ನವದೆಹಲಿ: ಕೇಂದ್ರ ಸರ್ಕಾರದ ಪ್ರಮುಖ ಯೋಜನೆಗಳನ್ನು ತ್ವರಿತಗತಿಯಲ್ಲಿ ಮುಂದುವರಿಸಲು ಸಂಬಂಧಪಟ್ಟ ಸಚಿವಾಲಯಗಳು ಯೋಜನೆಗಳ ನಿಗದಿತ ವರದಿಗಳನ್ನು ಪ್ರಧಾನ ಮಂತ್ರಿ ಕಚೇರಿಗೆ ಸಲ್ಲಿಸಬೇಕೆಂದು ಆದೇಶ ನೀಡಲಾಗಿದೆ.
ಯೋಜನೆಗಳನ್ನು ನಿರಂತರವಾಗಿ ನಿಗಾವಹಿಸುವುದು ಮಾತ್ರವಲ್ಲದೆ ಪ್ರಮುಖ ಯೋಜನೆಗಳ ವರದಿ ಕಾರ್ಡುಗಳನ್ನು ಸರ್ಕಾರ 100 ದಿನಗಳೊಳಗೆ ಸಲ್ಲಿಸಲಿದೆ.
ಹಿಂದಿನ ಮೋದಿ ನೇತೃತ್ವದ ಎನ್ ಡಿಎ ಸರ್ಕಾರದಲ್ಲಿ ಸಚಿವಾಲಯಗಳ ವರದಿ ಕಾರ್ಡುಗಳನ್ನು ಯೋಜನೆಗಳು ಆರಂಭವಾಗಿ ಒಂದು ವರ್ಷವಾದ ನಂತರ ಸಲ್ಲಿಸಲಾಗುತ್ತಿತ್ತು. ಈ ಬಾರಿಯ ಸರ್ಕಾರದಲ್ಲಿ ಅದನ್ನು ಪ್ರತಿ 100 ದಿನಗಳಿಗೊಮ್ಮೆ ಮಾಡಲಾಗುತ್ತದೆ. ಯೋಜನೆಗಳ ಹೊಸ ಗುರಿಯನ್ನು ಅದರ ಪ್ರಕಾರ ನಿಗದಿಪಡಿಸಿ ಯೋಜನೆಗಳ ವರದಿಗಳನ್ನು ಅಪ್ ಡೇಟ್ ಮಾಡಿ ನಿಗದಿತ ವಿರಾಮಗಳಲ್ಲಿ ವರದಿಗಳನ್ನು ಸಲ್ಲಿಸಲಾಗುತ್ತದೆ.
ಸರ್ಕಾರದ ಯೋಜನೆಗಳನ್ನು ನಿಗದಿತ ಸಮಯದೊಳಗೆ ಪೂರ್ಣಗೊಳಿಸುವತ್ತ ಸರ್ಕಾರ ಒತ್ತು ನೀಡುತ್ತಿದ್ದು, ಸಚಿವಾಲಯಗಳು ಮತ್ತು ಕಾರ್ಯದರ್ಶಿಗಳಿಗೆ ವರದಿ ಸಲ್ಲಿಸುವಂತೆ ಹೇಳಲಾಗಿದೆ. ಪ್ರಮುಖ ಯೋಜನೆಗಳು ಏನು, ಎಲ್ಲಿ ಮತ್ತು ಯಾವಾಗ ಎಂದು ವಿವರ ತಯಾರಿಸುವಂತೆ ಹೇಳಲಾಗಿದೆ. ಯೋಜನೆಗಳ ಗುರಿ ಮತ್ತು ಅವಕಾಶ ವಿವರಗಳನ್ನು ವರದಿಗಳಲ್ಲಿ ವಿವರಿಸಿ ಅವುಗಳನ್ನು ಪೂರ್ಣಗೊಳಿಸುವ ಸಂಬಂಧ ಮತ್ತು ಅವುಗಳಿಂದ ಆಗುವ ಪರಿಣಾಮಗಳ ಹಂತಗಳನ್ನು ವರದಿಯಲ್ಲಿ ವಿವರ ನೀಡುವಂತೆ ಸೂಚಿಸಲಾಗಿದೆ.
ಮುಂದಿನ ಕೆಲ ತಿಂಗಳಲ್ಲಿ ಪೂರ್ಣಗೊಳ್ಳುವ ಯೋಜನೆಗಳ ಬಗ್ಗೆ ಕೂಡ ವಿವರ ನೀಡುವಂತೆ ಸಚಿವಾಲಯಗಳಿಗೆ ಸರ್ಕಾರ ಹೇಳಿದೆ.
DOCTYPE html>
