ಸಮರಸ ಸುದ್ದಿ

              ನೂತನ ಜಿಲ್ಲಾಧಿಕಾರಿಯ ನೇಮಕ
  ಕಾಸರಗೋಡು: ಕಳೆದ ಕೆಲವು ವಾರಗಳಿಂದ ಜಿಲ್ಲಾಧಿಕಾರಿಗಳಿಲ್ಲದೆ ಸಂಕಷ್ಟಕ್ಕೊಳಗಾಗಿದ್ದ ಜಿಲ್ಲೆಗೆ ನೂತನ ಜಿಲ್ಲಾಧಿಕಾರಿಯಾಗಿ ತಿರುವನಂತಪುರ ನಿವಾಸಿ ಡಾ.ಸಜಿತ್ ಬಾಬು ದಾಮೋದರನ್ ರನ್ನು ನೇಮಕಗೊಳಿಸಿರುವುದಾಗಿ ರಾಜ್ಯ ಸರಕಾರ ಮಂಗಳವಾರ ಪ್ರಕಟಿಸಿದೆ.
   ಈ ಹಿಂದೆ ಕಾಸರಗೊಡಿನ ಜಿಲ್ಲಾಧಿಕಾರಿಗಳಾಗಿದ್ದ ಕೆ.ಜೀವನ್ ಬಾಬು ಅವರನ್ನು ಇಡುಕ್ಕಿ ಜಿಲ್ಲೆಗೆ ವಗರ್ಾಯಿಸಿದ ಬಳಿಕ ಕಳೆದೊಂದು ತಿಂಗಳಿಂದ ಜಿಲ್ಲಾಧಿಕಾರಿಗಳಿಲ್ಲದೆ ಜಿಲ್ಲಾ ದಂಡಾಧಿಕಾರಿಗಳಿಗೆ ಹೆಚ್ಚುವರಿ ಹೊಣೆ ನೀಡಲಾಗಿತ್ತು. ನೂತನ ಜಿಲ್ಲಾಧಿಕಾರಿಗಳಾಗಿ ಆಯ್ಕೆಗೊಳ್ಳಲಿರುವ ಡಾ.ಸಜಿತ್ ಬಾಬು ಪ್ರಸ್ತುತ ರಾಜ್ಯ ಸಹಕಾರಿ ಬ್ಯಾಂಕ್ ರಿಜಿಸ್ಟಾರ್ ಆಗಿ ಕಾರ್ಯನಿರ್ವಹಿಸುತ್ತಿದ್ದು, ಅಸಾಫ್ ನ ಕಾರ್ಯನಿರ್ವಹಣಾಧಿಕಾರಿಯಾಗಿಯೂ ಕಾರ್ಯನಿರ್ವಹಿಸಿದ್ದರು.