ಪೆರ್ಮುದೆಯಲ್ಲಿ 11ರಂದು ವಾರ್ಷಿಕ ಮಹೋತ್ಸವ: ಇಂದಿನಿಂದ ನೊವೆನಾ

     ಕುಂಬಳೆ: ಪೆರ್ಮುದೆ ಲಾರೆನ್ಸ್ ನಗರದ ಸೈಂಟ್ ಲಾರೆನ್ಸ್ ದಿ ಮಾರ್ಟಿರ್ ಇಗರ್ಜಿಯಲ್ಲಿ ಆ. 11ರಂದು ಸಂತ ಲಾರೆನ್ಸರ ವಾರ್ಷಿಕ ಮಹೋತ್ಸವ ವಿವಿಧ ಧಾರ್ಮಿಕ ಕಾರ್ಯಕ್ರಮಗಳೊಂದಿಗೆ ನಡೆಯಲಿದೆ. ವಾರ್ಷಿಕ ಮಹೋತ್ಸವದ ಅಂಗವಾಗಿ ಆ. 2ರಿಂದ 10ರ ವರೆಗೆ ಪ್ರತಿದಿನ ಸಂಜೆ 5 ಗಂಟೆಗೆ ಸಂತ ಲಾರೆನ್ಸರ ನೊವೆನಾ ಹಾಗೂ ದಿವ್ಯಬಲಿಪೂಜೆ ಜರಗಲಿದೆ. ಧರ್ಮಗುರು ಫಾ. ಮೆಲ್ವಿನ್ ಫೆರ್ನಾಂಡಿಸ್ ನೇತೃತ್ವ ನೀಡುವರು. ವಾರ್ಷಿಕ ಮಹೋತ್ಸವದಂದು ಬೆಳಿಗ್ಗೆ 10.30ಕ್ಕೆ ಸಂಭ್ರಮದ  ದಿವ್ಯಬಲಿಪೂಜೆ ನಡೆಯಲಿದೆ. ಕಾಸರಗೋಡು ಧರ್ಮವಲಯದ ಪ್ರಧಾನ ಧರ್ಮಗುರು ಫಾ. ಜೋನ್ ವಾಸ್ ಮುಖ್ಯ ಅತಿಥಿಯಾಗಿ ಭಾಗವಹಿಸುವರು. ಪೆರ್ಮುದೆ ಇಗರ್ಜಿಯ ಧರ್ಮಗುರು ಫಾ. ಮೆಲ್ವಿನ್ ಫೆರ್ನಾಂಡಿಸ್ ಮತ್ತಿತರರು ಉಪಸ್ಥಿತರಿರುವರು.