ಸಮರಸ ಸುದ್ದಿ

                ಹೊಸಂಗಡಿಯ ಅಯ್ಯಪ್ಪ ಮಂದಿರಕ್ಕೆ ಶ್ರೀವಿಷ್ಣುಸಹಸ್ರನಾಮ ಅಭಿಯಾನ ರಥ
   ಮಂಜೇಶ್ವರ: ಕೊಂಡೆವೂರು ಶ್ರೀ ನಿತ್ಯಾನಂದ ಯೋಗಾಶ್ರಮದಲ್ಲಿ 2019 ರ ಫೆಬ್ರವರಿಯಲ್ಲಿ ನಡೆಯಲಿರುವ ವಿಶ್ವಜಿತ್ ಅತಿರಾತ್ರ ಸೋಮಯಾಗದ ಪೂರ್ವಭಾವಿಯಾಗಿ ಶ್ರೀ ವಿಷ್ಣುಸಹಸ್ರನಾಮ ಅಭಿಯಾನ ರಥಯಾತ್ರೆ ಮಂಜೇಶ್ವರ ಪಂಚಾಯತಿ ವ್ಯಾಪ್ತಿಯಲ್ಲಿ ಸೆ. 30 ರಿಂದ ಅ. 8 ರವರೆಗೆ ವಿವಿಧ ಶ್ರದ್ಧಾ ಕೇಂದ್ರಗಳಿಗೆ ಸಂಚರಿಸುತ್ತಿದ್ದು, ಭಾನುವಾರ  ಹೊಸಂಗಡಿಯ ಅಯ್ಯಪ್ಪ ಮಂದಿರದ ಮುಂಭಾಗದಲ್ಲ್ಲಿ  ಭಕ್ತಾದಿಗಳು ಚೆಂಡೆ, ಜಾಗಟೆ, ಶಂಖ ವಾದನದೊಡನೆ ಶ್ರದ್ಧಾಭಕ್ತಿ ಪೂರ್ವಕ ಸ್ವಾಗತಿಸಿದರು. ಈ ಸಂದರ್ಭದಲ್ಲಿ ಸೇರಿದ ಭಕ್ತಾದಿಗಳು ಭಜನೆ ಬಳಿಕ ಸಾಮೂಹಿಕವಾಗಿ ಶ್ರೀವಿಷ್ಣುಸಹಸ್ರನಾಮ ಪಾರಾಯಣ ನಡೆಸಿದರು. ವೇದಮೂತರ್ಿ ಹರಿನಾರಾಯಣ ಮಯ್ಯರು ಮಹಾವಿಷ್ಣುನ ಪೂಜಾ ಕೈಂಕರ್ಯ ನೆರವೇರಿಸಿ ವಿಷ್ಣುಸಹಸ್ರನಾಮದ ಮಹತ್ವವನ್ನು ವಿವರಿಸಿದರು.
   ಬಳಿಕ ನಡೆದ ಸತ್ಸಂಗದಲ್ಲಿ ಮಾಣಿಲ ಶ್ರೀಧಾಮದ  ಶ್ರೀ ಮೋಹನದಾಸ ಪರಮಹಂಸ ಸ್ವಾಮೀಜಿ ಮತ್ತು ಕೊಂಡೆವೂರಿನ ಶ್ರೀ ಯೋಗಾನಂದ ಸರಸ್ವತೀ ಸ್ವಾಮೀಜಿಯವರು  ಸಮಾಜ ಬಾಂಧವರ ಒಗ್ಗೂಡುವಿಕೆಗೆ ಯಾಗದ ಮೂಲಕ ಭಗವಂತ ಶಕ್ತಿ ತುಂಬಲಿ, ಸರ್ವರಿಗೂ ಶ್ರೇಯಸ್ಸಾಗಲಿ ಎಂದು ಆಶೀರ್ವದಿಸಿದರು.
   ಇದೇ ಸಂದರ್ಭದಲ್ಲಿ ಯತಿದ್ವಯರು ಯಾಗದ ಪೂರ್ವಭಾವಿ ಸಹಸ್ರ ವೃಕ್ಷ ಸಮೃಧ್ಧಿ ಅಭಿಯಾನದ ಅಂಗವಾಗಿ ಯಾಗದ ಹೊಸಂಗಡಿ ಉಪಸಮಿತಿಯ ಪದಾಧಿಕಾರಿಗಳಿಗೆ 'ನೆಲ್ಲಿ ಗಿಡ'ವನ್ನು ನೀಡಿದರು. ವಿಷ್ಣು ಸಹಸ್ರನಾಮ ಅಭಿಯಾನ ಸಮಿತಿಯ ಪ್ರಧಾನ ಕಾರ್ಯದಶರ್ಿ ದಿನಕರ್ ಹೊಸಂಗಡಿ ಸ್ವಾಗತಿಸಿ, ಅಧ್ಯಕ್ಷ ಹರೀಶ್ ಮಾಡ ವಂದಿಸಿದರು.