ಇಂದು, ನಾಳೆ ಒಲಿಂಪಿಕ್ಸ್ ದಿನಾಚರಣೆ

 
         ಕಾಸರಗೋಡು:  ಜಿಲ್ಲಾ ಕ್ರೀಡಾ ಮಂಡಳಿ ವತಿಯಿಂದ ಇಂದು(ಜೂ.22) ಮತ್ತು ನಾಳೆ(ಜೂ.23) ಒಲಿಂಪಿಕ್ಸ್ ದಿನಾಚರಣೆ ವೈಭವಯುತವಾಗಿ ನಡೆಯಲಿದೆ. 
                 ಕ್ರೀಡಾ ವಲಯದ ವಿವಿಧ ಸಂಘಟನೆಗಳ ಮತ್ತು ಸಾರ್ವಜನಿಕರ ಸಹಕಾರದೊಂದಿಗೆ ಕಾರ್ಯಕ್ರಮ ಜರುಗಲಿದೆ. ಒಲಿಂಪಿಕ್ಸ್ ರಸಪ್ರಶ್ನೆ ಸ್ಪರ್ಧೆ, ಒಲಿಂಪಿಕ್ಸ್ ಕ್ರೀಡಾಜ್ಯೋತಿ, ಕ್ರೀಡಾ ಸ್ಪರ್ಧೆಗಳು ಇತ್ಯಾದಿ ನಡೆಯಲಿವೆ.
      ಇಂದು(ಜೂ.22) ಬೆಳಗ್ಗೆ 9 ಗಂಟೆಗೆ ಪಿಲಿಕೋಡ್ ಕಾಲಿಕಡವು ಮೈದಾನದಲ್ಲಿ ಕ್ರೀಡಾ ಸ್ಪರ್ಧೆ , ಬಾಸ್ಕೆಟ್ ಬಾಲ್, ವುಷು, ಕಳರಿಪಯಟ್, ಫುಟ್ ಬಾಲ್, ವಾಲಿಬಾಲ್ ಸ್ಪರ್ಧೆಗಳು ನಡೆಯಲಿವೆ. ಜಿಲ್ಲಾಧಿಕಾರಿ ಡಾ.ಡಿ.ಸಜಿತ್ಬಾಬು ಉದ್ಘಾಟಿಸುವರು. ಪಿಲಿಕೋಡ್ ಗ್ರಾಮಪಂಚಾಯತ್ ಅಧ್ಯಕ್ಷ ಟಿ.ವಿ.ಶ್ರೀಧರನ್ ಅಧ್ಯಕ್ಷತೆ ವಹಿಸುವರು. 
      ನಾಳೆ(ಜೂ.23) ಬೆಳಗ್ಗೆ 10 ಗಂಟೆಗೆ ಜಿಲ್ಲಾಧಿಕಾರಿ ಕಚೇರಿ ಸಭಾಂಗಣದಲ್ಲಿ ಉಪಜಿಲ್ಲಾ ಹಿರಿಯ ಪ್ರಾಥಮಿಕ, ಪ್ರೌಢಶಾಲೆ ಮಟ್ಟದ ಸ್ಪರ್ಧೆಗಳಲ್ಲಿ ವಿಜೇತರು ಭಾಗವಹಿಸುವಜಿಲ್ಲಾ ಮಟ್ಟದ ಒಲಿಂಪಿಕ್ಸ್ ರಸಪ್ರಶ್ನೆ ಸ್ಪರ್ಧೆ ಜರುಗಲಿದೆ. ಅಂದು ಬೆಳಗ್ಗೆ 9 ಗಂಟೆಗೆ ತ್ರಿಕರಿಪುರ ಬಸ್ ನಿಲ್ದಾಣ ಆವರಣದಲ್ಲಿ ಒಲಿಂಪಿಕ್ಸ್ ಕ್ರೀಡಾಜ್ಯೋತಿ ರ್ಯಾಲಿ ಆರಂಭಗೊಳ್ಳಲಿದ್ದು, ಶಾಸಕ ಎಂ.ರಾಜಗೋಪಾಲನ್ ಉದ್ಘಾಟನೆ ನಡೆಸುವರು.ಮಾಜಿಭಾರತೀಯ ತಂಡದ ಪಟು ಎಂ.ಸುರೇಶ್ ಕ್ರೀಡಾ ಜ್ಯೋತಿ ಪಡೆದುಕೊಳ್ಳುವರು. ಜಿಲ್ಲಾ ಕ್ರೀಡಾ ಮಂಡಳಿ ಅಧ್ಯಕ್ಷ ಹಬೀಬ್ ರಹಮಾನ್ ಅಧ್ಯಕ್ಷತೆ ವಹಿಸಿದ್ದರು. ಜಿಲ್ಲಾ ಪಂಚಾಯತ್ ಅಧ್ಯಕ್ಷ ಎ.ಜಿ.ಸಿ.ಬಶೀರ್ ಮುಖ್ಯ ಅತಿಥಿಯಾಗಿರುವರು.
    ತ್ರಿಕರಿಪುರ,ನಡಕ್ಕಾವು, ಕಾಲಿಕಡವು, ಚೆರುವತ್ತೂರು, ನೀಲೇಶ್ವರ, ಕಾ ಞ ಂಗಾಡ್, ಮಡಿಯನ್, ಪಾಲುಕುನ್ನು, ಮೇಲ್ಪರಂಬ, ಚಂದ್ರಗಿರಿ ಜಂಕ್ಷನ್ ಮೊದಲಾದೆಡೆ ಕ್ರೀಡಾಜ್ಯೋತಿಗೆ ಸ್ವಾಗತ ಲಭಿಸಲಿದೆ. ಸಂಜೆ 5 ಗಂಟೆಗೆ ಕಾಸರಗೋಡು ನೂತನಬಸ್ ನಿಲ್ದಾಣಬಳಿ ನಡೆಯುವ ಸಮಾರೋಪ ಸಮಾರಂಭವನ್ನು ಕಂದಾಯ ಸಚಿವ ಇ.ಚಂದ್ರಶೇಖರನ್ ಉದ್ಘಾಟಿಸುವರು. ಶಾಸಕ ಎನ್.ಎ.ನೆಲ್ಲಿಕುನ್ನು ಅಧ್ಯಕ್ಷತೆ ವಹಿಸುವರು. ಕಣ್ಣೂರು ಡಿ.ಐ.ಜಿ. ಕೆ.ಸೇತುಮಾಧವನ್ ಮುಖ್ಯ ಅತಿಥಿಯಾಗಿರುವರು. ಜಿಲ್ಲಾ ಪೊಲೀಸ್ ವರಿಷ್ಟಾಧಿಕಾರಿ ಜೇಮ್ಸ್ ಜೋಸೆಫ್ ಸ್ಪರ್ಧಾ ವಿಜೇತರಿಗೆ ಬಹುಮಾನವಿತರಿಸುವರು.