ಸಖಿ
   ಕಣ್ಣಿಂದ ದೂರವಾದಾಗಲೆಲ್ಲ ಏನೋ ಚಡಪಡಿಕೆ
   ಸನಿಹವಿದ್ದಾಗಲೆಲ್ಲ ಹೃದಯ ಪಿಸುನುಡಿಗಾಗಿ ಕಾಯುತಿದೆ ಸಖಿ
ನಿನ್ನ ಕಾಲ್ಗೆಜ್ಜೆಯ ತಾಳಕೆ ಹೃದಯ ಹಾಡಿದೆ
ಅಧರದಲ್ಲರಳಿದ ಕಿರುನಗೆ ಕಣ್ಗಳ ಸೆಳೆದಿದೆ ಸಖಿ
  ತಂಗಾಳಿಯಲ್ಲಿ ನಿನ್ನದೇ ಗಂಧ ಬೆರೆತಿದೆ
  ನನ್ನೊಡಲ ತುಂಬ ನಿನ್ನ ಕಂಪಿದೆ ಸಖಿ
ನಿನ್ನ ಸೇರುವ ಹಂಬಲವು  ಹೆಚ್ಚಾಗುತಿದೆ
ತನುವಿನೆದೆಯಾಳದಲ್ಲಿ ನೆನಪುಗಳ ಸವಿಯಿದೆ ಸಖಿ

                ಚೇತನಾ ಕುಂಬಳೆ