ಲೋಕಸಭೆ ಚುನಾವಣೆ: ಜಿಲ್ಲೆಯಲ್ಲಿ ತೀರ್ಪುಗಾರರು 10,11,031 ಮತದಾತರು

ಕಾಸರಗೋಡು: ಈ ಬಾರಿಯ ಲೋಕಸಭೆ ಚುನಾವಣೆ ಮೂಲಕ ಜಿಲ್ಲೆಯಿಂದ ತೀರ್ಪು ನೀಡಲಿರುವವರು 10,11,031 ಮತದಾತರು. ಇವರಲ್ಲಿ ಮಹಿಳೆಯರೇ ನಿರ್ನಾಯಕಪಾತ್ರ ವಹಿಸಲಿರುವವರು. ಆನಿವಾಸಿ ಭಾರತೀಯರ ಸಹಿತ ಮತದಾತರಲ್ಲಿ ಮಹಿಳೆಯರು 5,15,941 ಮಂದಿ, ಪುರುಷರು 4,95,089 ಮಂದಿ. ಜಿಲ್ಲೆಯಲ್ಲಿ ಪ್ರಥಮ ಬಾರಿಗೆ ಒಬ್ಬ ಟ್ರಾನ್ಸ್ ಜೆಂಡರ್ ಕೂಡ ಈ ಬಾರಿಯ ಮತದಾತರ ಪಟ್ಟಿಯಲ್ಲಿದ್ದಾರೆ. 115 ಮಹಿಳೆಯರ ಸಹಿತ 3276 ಮಂದಿ ಆನಿವಾಸಿ ಭಾರತೀಯ ಮತದಾರರು ಜಿಲ್ಲೆಯಲ್ಲಿದ್ದಾರೆ. ಕಾಸರಗೋಡು, ಮಂಜೇಶ್ವರ ವಿಧಾನಸಭೆ ಕ್ಷೇತ್ರಗಳಲ್ಲಿ ಪುರುಷ ಮತದಾರರು ಅಧಿಕವಾಗಿದ್ದಾರೆ. ಮಂಜೇಶ್ವರದಲ್ಲಿ 1,06,624 ಮಂದಿ ಪುರುಷರೂ, 1,05462 ಮಂದಿ ಮಹಿಳೆಯರೂ ಮತದಾತರಿದ್ದು, ಒಟ್ಟು 2,12,086 ಮಂದಿ ಮತದಾರರಿದ್ದಾರೆ. ಕಾಸರಗೋಡು ವಿಧಾನಸಭೆ ಕ್ಷೇತ್ರಗಳಲ್ಲಿ 96,742 ಪುರುಷರೂ, 96,233 ಮಹಿಳೆಯರು ಮತದಾತರಾಗಿದ್ದು, ಒಟ್ಟು 1,92,975 ಮತದಾರರು ಪಟ್ಟಿಯಲ್ಲಿದ್ದಾರೆ. ಆನಿವಾಸಿ ಭಾರತೀಯ ಮತದಾರರು ಅತ್ಯಧಿಕ ಪ್ರಮಾಣದಲ್ಲಿರುವ ವಿಧಾನಸಬೆ ಕ್ಷೇತ್ರ ತ್ರಿಕರಿಪುರವಾಗಿದೆ. ಇಲ್ಲಿ 1181 ಮಂದಿ ಈ ಸಾಲಿನ ಮತದಾತರಿದ್ದಾರೆ. ಅತಿ ಕಡಿಮೆ ಆನಿವಾಸಿ ಭಾರತೀಯ ಮತದಾತರು ಇರುವ ವಿಧಾನಸಭೆ ಕ್ಷೇತ್ರ ಕಾಸರಗೋಡು ಆಗಿದೆ. ಇಲ್ಲಿ 239 ಮಂದಿ ಈ ಪಂಗಡದ ಮತದಾತರು. 1500 ಮಂದಿ ಸರ್ವೀಸ್ ಮತದಾತರು ಜಿಲ್ಲೆಯಲ್ಲಿದ್ದಾರೆ. ಅತ್ಯಧಿಕ ಪ್ರಮಾಣದ ಮತದಾತರಿರುವ ವಿಧಾನಸಭೆ ಕ್ಷೇತ್ರ ಮಂಜೇಶ್ವರವಾಗಿದೆ. ಇಲ್ಲಿ 1,06,624 ಮಂದಿ ಪುರುಷರೂ, 1,05,462 ಮಂದಿ ಮಹಿಳೆಯರೂ ಮತದಾತರಾಗಿದ್ದಾರೆ. ಒಟ್ಟು 2,12,086 ಮಂದಿ ಮತದಾತರು ಮಂಜೇಶ್ವರ ಕ್ಷೇತ್ರದಲ್ಲಿದ್ದಾರೆ. ಜಿಲ್ಲೆಯಲ್ಲಿ ಅತಿ ಕಡಿಮೆ ಮತದಾತರಿರುವ ಕ್ಷೇತ್ರ ಕಾಸರಗೋಡು ಆಗಿದೆ. ಇಲ್ಲಿ 1,92,975 ಮಂದಿ ಮತದಾತರಾಗಿದ್ದಾರೆ. ಉದುಮಾ ವಿಧಾನಸಭೆ ಕ್ಷೇತ್ರಗಳಲ್ಲಿ 1,03684 ಮಂದಿ ಮಹಿಳೆಯರ ಸಹಿತ 2,03,669 ಮತದಾತರಿದ್ದಾರೆ. ಕಾ?ಂಗಾಡ್ ಕ್ಷೇತ್ರದಲ್ಲಿ 1,08.935 ಮಹಿಳೆಯರ, ಒಬ್ಬ ಟ್ರಾನ್ಸ್ ಜೆಂಡರ್ ಸಹಿತ 2,09,158 ಮಂದಿ ಮತದಾತರಿದ್ದಾರೆ. ತ್ರಿಕರಿಪುರದಲ್ಲಿ 1,01,627 ಮಂದಿ ಮಹಿಳೆಯರ ಸಹಿತ 1,93,143 ಮತದಾತರಿದ್ದಾರೆ.