ವಿಂಗ್ ಕಮಾಂಡರ್ ಅಭಿನಂದನ್‍ಗೆ ವೈದ್ಯಕೀಯ ಪರೀಕ್ಷೆ

ದೆಹಲಿ: ಇಂದು ಬೆಳಿಗಿನ ಜಾವ ವರ್ಧಮಾನ್ ಅವರು ಕುಟುಂಬ ಸದಸ್ಯರನ್ನು ಹಾಗೂ ವಾಯುಪಡೆಯ ಹಲವು ಹಿರಿಯ ಅಧಿಕಾರಿಗಳನ್ನು ಭೇಟಿಯಾದರು ಎಂದು ಮೂಲಗಳು ತಿಳಿಸಿವೆ. ಶುಕ್ರವಾರ ರಾತ್ರಿ 11:45ರ ವೇಳೆಗೆ ಅಭಿನಂದನ್ ಅವರನ್ನು ದಿಲ್ಲಿಗೆ ಕರೆತರಲಾಯಿತು. ಬಳಿಕ, ಮೂರೂ ಪಡೆಗಳ ವೈಮಾನಿಕ ಸಿಬ್ಬಂದಿಗಳಿಗಾಗಿಯೇ ಇರುವ ಪ್ರತ್ಯೇಕ ವಿಶೇಷ ವೈದ್ಯಕೀಯ ಕೇಂದ್ರಕ್ಕೆ ಕರೆದೊಯ್ಯಲಾಯಿತು. ಅಭಿನಂದನ್ ಅವರು ತಮ್ಮ ಕುಟುಂಬ ಸದಸ್ಯರನ್ನು ಭೇಟಿಯಾದ ಬಳಿಕ ಹಿರಿಯ ವಾಯುಪಡೆ ಅಧಿಕಾರಿಗಳನ್ನು ಭೇಟಿ ಮಾಡಿದರು. ಹಲವು ವೈದ್ಯಕೀಯ ಪರೀಕ್ಷೆಗಳು ಹಾಗೂ 'ಉದ್ವೇಗ ಶಮನ' ಪ್ರಕ್ರಿಯೆಗೆ ಅವರು ಒಳಗಾಗಿದ್ದು, ಭಾನುವಾರವೂ ಮುಂದುವರಿಯಲಿದೆ. ಆರೋಗ್ಯ ತಪಾಸಣೆ ಮುಗಿದ ಬಳಿಕ ಪಾಕ್ ವಶದಲ್ಲಿದ್ದಾಗಿನ ಅವರ ಅನುಭವಗಳ ಮಾಹಿತಿ ಪಡೆದುಕೊಳ್ಳಲಾಗುತ್ತದೆ. ಪಾಕಿಸ್ತಾನ ವಶದಿಂದ ಬಿಡುಗಡೆಯಾಗಿ ಶುಕ್ರವಾರ ರಾತ್ರಿ ಸ್ವದೇಶಕ್ಕೆ ಆಗಮಿಸಿದ ವಿಂಗ್ ಕಮಾಂಡರ್ ಅಭಿನಂದನ್ ವರ್ಧಮಾನ್ ಅವರನ್ನು 'ಉದ್ವೇಗ ಶಮನ' ಪ್ರಕ್ರಿಯೆಯ ಭಾಗವಾಗಿ ಹಲವು ವೈದ್ಯಕೀಯ ಪರೀಕ್ಷೆಗಳಿಗೆ ಒಳಪಡಿಸಲಾಯಿತು ಎಂದು ಅಧಿಕಾರಿಗಳು ತಿಳಿಸಿದರು. ಶನಿವಾರ ಬೆಳಿಗ್ಗಿನ ಜಾವ ವರ್ಧಮಾನ್ ಅವರು ಕುಟುಂಬ ಸದಸ್ಯರನ್ನು ಹಾಗೂ ವಾಯುಪಡೆಯ ಹಲವು ಹಿರಿಯ ಅಧಿಕಾರಿಗಳನ್ನು ಭೇಟಿಯಾದರು ಎಂದು ಮೂಲಗಳು ತಿಳಿಸಿವೆ. ಶುಕ್ರವಾರ ರಾತ್ರಿ 11:45ರ ವೇಳೆಗೆ ಅಭಿನಂದನ್ ಅವರನ್ನು ದಿಲ್ಲಿಗೆ ಕರೆತರಲಾಯಿತು. ಬಳಿಕ, ಮೂರೂ ಪಡೆಗಳ ವೈಮಾನಿಕ ಸಿಬ್ಬಂದಿಗಳಿಗಾಗಿಯೇ ಇರುವ ಪ್ರತ್ಯೇಕ ವಿಶೇಷ ವೈದ್ಯಕೀಯ ಕೇಂದ್ರಕ್ಕೆ ಕರೆದೊಯ್ಯಲಾಯಿತು. ಫೆಬ್ರವರಿ 27ರಂದು ಭಾರತದ ಸೇನಾ ನೆಲೆಗಳ ಮೇಲೆ ದಾಳಿ ನಡೆಸಲು ಬಂದ ಪಾಕಿಸ್ತಾನದ ಎಫ್-16 ಯುದ್ಧ ವಿಮಾನವನ್ನು ಹೊಡೆದುರುಳಿಸಿದ ಅಭಿನಂದನ್ ಅಪ್ರತಿಮ ಶೌರ್ಯ ಮೆರೆದಿದ್ದರು. ಆದರೆ ಅವರು ಚಲಾಯಿಸುತ್ತಿದ್ದ ಮಿಗ್-21 ಬೈಸನ್ ಯುದ್ಧ ವಿಮಾನವನ್ನು ಪಾಕ್ ಪಡೆಗಳು ಹೊಡೆದುರುಳಿಸಿದವು. ಅವರು ಹೊರ ನೆಗೆಯುವ ಪ್ರಯತ್ನದಲ್ಲಿ ಪಾಕ್ ಆಕ್ರಮಿತ ಕಾಶ್ಮೀರದಲ್ಲಿ ಇಳಿದರು. ಅವರನ್ನು ಕೂಡಲೇ ಸ್ಥಳೀಯರು ಹಿಂಸಿಸಿ ಪಾಕ್ ಪಡೆಗಳ ವಶಕ್ಕೆ ಒಪ್ಪಿಸಿದ್ದರು. ಅಭಿನಂದನ್ ಭೇಟಿಯಾದ ರಕ್ಷಣಾ ಸಚಿವೆ: ಅಭಿನಂದನ್ ಅವರ ವೈದ್ಯಕೀಯ ತಪಾಸಣೆಗಳು ಭಾನುವಾರದ ವರೆಗೂ ಮುಂದುವರಿಯಲಿವೆ. ಆರೋಗ್ಯ ತಪಾಸಣೆ ಮುಗಿದ ಬಳಿಕ ಅವರಿಂದ ಪಾಕ್ ವಶದಲ್ಲಿದ್ದಾಗಿನ ಅನುಭವಗಳ ಬಗ್ಗೆ ಹೇಳಿಕೆ (ಡಿ-ಬ್ರೀಫಿಂಗ್ ಸೆಷನ್) ಪಡೆದುಕೊಳ್ಳಲಾಗುವುದು ಎಂದು ಅಧಿಕಾರಿಗಳು ತಿಳಿಸಿದರು. ಶುಕ್ರವಾರ ರಾತ್ರಿ ಭಾರತಕ್ಕೆ ಗಡಿದಾಟಿ ಬಂದಾಗ ಅವರ ಬಲಗಣ್ಣಿನ ಕೆಳಗೆ, ಮೀಸೆಯ ಮೇಲ್ಭಾಗದಲ್ಲಿ ಊದಿಕೊಂಡಿರುವುದು ಪತ್ತೆಯಾಗಿದೆ. ಶತ್ರುಗಳ ವಶದಲ್ಲಿದ್ದಾಗ ಅತ್ಯಂತ ಕಷ್ಟಕರ ಸನ್ನಿವೇಶದಲ್ಲೂ ಅಪ್ರತಿಮ ಶೌರ್ಯ ಮತ್ತು ಸ್ಥೈರ್ಯ ಪ್ರದರ್ಶಿಸಿದ ಅಭಿನಂದನ್ ಬಗ್ಗೆ ರಾಜಕಾರಣಿಗಳು, ವ್ಯೂಹತಂತ್ರ ಪರಿಣತರು, ಮಾಜಿ ಯೋಧರು, ಸಲೆಬ್ರಿಟಿಗಳು ಮತ್ತು ಇತರರು ವ್ಯಾಪಕವಾಗಿ ಶ್ಲಾಘಿಸಿದ್ದಾರೆ. ಅಭಿನಂದನ್ ಅವರ ಮೇಲೆ ಕೆಲವರು ಅಮಾನುಷವಾಗಿ ಹಲ್ಲೆ ಮಾಡುತ್ತಿರುವ ಹಾಗೂ ಪಾಕ್ ಭದ್ರತಾ ಸಿಬ್ಬಂದಿ ಅವರನ್ನು ರಕ್ಷಿಸುತ್ತಿರುವ ದೃಶ್ಯಗಳಿರುವ ವೀಡಿಯೋ ಒಂದು ವ್ಯಾಪಕವಾಗಿ ಸಾಮಾಜಿಕ ಜಾಲತಾಣಗಳಲ್ಲಿ ಹರಿದಾಡುತ್ತಿದೆ.