ನಾಳೆ ಭಾಷಾ ಸಪ್ತಾಹ ಸಮಾರೋಪ

 
      ಕಾಸರಗೋಡು: ಕೇರಳ ರಾಜ್ಯೋತ್ಸವ ಅಂಗವಾಗಿ ಕಳೆದ ಒಂದು ವಾರದಿಂದ ಜಿಲ್ಲೆಯ ವಿವಿಧೆಡೆ ನಡೆದ ಆಡಳಿತೆ ಭಾಷಾ ಸಪ್ತಾಹದ ಸಮಾರೋಪ ಸಮಾರಂಭ ನ.೮ರಂದು ಕಾಸರಗೋಡು ಸರಕಾರಿ ಕಾಲೇಜಿನಲ್ಲಿ ನಡೆಯಲಿದೆ. 
       ಜಿಲ್ಲಾ ವಾರ್ತಾ ಇಲಾಖೆ ಕಚೇರಿ, ಕನ್ನಡ ಸ್ನಾತಕೋತ್ತರ ಅಧ್ಯಯನ ಮತ್ತು ಸಂಶೋಧನೆ ವಿಭಾಗ, ಮಲೆಯಾಳಂ ವಿಭಾಗ, ಕಾಸರಗೋಡು ಸರಕಾರಿ ಕಾಲೇಜು, ಜಂಟಿ ವತಿಯಿಂದ ಅಂದು ಮಧ್ಯಾಹ್ನ ೨.೩೦ಕ್ಕೆ ಕಾಲೇಜಿನ ವಿಚಾರ ಸಂಕಿರಣ ಸಭಾಂಗಣದಲ್ಲಿ ಸಮಾರಂಭ ಜರುಗಲಿದೆ. 
        ಜಿಲ್ಲಾಧಿಕಾರಿ ಡಾ.ಡಿ.ಸಜಿತ್ ಬಾಬು ಸಮಾರಂಭವನ್ನು ಉದ್ಘಾಟಿಸುವರು. ಜಿಲ್ಲಾ ವಾರ್ತಾಧಿಕಾರಿ ಮಧುಸೂದನನ್ ಎಂ. ಅಧ್ಯಕ್ಷತೆ ವಹಿಸುವರು. ಕನ್ನಡದ ಹಿರಿಯ ಸಾಧಕ ಡಾ.ಯು.ಶಂಕರನಾರಾಯಣ ಭಟ್, ಮಲೆಯಾಳಂ ಸಾಹಿತಿ ಪಿ.ಪಿ.ಕೆ.ಪೊದುವಾಳ್, ಹಿರಿಯ ನೃತ್ಯ ಗುರು ವಿದುಷಿಃ ಶಶಿಕಲಾ ಟೀಚರ್, ಚಿತ್ರ ಕಲಾವಿದೆ ಅಮ್ಮಾಳು ಅಮ್ಮ ಅವರನ್ನು ಜಿಲ್ಲಾಡಳಿತೆ ವತಿಯಿಂದ ಗೌರವಿಸಲಾಗುವುದು. ಕಾಸರಗೋಡು ಸರಕಾರಿ ಕಾಲೇಜಿನ ಕನ್ನಡ ವಿಭಾಗ ಉಪನ್ಯಾಸಕ ಡಾ.ರತ್ನಾಕರ ಮಲ್ಲಮೂಲೆ, ಜಿಲ್ಲಾ ವಾರ್ತಾ ಇಲಾಖೆಯ ಕನ್ನಡ ಮಾಹಿತಿ ಸಹಾಯಕ ವೀಜಿ ಕಾಸರಗೋಡು, ಕಾಸರಗೋಡು ಸರಕಾರಿ ಕಾಲೇಜಿನ ಮಲೆಯಾಳಂ ವಿಭಾಗ ಮುಖ್ಯಸ್ಥ ಪಿ.ಉಣ್ಣಿಕೃಷ್ಣನ್, ಜಿಲ್ಲಾ ವಾರ್ತಾ ಇಲಾಖೆಯ ಸಹಾಯಕ ಸಂಪಾದಕ ರಶೀದ್ ಬಾಬು ಅಭಿನಂದನಾ ಭಾಷಣ ಮಾಡುವರು. 
      ಸಪ್ತಾಹ ಅಂಗವಾಗಿ ಜರಗಿದ ವಿವಿಧ ಸ್ಪರ್ಧಾ ವಿಜೇತರಿಗೆ ಬಹುಮಾನ ವಿತರಣೆ ನಡೆಯಲಿದೆ. ಕೇರಳ ಕೇಂದ್ರ ವಿ.ವಿ. ಮಲೆಯಾಳಂ ವಿಭಾಗ ಸಹಾಯಕ ಪ್ರಾಚಾರ್ಯ ಡಾ.ಆರ್.ಚಂದ್ರಬೋಸ್ ಪ್ರಧಾನ ಭಾಷಣ ಮಾಡುವರು. ಕಾಸರಗೋಡು ಸರಕಾರಿ ಕಾಲೇಜಿನ ಮಲೆಯಾಳಂ ವಿಭಾಗದ ಉಪನ್ಯಾಸಕ ರಾಜೀವನ್ ಕರಿವೆಳ್ಳೂರು ಉಪಸ್ಥಿತರಿರುವರು.