ಕೊಂಡೆವೂರಿನಲ್ಲಿ ಭಜನಾ ಸಪ್ತಾಹ ಸಂಪನ್ನ

ಉಪ್ಪಳ: ಕೊಂಡೆವೂರಿನ ಶ್ರೀ ನಿತ್ಯಾನಂದ ಯೋಗಾಶ್ರಮದಲ್ಲಿ ಮಾಣಿಲ ಶ್ರೀಧಾಮದ ಶ್ರೀ ಮೋಹನದಾಸ ಪರಮಹಂಸ ಸ್ವಾಮೀಜಿ ಹಾಗೂ ಕೊಂಡೆವೂರು ಶ್ರೀಗಳವರಿಂದ ಫೆ. 25 ರಂದು ಸೂರ್ಯಾಸ್ತಕ್ಕೆ ದೀಪಪ್ರಜ್ವಲನೆಯೊಂದಿಗೆ ಆರಂಭಗೊಂಡ ಭಜನಾ ಸಪ್ತಾಹ ಭಾನುವಾರ ಸೂರ್ಯಾಸ್ತಕ್ಕೆ ಸಂಪನ್ನಗೊಂಡಿತು. 7 ದಿನಗಳ ಕಾಲ ಅಖಂಡವಾಗಿ ನಡೆದ ಈ ಭಜನಾ ಕಾರ್ಯಕ್ರಮದಲ್ಲಿ ಕಾಸರಗೋಡು, ದಕ್ಷಿಣ ಕನ್ನಡ ಮತ್ತು ಉಡುಪಿ ಜಿಲ್ಲೆಗಳ 165 ಕ್ಕೂ ಹೆಚ್ಚು ಭಜನಾ ತಂಡಗಳು ಭಜನಾ ಸೇವೆ ಸಲ್ಲಿಸಿದವು. ಪ್ರತಿದಿನವೂ ಮಕ್ಕಳು, ಮಹಿಳೆಯರು ಸಹಿತ ಹೆಚ್ಚಿನ ಸಂಖ್ಯೆಯಲ್ಲಿ ಭಕ್ತಾದಿಗಳು ಶ್ರದ್ಧಾಭಕ್ತಿಗಳಿಂದ ಪಾಲ್ಗೊಂಡಿದ್ದರು.