ಮುಳ್ಳೇರಿಯ: ಹೊಸದುರ್ಗದ ಶ್ರೀ ಅಮ್ಮನವರ ದೇವಸ್ಥಾನದಲ್ಲಿ ಶ್ರೀ ಮಹಾಗಣಪತಿ, ಶ್ರೀ ಗುರುಪೀಠದ ನೂತನ ಪ್ರತಿಷ್ಠೆ ಮತ್ತು ಶ್ರೀ ಅಮ್ಮನವರ ಅಷ್ಟಬಂಧ ದ್ರವ್ಯ ಕಲಶ ಮಹೋತ್ಸವ ವಿವಿಧ ಕಾರ್ಯಕ್ರಮಗಳೊಂದಿಗೆ ಜರಗಿತು.
ಮರಕಡ ಶ್ರೀ ಗುರುಪರಾಶಕ್ತಿಯ ಮಠದ ಪರಮಪೂಜ್ಯ ಶ್ರೀ ನರೇಂದ್ರನಾಥ ಯೋಗೀಶ್ವರೇಶ್ವರ ಸ್ವಾಮೀಜಿ ಅವರ ದಿವ್ಯ ಉಪಸ್ಥಿತಿಯಲ್ಲಿ ತಂತ್ರರತ್ನ ಬ್ರಹ್ಮಶ್ರೀ ಸುಬ್ರಹ್ಮಣ್ಯ ಬಾರಿಕ್ಕಾಡ್‍ತ್ತಾಯ ಅವರ ನೇತೃತ್ವದಲ್ಲಿ ಶ್ರೀ ಮಹಾಗಣಪತಿ, ಶ್ರೀ ಗುರುಪೀಠ ಪ್ರತಿಷ್ಠೆ, ಶ್ರೀ ಅಮ್ಮನವರಿಗೆ ಅಷ್ಟಬಂಧ ದ್ರವ್ಯ ಕಲಶ ಮಹೋತ್ಸವ, 108 ತೆಂಗಿನ ಕಾಯಿಯ ಮಹಾಗಣಪತಿ ಹೋಮ, ಅಧಿವಾಸ ವಿಡರ್ತಿ ಪೂಜೆ, ಪುಣ್ಯಾಹ, ಮುಹೂರ್ತಕ್ಕೆ ಅಷ್ಟಬಂಧ ಕ್ರಿಯೆ, ಕರ್ಕರಿ ಪರಿಷೇಕ, ಕುಂಭೇಶ ಕಲಶಾಭಿಷೇಕ, ನಿದ್ರಾ ಕಲಶಾಭಿಷೇಕ, ಪರಿಕಲಶಾಭಿಷೇಕ, ಬ್ರಹ್ಮಕಲಶಾಭಿಷೇಕ, ಮಹಾಪೂಜೆ, ಪ್ರಸಾದ ವಿತರಣೆ ನಡೆಯಿತು.
ಶ್ರೀ ಕಾಲಭೈರವೇಶ್ವರ ಶ್ರೀ ವ್ಯಾಘ್ರ ಚಾಮುಂಡಿ ದೇವರುಗಳಿಗೆ ಕಲಶಾಭಿಷೇಕ, ಶ್ರೀ ನಾಗರಾಜ ನಾಗ ಕನ್ನಿಕೆಗೆ ಕಲಶಾಭಿಷೇಕ, ಶ್ರೀ ಗಳಿಗ ರಾಜನಿಗೆ ಕಲಶಾಭಿಷೇಕ, ಶ್ರೀ ವೆಂಕಟ್ರಮಣ ದೇವರ ಮುಡಿಪು ಪೂಜೆ, ಪರಮಪೂಜ್ಯ ಶ್ರೀ ಸ್ವಾಮೀಜಿಯವರಿಂದ ಆಶೀರ್ವಚನ, ಮಹಾಪೂಜೆ, ದೇವೀ ದರ್ಶನ, ಪ್ರಸಾದ ವಿತರಣೆ, ಅನ್ನಪ್ರಸಾದ ವಿತರಣೆ, ಭಜನೆ, ಮಹಾರಂಗ ಪೂಜೆ ಜರಗಿತು.
ಕಾರ್ಯಕ್ರಮಕ್ಕೆ ಮುನ್ನ ಮರಕಡ ಶ್ರೀ ಗುರುಪರಾಶಕ್ತಿಯ ಮಠದ ಪರಮಪೂಜ್ಯ ಶ್ರೀ ನರೇಂದ್ರನಾಥ ಯೋಗೀಶ್ವರೇಶ್ವರ ಸ್ವಾಮೀಜಿ ಅವರಿಗೆ ಪೂರ್ಣಕುಂಭ ಸ್ವಾಗತ ನೀಡಲಾಯಿತು.
DOCTYPE html>
