ಕಾಟುಕುಕ್ಕೆ ಶ್ರೀಕ್ಷೇತ್ರದಲ್ಲಿ ಷಷ್ಠೀ ಉತ್ಸವ-ರಾಜಾಂಗಣ ಪ್ರಸಾದ ಇಂದು

 
    ಪೆರ್ಲ: ಕಾಟುಕುಕ್ಕೆ ಶ್ರೀ ಸುಬ್ರಾಯ ದೇವಸ್ಥಾನದಲ್ಲಿ ಷಷ್ಠಿ ಮಹೋತ್ಸವದ ಅಂಗವಾಗಿ ಸೋಮವಾರ ವಿವಿಧ ಕಾರ್ಯಕ್ರಮಗಳು ಸಾವಿರಾರು ಭಕ್ತಾದಿಗಳ ಪಾಲ್ಗೊಳ್ಳುವಿಕೆಯೊಂದಿಗೆ ನಡೆಯಿತು.
  ಷಷ್ಠೀ ಮಹೋತ್ಸವ ಅಂಗವಾಗಿ ಬೆಳಿಗ್ಗೆ 11ಕ್ಕೆ ತುಲಾಭಾರಸೇವೆ, ಮಧ್ಯಾಹ್ನ ಮಹಾಸಂತರ್ಪಣೆ, ಬೀದಿಮಡೆಸ್ನಾನ ನಡೆಯಿತು. ರಾತ್ರಿ 10ಕ್ಕೆ ಶ್ರೀದೇವರ ಭೂತಬಲಿ, ಭಂಡಾರಮನೆ ವನಕ್ಕೆ ಶ್ರೀದೇವರ ಸವಾರಿ, ಅಲ್ಲಿಂದ ಹಿಂದಿರುಗಿ ಬಂದ ಬಳಿಕ ಸುಡುಮದ್ದು ಪ್ರದರ್ಶನ, ಉತ್ಸವ, ಶಯನ ನಡೆಯಿತು. ಇಂದು(ಡಿ. 3ರಂದು) ಬೆಳಿಗ್ಗೆ 10.30ರಿಂದ ಆರಾಟು ಮಹೋತ್ಸವ, ಸಂಜೆ 4ಕ್ಕೆ ಬಟ್ಟಲು ಕಾಣಿಕೆ, ರಾಜಾಂಗಣ ಪ್ರಸಾದ ನಡೆಯಲಿರುವುದು.ಕ್ಷೇತ್ರದ ತಂತ್ರಿವರ್ಯ ಬ್ರಹ್ಮಶ್ರೀ ನೀಲೇಶ್ವರ ಉಚ್ಚಿಲತ್ತಾಯ ಪದ್ಮನಾಭ ತಂತ್ರಿಗಳು ವಿಧಿವಿಧಾನಗಳ ನೇತೃತ್ವ ವಹಿಸಿದ್ದರು.