ತಮಿಳು ಚಿತ್ರರಂಗದಲ್ಲಿ ಬಿಝಿಯಾಗಿದ್ದರೂ ಮತದಾನಕ್ಕಾಗಿ ಊರಿಗೆ ಬಂದ ಮಹಿಮಾ

           
    ಕಾಸರಗೋಡು: ತಮಿಳು ಚಿತ್ರರಂಗದಲ್ಲಿ ಬಿರುಸಿನ ಚಿತ್ರೀಕರಣದ ನಡುವೆಯೂ ಪ್ರಜಾಪ್ರಭುತ್ವ ನೀತಿಯ ಮಹತ್ವ ಅರಿತು ಗಡಿನಾಡು ಕಾಸರಗೋಡಿನ ತಾರೆ ಮಹಿಮಾ ನಂಬ್ಯಾರ್ ಊರಿಗೆ ಆಗಮಿಸಿ ಮತಚಲಾಯಿಸಿದ್ದಾರೆ. 
ನಾಯಮ್ಮಾರಮೂಲೆ ತನ್ ಬೀಹುಲ್ ಹೈಯರ್ ಸೆಕೆಂಡರಿ ಶಾಲೆಯ 101ನೇ ನಂಬ್ರ ಮತಗಟ್ಟೆಯಲ್ಲಿ ಮಹಿಮಾ ಮತದಾನ ನಡೆಸಿದ್ದಾರೆ. ಈ ಸಂದ`ರ್À ಮಾತನಾಡಿದ ಅವರು ಮತದಾನ ನಮ್ಮ ಹಕ್ಕು. ಅದು ಸಾಮಾಜಿಕ ಹೊಣೆಗಾರಿಕೆ. ಮತದಾನ ನಡೆಸುವ ಮೂಲಕ ನಾಡನ್ನು ಯಾರು ಆಳಬೇಕು ಎಂದು ನಾವೇ ನಿರ್ಧರಿಸುತ್ತೇವೆ ಎಂದು ಹೇಳಿದರು.
   ಅಣ್ಣ ಉಣ್ಣಿಕೃಷ್ಣನ್ ಅವರೊಂದಿಗೆ ಮಹಿಮಾ ಮತದಾನ ನಡೆಸಲು ಆಗಮಿಸಿದ್ದರು. ಸರಕಾರಿ ಸಿಬ್ಬಂದಿಯಾಗಿರುವ ತಂದೆ-ತಾಯಿ ಈ ಹೊಣೆಗಾರಿಕೆಯಲ್ಲಿ ಭಾಗಿಯಾಗುತ್ತಿದ್ದುದನ್ನು ಕಂಡು ಬೆಳೆದ ತಮಗೆ ಬಾಲ್ಯದಿಂದಲೇ ಮತದಾನದ ಬಗ್ಗೆ ಅಪಾರ ಗೌರವವಿದೆ ಎಂದು ತಿಳಿಸಿದರು.
    ದಿಲೀಪ್ ನಾಯಕನಾಗಿ ಅಭಿನಯಿಸಿದ್ದ `ಕಾರ್ಯಸ್ಥನ್' ಎಂಬ ಮಲೆಯಾಳ ಚಿತ್ರದಲ್ಲಿ ನಾಯಕಿಯಾಗಿ ಜನಮನ ಸೆಳೆದಿದ್ದ ಮಹಿಮಾ, ನಾಯಮ್ಮಾರಮೂಲೆ ಶಾಲೆ ಬಳಿಯ ನಿವಾಸಿಯಾಗಿದ್ದಾರೆ. ರೈಲ್ವೇ ಸಿಬ್ಬಂದಿ ಕೆ.ಸುಧಾಕರನ್-ನಾಯಮ್ಮಾರಮೂಲೆ ಶಾಲೆಯ ಶಿಕ್ಷಕಿ ಪಿ.ಸಿ.ವಿದ್ಯಾ ದಂಪತಿ ಪುತ್ರಿ