ಸಮರಸ ಸುದ್ದಿ

                   ರಾಗ್ರಂಗ್ ಗಾಯನ ಹಾಗೂ ಅಭಿನಂದನಾ ಕಾರ್ಯಕ್ರಮ ಇಂದು
   ಕುಂಬಳೆ: ಮುಜುಂಗಾವಿನ ಸಾಮಾಜಿಕ ಸಂಘಟನೆಯಾದ ಸತ್ಯ-ಸನ್ಮಾರ್ಗ-ಶ್ರೇಯಸ್ ಗ್ರೂಫ್(ಎಸ್ಎಸ್ಎಸ್)ನೇತೃತ್ವದಲ್ಲಿ ರಾಗ್ರಂಗ್ ಗಾಯನ ಕಾರ್ಯಕ್ರಮ ಹಾಗೂ ಗೌರವಾಭಿನಂದಾ ಸಮಾರಂಭ ಆ.19 ರಂದು ಭಾನುವಾರ ಸಂಜೆ 4.30 ರಿಂದ ನಾರಾಯಣಮಂಗಲ ಶ್ರೀಗಣೇಶ ಮಂದಿರದಲ್ಲಿ ನಡೆಯಲಿದೆ.
   ಮುಜುಂಗಾವು ಶ್ರೀಭಾರತೀ ವಿದ್ಯಾಪೀಠದ ಕಾರ್ಯನಿರ್ವಹಣಾಧಿಕಾರಿ ಶ್ಯಾಮ್ ಭಟ್ ದಬರ್ೆಮಾರ್ಗ ಅಧ್ಯಕ್ಷತೆ ವಹಿಸುವ ಸಮಾರಂಭವನ್ನು ಕುಂಬಳೆ ಸಿಐ ಪ್ರೇಮ್ ಸದನ್ ಉದ್ಘಾಟಿಸುವರು. ಕಾಸರಗೋಡು ಬ್ಲಾಕ್ ಪಂಚಾಯತು ಸದಸ್ಯ ಸತ್ಯಶಂಕರ ಭಟ್ ಹಿಳ್ಳೆಮನೆ, ಕುಂಬಳೆ ಪೋಲೀಸ್ ಠಾಣಾ ಉಪಾಧಿಕಾರಿಗಳಾದ ಜಯರಾಜನ್, ಶಿವದಾಸನ್, ವಿಜಯನ್ ಮೇಲೋತ್ತ್, ಜನಮೈತ್ರಿ ಪೋಲೀಸ್ ಅಧಿಕಾರಿ ಅನಿಲ್ ಕುಮಾರ್, ನಾರಾಯಣಮಂಗಲ ಶ್ರೀಚೀರುಂಭಾ ಭಗವತಿ ಕ್ಷೇತ್ರದ ಕೃಷ್ಣ ಕಾರ್ನವರ್ ಮುಖ್ಯ ಅತಿಥಿಗಳಾಗಿ ಉಪಸ್ಥಿತರಿರುವರು. ವಿವಿಧ ಕ್ಷೇತ್ರಗಳಲ್ಲಿ ಗಣನೀಯ ಸಾಧನೆಗೈದ ಸಾಧಕರಿಗೆ ಅಭಿನಂದನೆ ಹಾಗೂ ಸಾಂಸ್ಕೃತಿಕ ಕಾರ್ಯಕ್ರಮಗಳು ಈ ಸಂದರ್ಭ ನಡೆಯಲಿದೆ ಎಂದು ಸಂಘಟನೆಯ ಅಧ್ಯಕ್ಷ ಜಿ.ಕೆ.ಭಟ್ ಮಜಲು ತಿಳಿಸಿದ್ದಾರೆ.