ಏ.23-24 : ಪ್ರತಿಷ್ಠಾ ದಿನಾಚರಣೆ, ನೂತನ ಚಪ್ಪರದ ಸಮರ್ಪಣೆ

      ಕಾಸರಗೋಡು: ರಾಮದಾಸನಗರ ಪೆರ್ನಡ್ಕದ ಕುತ್ಯಾಳ ಶ್ರೀ ಕೋಮರಾಯ ಪಿಲಿಚಾಮುಂಡಿ ದೈವಸ್ಥಾನದ ದೈವೋತ್ಸವ, ಪ್ರತಿಷ್ಠಾ ದಿನಾಚರಣೆ ಮತ್ತು ನೂತನವಾಗಿ ನಿರ್ಮಿಸಿದ ಚಪ್ಪರದ ಸಮರ್ಪಣೆ ಕಾರ್ಯಕ್ರಮ ಏ.23 ಮತ್ತು 24 ರಂದು ವಿವಿಧ ಕಾರ್ಯಕ್ರಮಗಳೊಂದಿಗೆ ಜರಗಲಿದೆ.
   ಏ.23 ರಂದು ಬೆಳಿಗ್ಗೆ 6 ಕ್ಕೆ ಗಣಹೋಮ, 8 ಕ್ಕೆ ಮೇಲೇರಿ ಸೇರಿಸುವುದು, 11 ಕ್ಕೆ ಕುತ್ಯಾಳ ಶ್ರೀ ಕೋಮರಾಯ ಮಹಿಳಾ ಸಂಘದವರಿಂದ ನೂತನವಾಗಿ ನಿರ್ಮಿಸಿದ ಕ್ಷೇತ್ರದ ಮೇಲ್ಚಾವಣಿ ಸಮರ್ಪಣೆ, ಮಧ್ಯಾಹ್ನ 12 ಕ್ಕೆ ಗುಳಿಗ ದೈವದ ಕೋಲ, 1 ಕ್ಕೆ ಅನ್ನದಾನ, 2 ರಿಂದ ಶ್ರೀ ಮಹಿಷಂತಾಯ ದೈವದ ಕೋಲ, ಪ್ರಸಾದ ವಿತರಣೆ, ರಾತ್ರಿ 7 ರಿಂದ ಶ್ರೀ ದೈವಗಳ ಭಂಡಾರ ಇಳಿಸುವುದು, 8 ಕ್ಕೆ ಮೇಲೇರಿಗೆ ಅಗ್ನಿಸ್ಪರ್ಶ, 8.15 ಕ್ಕೆ ಹುಲ್ಪೆ ಸಮರ್ಪಣೆ, 8.30 ಕ್ಕೆ ಅನ್ನದಾನ, 9.30 ಕ್ಕೆ ನಾಟಕ ಪ್ರದರ್ಶನ, 12 ಕ್ಕೆ ಶ್ರೀ ಅಕ್ಕ ಕುಂಞÂ ಲೆಕ್ಕೇಶ್ವರಿ ದೈವದ ಕೋಲ ನಡೆಯುವುದು.
   ಏ.24 ರಂದು ಬೆಳಿಗ್ಗೆ 4 ಕ್ಕೆ ಶ್ರೀ ಪಿಲಿಚಾಮುಂಡಿ ದೈವದ ಅಗ್ನಿಸ್ನಾನ, ಪ್ರಸಾದ ವಿತರಣೆ, 10 ಕ್ಕೆ ಶ್ರೀ ಬಬ್ಬರ್ಯ, ಶ್ರೀ ಮಾನ್ಚಿ ಮತ್ತು ಕೋಮರಾಯ ದೈವಗಳ ಕೋಲ ಹಾಗು ಪ್ರಸಾದ ವಿತರಣೆ, ಅನ್ನದಾನ ನಡೆಯಲಿದೆ.