ಪ್ರಧಾನಿ ವೀಡಿಯೋ ಸಂವಾದ

ಉಪ್ಪಳ: ಕಾರ್ಯಕರ್ತರೊಂದಿಗೆ ಪ್ರಧಾನಿ ನರೇಂದ್ರ ಮೋದಿ ಗುರುವಾರ ದೇಶಾದ್ಯಂತ ವೀಡಿಯೋ ಸಂವಾದ ನಡೆಸಿದರು. ಮಂಗಲ್ಪಾಡಿಯ ಏಕಾಹ ಭಜನಾ ಮಂದಿರದಲ್ಲಿ ಆಯೋಜಿಸಿದ ಸಂವಾದ ವ್ಯವಸ್ಥೆಯನ್ನು ನೂರಾರು ಮಂದಿ ವೀಕ್ಷಿಸಿದರು. ಲೋಕಸಭಾ ಚುನಾವಣೆ ಸಮೀಪಿಸುತ್ತಿರುವ ಹಿನ್ನೆಲೆಯಲ್ಲಿ ಪಕ್ಷ ಸಂಘಟನೆ ಬಲಪಡಿಸುವ ಉದ್ದೇಶದಿಂದ ಬಿಜೆಪಿ ರೂಪಿಸಿರುವ ಕಾರ್ಯಕ್ರಮಗಳಲ್ಲೊಂದಾಗಿದೆ `ಮೇರಾ ಬೂತ್ ಸಬ್‍ಸೆ ಮಜ್ಬೂತ್' ಕಾರ್ಯಕ್ರಮ. ಏಕ ಕಾಲಕ್ಕೆ ದೇಶದಾದ್ಯಂತ 15000 ಕಡೆಗಳಲ್ಲಿ ಬಿಜೆಪಿ ಕಾರ್ಯಕರ್ತರೊಂದಿಗೆ ಪ್ರಧಾನಿ ನೇರ ಸಂವಾದ ನಡೆಸಿದರು. ದೇಶದಲ್ಲಿ 4000 ಕ್ಕೂ ಅಧಿಕ ವಿಧಾನಸಭಾ ಕ್ಷೇತ್ರಗಳಲ್ಲಿ ಕನಿಷ್ಠ ಒಂದು ಕಾರ್ಯಕ್ರಮ ಮತ್ತು ಪಕ್ಷ ಸದೃಢವಾಗಿರುವ ಕಡೆಗಳಲ್ಲಿ ಒಂದಕ್ಕಿಂತ ಹೆಚ್ಚು ಕಾರ್ಯಕ್ರಮಗಳನ್ನು ಆಯೋಜಿಸಿತ್ತು. ಮಂಗಲ್ಪಾಡಿ ಏಕಾಹ ಭಜನಾ ಮಂದಿರದಲ್ಲಿ ಬಿಜೆಪಿ ಕುಂಬಳೆ ಮಂಡಲ ಸಮಿತಿ ವೀಕ್ಷಣಾ ವ್ಯವಸ್ಥೆಏರ್ಪಡಿಸಿತ್ತು.