ರಜಾ ದಿನಗಳ ಶಿಬಿರ ಇತ್ಯಾದಿಗಳು ವಿದ್ಯಾರ್ಥಿಗಳ ಮತದಾನಕ್ಕೆ ತಡೆಯಾಗಕೂಡದು: ಜಿಲ್ಲಾಧಿಕಾರಿ

 
       ಕಾಸರಗೋಡು: ಜಿಲ್ಲೆಯ ವಿವಿಧ ಕಾಲೇಜುಗಳಲ್ಲಿ ರಜಾದಿನಗಳ ಶಿಬಿರ, ತರಗತಿಗಳು ಸಹಿತ ಕಾರ್ಯಕ್ರಮಗಳು ನಡೆಯುತ್ತಿದ್ದು, ಇವುಗಳಲ್ಲಿ ಭಾಗವಹಿಸುತ್ತಿರುವ ವಿದ್ಯಾರ್ಥಿಗಳು ಏ.23ರಂದು ನಡೆಯುವ ಲೋಕಸಭೆ ಚುನಾವಣೆಯಲ್ಲಿ ಮತದಾನ ನಡೆಸುವಿಕೆಗೆ ಈ ಶಿಬಿರ ಇತ್ಯಾದಿಗಳು ತಡೆಯಾಗಕೂಡದು ಎಂದು ಜಿಲ್ಲಾಧಿಕಾರಿ ಡಾ.ಡಿ.ಸಜಿತ್ ಬಾಬು ತಿಳಿಸಿದರು. ವಿದ್ಯಾರ್ಥಿಗಳ ಮತದಾನಕ್ಕೆ ತಡೆಯಾದರೆ ಅಂಥವರ ವಿರುದ್ಧ ಕಾನೂನು ಕ್ರಮ ಕೈಗೊಳ್ಳುವುದಾಗಿ ಜಿಲ್ಲಾ ಚುನಾವಣಾಧಿಕಾರಿಯೂ ಆಗಿರುವ ಜಿಲ್ಲಾಧಿಕಾರಿ ತಿಳಿಸಿದರು. ಮತದಾನದ ದಿನ ವಿಶೇಷ ತರಗತಿ ನಡೆಸಕೂಡದು ಎಂದವರು ಹೇಳಿದರು.