ಸಮರಸ ಸುದ್ದಿ

                ಗುತ್ತಿಗೆದಾರನ ಕಳಪೆಕಾಮಗಾರಿಗೆ ಮೂಕ ಸಾಕ್ಷಿ: ಮಂಜೇಶ್ವರ ಕೆ ಜೆ ಎಂ ಮೈದಾನ ರಸ್ತೆ: ಎರಡೂವರೆ ಲಕ್ಷ ರೂ. ನ ಯೋಜನೆಯ ರಸ್ತೆ 15 ದಿನಗಳಲ್ಲೇ ಧೂಳಿಪಟ
   ಮಂಜೇಶ್ವರ: :  ಮಂಜೇಶ್ವರ ಗ್ರಾ. ಪಂ. ನ ಪಿಡಿಪಿ ಪಕ್ಷದ ಏಕೈಕ ಸದಸ್ಯೆ ನೂತನವಾಗಿ ಅಭಿವೃದ್ದಿಗೊಳಿಸಿದ ಕೆ ಜೆ ಎಂ ಮೈದಾನ  ರಸ್ತೆ ಕಾಮಗಾರಿಯಲ್ಲಿ ಭಾರೀ ಗೋಲ್ಮಾಲ್ ನಡೆಸಿರುವುದಾಗಿ ಊರವರು ಆರೋಪಿಸುತಿದ್ದಾರೆ.
   ಮಂಜೇಶ್ವರ ಗ್ರಾ. ಪಂ. 2016 -2017  ಯೋಜನೆಯಲ್ಲಿ ಮಂಜೂರಾದ ಎರಡೂವರೆ ಲಕ್ಷ ರೂ. ಯೋಜನಾ ಮೊತ್ತದಲ್ಲಿ ನಡೆಸಲಾದ ಗುತ್ತಿಗೆಗಾದರನ ಕಾಮಗಾರಿ ಪೂರ್ಣಗೊಂಡು ಕೇವಲ 15 ದಿನಗಳಲ್ಲೇ ಈ ರಸ್ತೆ ಸಂಪೂರ್ಣ ಹದೆಗೆಟ್ಟಿರುವುದಾಗಿ ಸ್ಥಳೀಯರು ಹೇಳುತಿದ್ದಾರೆ.
   ಕೆ ಜೆ ಎಂ  ರಸ್ತೆ ಒಂದನೇ ಕ್ರಾಸ್ ರಸ್ತೆಯಿಂದ ಮೂರನೇ ಕ್ರಾಸ್ ತನಕ ರಸ್ತೆ ಕಾಮಗಾರಿಯನ್ನು ನಡೆಸಲಾಗಿದೆ. ಕಾಮಗಾರಿ ನಡೆಯುವ ಸಂದರ್ಭದಲ್ಲಿ ಗ್ರಾ.ಪಂ. ಸದಸ್ಯೆ ಗಮನ ಹರಿಸಿಲ್ಲವೆಂಬ ಆರೋಪ ವ್ಯಾಪಕವಾಗಿ ಕೇಳಿಬರುತ್ತಿದೆ. ಇದೀಗ ಈ ರಸ್ತೆಯಲ್ಲಿ ವಾಹನ ಸಂಚಾರಕ್ಕೂ ಸಾಧ್ಯವಾಗದೆ ಆಟೋ ರಿಕ್ಷಾ ಹಾಗೂ ಶಾಲಾ ವಾಹನಗಳು ಸಂಚಾರಕ್ಕೆ ಹಿಂದೇಟು ಹಾಕುತ್ತಿರುವುದಾಗಿ ಊರವರು ಹೇಳುತಿದ್ದಾರೆ. ಸಂಬಂಧಪಟ್ಟವರು ಇತ್ತ ಕಡೆ ಗಮನ ಹರಿಸದೇ ಇದ್ದರೆ ಮುಂದಿನ ದಿನಗಳಲ್ಲಿ ಈ ಬಗ್ಗೆ ಊರವರು ವಿಜಿಲೆನ್ಸ್ ಮೊರೆ ಹೋಗಲು ತೀಮರ್ಾನಿಸಿದ್ದು, ಪ್ರತಿಭಟನೆಗೂ ಸಜ್ಜಾಗುತ್ತಿರುವುದಾಗಿ ಸ್ಥಳೀಯರು ಮಾಹಿತಿ ನೀಡಿದ್ದಾರೆ.