ಸಮರಸ ಸುದ್ದಿ

                ಸರ್ವ ಪಕ್ಷನಾಯಕರಿಂದ ಅಟಲ್ ಬಿಹಾರಿ ವಾಜಪೇಯಿಗೆ ಶ್ರದ್ಧಾಂಜಲಿ
     ಕುಂಬಳೆ: ಬಿ.ಜೆ.ಪಿ.ಮಂಜೇಶ್ವರ ಮಂಡಲ ಸಮಿತಿ ವತಿಯಿಂದ ಮಾಜಿ ಪ್ರಧಾನಿ ಅಟಲ್ ಬಿಹಾರಿ ವಾಜಪೇಯಿಯರಿಗೆ ಸರ್ವ ಪಕ್ಷನಾಯಕರಿಂದ ಶ್ರದ್ಧಾಂಜಲಿ ಸಭೆಯು ಕುಂಬಳೆ ಪೇಟೆಯಲ್ಲಿ ಜರಗಿತು. ಸಂತಾಪ ಸೂಚಕ ಸಭೆಯ ಅಧ್ಯಕ್ಷತೆಯನ್ನು ಬಿ.ಜೆ.ಪಿ. ಮಂಡಲಾಧ್ಯಕ್ಷ ಕೋಳಾರು ಸತೀಶ್ಚಂದ್ರ ಭಂಡಾರಿ ವಹಿಸಿದರು.ಬಳಿಕ ಬಿ.ಜೆ.ಪಿ.ರಾಜ್ಯ ಸಮಿತಿ ಸದಸ್ಯ ಮಂಜೇಶ್ವರ ಮಂಡಲ ಪ್ರಭಾರಿ ಕುಂಟಾರು ರವೀಶ ತಂತ್ರಿಯವರು ಮಾತನಾಡಿ ಅಟಲ್ ಬಿಹಾರಿ ವಾಜಪೇಯಿಯವರು ಬಿ.ಜೆ.ಪಿ.ಆಗ್ರಗಣ್ಯ ನಾಯಕರಾಗಿದ್ದು ಕೇವಲ ರಾಷ್ಟ್ರದ ಮಾಜಿ ಪ್ರಧಾನಿಯಾಗಿರದೆ ಕಳಂಕ ರಹಿತ ಆಡಳಿತ ನಡೆಸಿದ ವಿಶ್ವ ಮೆಚ್ಚಿದ ನಾಯಕರಾಗಿದ್ದರು.ವಿರೋಧ ಪಕ್ಷಗಳ ನಾಯಕರನ್ನು ಮತ್ತು ವಿಪಕ್ಷಗಳನ್ನು ವಿರೋಧಿಸದೆ ಸರ್ವರ ಪ್ರೀತಿಗೆ ಪಾತ್ರರಾಗಿದ್ದರು.ಅಧಿಕಾರಕ್ಕಾಗಿ ರಾಜಕೀಯ ಮಾಡದೆ ಎಲ್ಲಾ ಪ್ರಜೆಗಳನ್ನು ಪ್ರೀತಿಸುವ ಮಹಾನ್ ನಾಯಕರಾಗಿದ್ದರು.ಈ ಕಾರಣದಿಂದ ಅಟಲ್ಜಿಯವರಿಗೆ ಶ್ರದ್ಧಾಂಜಲಿ ಸಲ್ಲಿಸಲು ಸಾಗರದಂತೆ ಜನ ಹರಿದು ಬಂದರು.ವಿಶ್ವದ ಅನೇಕ ನಾಯಕರು ಆಗಮಿಸಿ ಶ್ರದ್ಧಾಂಜಲಿ ಸಲ್ಲಿಸಿದರೆಂದರು.
  ಸಭೆಯಲ್ಲಿ ಕಾಂಗ್ರೆಸ್ಸ್ ನಾಯಕ ಸಾಮಿ ಕುಟ್ಟಿ,ಸಿ.ಪಿ.ಎಂ.ನಾಯಕ ಸಿ.ಎ,ಸುಬೈರ್,ಮುಸ್ಲಿಂಲೀಗ್ ನಾಯಕ ಎ.ಕೆ.ಆರೀಫ್, ಸಿ.ಪಿ.ಐ. ನಾಯಕ ಜಯರಾಂ ಬಲ್ಲಂಗುಡೇಲು,ಜನತಾದಳ ನಾಯಕ ಅಹಮ್ಮದ್ ಆಲಿಯವರು ಅಟಲ್ ಬಿಹಾರಿ ವಾಜಪೇಯಿಯವರು ದೇಶಕ್ಕೆ ನಿಸ್ವಾರ್ಥ ಸೇವೆ ಸಲ್ಲಿಸಿದ ಮಾಹನ್ ನಾಯಕರೆಂದರು.
   ಪಕ್ಷದ ನಾಯಕರಾದ ವಿ.ರವೀಂದ್ರನ್,ನ್ಯಾಯವಾದಿ ವಿ.ಬಾಲಕೃಷ್ಣ ಶೆಟ್ಟಿ,ಸುರೇಶ್ ಕುಮಾರ್ ಶೆಟ್ಟಿ,ಸರೋಜಾ ಆರ್.ಬಲ್ಲಾಳ್ ಎಂ.ಹರಿಶ್ಚಂದ್ರ ಮಂಜೇಶ್ವರ,ಎಚ್.ಸತ್ಯಶಂಕರ ಭಟ್ ಉಪಸ್ಥಿತರಿದ್ದರು.ಮುರಳೀಧರ ಯಾದವ್ ಸ್ವಾಗತಿಸಿ,ಆದಶರ್್ ಮಂಜೇಶ್ವರ ವಂದಿಸಿದರು.
.............................................................................................................................................................................................................................
   ಕುಂಬಳೆ : ಮಾಜಿ ಪ್ರಧಾನಿ ಅಟಲ್ ಬಿಹಾರಿ ವಾಜಪೇಯಿವರಿಗೆ ಪೆಮರ್ುದೆಯಲ್ಲಿ ಸಂಘ  ಪರಿವಾರದ ವತಿಯಿಂದ ಶ್ರದ್ಧಾಂಜಲಿ ಸಲ್ಲಿಸಲಾಯಿತು.ಹಿರಿಯರಾದ ಅಮ್ಮಂಗಲ್ಲು ಗೋಪಾಲಕೃಷ್ಣ ಭಟ್ ರವರು ಅಟಲ್ಜಿಯವರ ಭಾವಚಿತ್ರದ ಮುಂದೆ ದೀಪ ಬೆಳಗಿಸಿ ಪುಷ್ಪಾರ್ಚನೆ ನಡೆಸಿದರು.ಪೈವಳಿಕೆ ಗ್ರಾಮ ಪಂಚಾಯತು ಸದಸ್ಯ ಹರೀಶ್ ಬೊಟ್ಟಾರಿ,ಮಾಜಿ ಅಧ್ಯಕ್ಷ ಅಚ್ಯುತ ಚೇವಾರ್,ಹಿರಿಯ ನಾಯಕ ದಾಸಪ್ಪ ಸಾಮಾನಿ,ಹೇಮನಾಥ ಶೆಟ್ಟಿ ಕುಡಾಲುಗುತ್ತು,ಪಿ.ಕೃಷ್ಣ ಟೈಲರ್ ಮೃತರ ಗುಣಗಾನಗೈದರು.ಗುರುವ ಕುಂಡೇರಿ ನಿರ್ವಹಿಸಿದರು.
    ಚೇವಾರು : ಸಂಘ ಪರಿವಾರದ ವತಿಯಿಂದ ಚೇವಾರಿನಲ್ಲಿ ಮಾಜಿ ಪ್ರಧಾನಿ ಅಟಲ್ ಬಿಹಾರಿ ವಾಜಪೇಯಿಯವರ ಶ್ರದ್ಧಾಂಜಲಿ ಸಭೆಯು ಜರಗಿತು.ಸಭೆಯಲ್ಲಿ ನಿವೃತ್ತ ಮುಖ್ಯೋಪಾಧ್ಯಾಯ ಕಬೆಕ್ಕೋಡು ನಾರಾಯಣ ಭಟ್ ಚೇವಾರು,ಪೈವಳಿಕೆ ಗ್ರಾಮ ಪಂಚಾಯತು ಸದಸ್ಯ ಹರೀಶ್ ಬೊಟ್ಟಾರಿ,ಮಾಜಿ ಅಧ್ಯಕ್ಷ ಅಚ್ಯುತ ಚೇವಾರ್,ನಿವೃತ್ತ ಅಂಚೆ ಪೇದೆ ರಘು ಕಲ್ಕಾರ್ ಮಾಣಿ ಭಾಗವಹಿಸಿ ಅಟಲ್ಯವರ ಗುಣಗಾನಗೈದರು.
............................................................................................................................................................................................................................