ಪುದುಕೋಳಿಯಲ್ಲಿ ವಿಶೇಷ ದೈವ ನೇಮ ಸಂಪನ್ನ

           ಬದಿಯಡ್ಕ: ನೀರ್ಚಾಲು ಸಮೀಪದ ಪುದುಕೋಳಿ ತರವಾಡಿನಲ್ಲಿ ಮಂಗಳವಾರ ಸಂಜೆ ಆರಂಭಗೊಂಡ ವಿಶೇಷ ದೈವಗಳ ನೇಮೋತ್ಸವ ಬುಧವಾರ ಸಂಪನ್ನಗೊಂಡಿತು.
       ಕಾರ್ಯಕ್ರಮದ ಅಂಗವಾಗಿ ಮಂಗಳವಾರ ಸಂಜೆ ಶ್ರೀದುರ್ಗಾ ಪೂಜಾರಂಭ, ರಾತ್ರಿ ಮಹಾ ಮಂಗಳಾರತಿ, ಪ್ರಸಾದ ವಿತರಣೆ, ದೈವಗಳ ತೊಡಂಙಲ್, ಅನ್ನಸಂತರ್ಪಣೆ ನಡೆಯಿತು.

       ಬುಧವಾರ ಮುಂಜಾನೆ 5.ಕ್ಕೆ ಶ್ರೀಉಳ್ಳಾಕ್ಲು ದೈವದ ನೇಮ,ಪ್ರಸಾದ ವಿತರಣೆ,  ಬೆಳಿಗ್ಗೆ 8 ಕ್ಕೆ ಶ್ರೀಧೂಮಾವತಿ ದೈವಗಳ ನೇಮ,ಪ್ರಸಾದ ವಿತರಣೆ, ಮಧ್ಯಾಹ್ನ 12 ಕ್ಕೆ ಧರ್ಮದೈವ ಶ್ರೀಪಂಜುರ್ಲಿಯ ನೇಮ ನಡೆಯಿತು.ಬಳಿಕ ಪ್ರಸಾದ ವಿತರಣೆ, ಭೋಜನ ಪ್ರಸಾದದೊಂದಿಗೆ ಧರ್ಮನೇಮೋತ್ಸವ ಸಂಪನ್ನಗೊಂಡಿತು. ನೂರಾರು ಜನರು ಭಾಗವಹಿಸಿ ದೈವಗಳ ಕೃಪೆಗೆ ಪಾತ್ರರಾದರು.ಈ ಸಂದರ್ಭ ಲೋಕ ಹಿತಕ್ಕಾಗಿ ದೈವಗಳಲ್ಲಿ ಸಂಪ್ರಾರ್ಥಿಸಲಾಯಿತು. ಪ್ರಮುಖರಾದ ಶ್ರೀಕೃಷ್ಣ ಭಟ್ ಪುದುಕೋಳಿ, ಶಂಕರ ಭಟ್, ಗೋವಿಂದ ಭಟ್,ಗಣೇಶ್ ಭಟ್  ನೇತೃತ್ವ ವಹಿಸಿದ್ದರು.