ಇಂದಿನಿಂದ ಕಾಸರಗೋಡಿನಲ್ಲಿ ರಾಷ್ಟ್ರೀಯ ಮಟ್ಟದ ತುಳು ವಿಚಾರಸಂಕಿರಣ

 
          ಕಾಸರಗೋಡು: ತುಳು ಭಾಷೆ ಮತ್ತು ಸಂಸ್ಕøತಿಯ ಪುನಶ್ಚೇತನ ಉದ್ದೇಶದಿಂದ ಕೇರಳ ತುಳು ಅಕಾಡೆಮಿ ವತಿಯಿಂದಡಿ.17 ಮತ್ತು 18 ರಂದು ನಗರದ ನೆಲ್ಲಿಕುಂಜೆ ಲಲಿತ ಕಲಾಸದನದಲ್ಲಿ ರಾಷ್ಟ್ರೀಯ ಮಟ್ಟದ ತುಳು ವಿಚಾರಸಂಕಿರಣ ನಡೆಯಲಿದೆ.
        ತುಳು ಸಂಶೋಧಕ, ಅಕಾಡೆಮಿಯ ಸ್ಥಾಪಕಾಧ್ಯಕ್ಷ ದಿ.ಡಾ.ವೆಂಕಟರಾಜ ಪುಣಿಂಚಿತ್ತಾಯ ಅವರ ಹೆಸರಿನವೇದಿಕೆಯಲ್ಲಿ ಈ ಸಮಾರಂಭ ಜರುಗಲಿದೆ. ರಾಜ್ಯ ಇಂಧನ ಖಾತೆ ಸಚಿವ ಎಂ.ಎಂ.ಮಣಿ ವಿಚಾರಸಂಕಿರಣವನ್ನು ಉದ್ಘಾಟಿಸುವರು. ಶಾಸಕ ಎನ್.ಎ.ನೆಲ್ಲಿಕುನ್ನು ಅಧ್ಯಕ್ಷತೆ ವಹಿಸುವರು. ಸಂಸದ ರಾಜ್ ಮೋಹನ್ ಉಣ್ಣಿತ್ತಾನ್ ಮುಖ್ಯ ಅತಿಥಿಯಾಗಿ ಭಾಗವಹಿಸುವರು. ಜಿಲ್ಲಾಧಿಕಾರಿ ಡಾ.ಡಿ.ಸಜಿತ್ ಬಾಬು ಅಕಾಡೆಮಿಯ ತ್ರೈ ಮಾಸ ಪತ್ರಿಕೆ 'ತೆಂಬೆರೆ'ಯ ವಿಶೇಷ ಸಂಚಿಕೆ ಬಿಡುಗಡೆಗೊಳಿಸುವರು. ಹಾವೇರಿ ಜನಪದ ವಿವಿಯ ನಿಕಟಪೂರ್ವಉಪಕುಲಪತಿ ಡಾ.ಚಿನ್ನಪ್ಪ ಗೌಡ ದಿಕ್ಸೂಚಿ ಭಾಷಣ ಮಾಡುವರು. ಶಾಸಕರಾದ ಎಂ.ಸಿ.ಕಮರುದ್ದೀನ್, ಕೆ.ಕುಞÂರಾಮನ್, ಎಂ.ರಾಜಗೋಪಾಲ್, ಜಿಲ್ಲಾ ಪಂಚಾಯತ್ ಅಧ್ಯಕ್ಷ ಎ.ಜಿ.ಸಿ.ಬಶೀರ್, ನಗರಸಭೆ ಅಧ್ಯಕ್ಷ ಬಿಫಾತಿಮಾ ಇಬ್ರಾಹಿಂ, ಜಿಲ್ಲಾ ಪಂಚಾಯಿತಿ ಸದಸ್ಯರಾದ ಡಾ.ವಿ.ಪಿ.ಪಿ.ಮುಸ್ತಫಾ, ಕೆ.ಶ್ರೀಕಾಂತ್, ಮಂಜೇಶ್ವರ ಬ್ಲೋಕ್ ಪಂಚಾಯತ್ ಸದಸ್ಯ ಕೆ.ಆರ್.ಜಯಾನಂದ, ನಗರಸಭೆ ಸದಸ್ಯ ಅರುಣ್ ಕುಮಾರ್ ಶೆಟ್ಟಿ ಉಪಸ್ಥಿತರಿರುವರು.
      ಈ ಸಂದರ್ಭ ವಿವಿಧ ವಲಯಗಳ ಸಾಧಕರಾದ ಎಂ.ವಿ..ಬಾಲಕೃಷ್ಣ ಮಾಸ್ಟರ್, ಎ.ಸುಬ್ಬಯ್ಯ ರೈ, ರೆ.ಫಾ.ಸಂತೋಷ್ ಲೋಬೋ, ಎಸ್.ವಿ.ಭಟ್, ರಾಜಶ್ರೀ ಟಿ. ರೈ ಅವರಿಗೆ ಅಭಿನಂದನೆ ನಡೆಯಲಿದೆ. ನಂತರ ಎರಡು ದಿನಗಳ ಕಾಲ ನಡೆಯುವ ವಿವಿಧ ಗೋಷ್ಠಿಗಳಲ್ಲಿ ನಾನಾ ವಿಚಾರಗಳ ಬಗ್ಗೆ ವಿದ್ವಾಂಸರಾದ ನಾರಾಯಣ ದೇಲಂಪಾಡಿ, ಡಾ.ಕಿಶೋರ್ ಕುಮಾರ್ ರೈ ಶೇಣಿ,  ಡಾ.ರಾಜೇಶ್ ಬೆಜ್ಜಂಗಳ ಉಪನ್ಯಾಸ ಮಂಡಿಸುವರು. ಸಂವಾದ ನಡೆಯಲಿದ್ದು, ವಿವಿಧ ವಿದ್ವಾಂಸರು ಭಾಗವಹಿಸುವರು.
         ಕಾರ್ಯಕ್ರಮ ಅಂಗವಾಗಿ 17ರಂದು ಬೆಳಗ್ಗೆ ರಸಪ್ರಶ್ನೆ ಸ್ಪರ್ಧೆ, 10 ಗಂಟೆಗೆ ಗೋಳಿಯಡ್ಕ, ಕನ್ಯಪ್ಪಾಡಿ,ಚೋಮನಲಿಕೆ ಇವರಿಂದ ಆಟಿ ಕಳೆಂಜ, ಸಂಜೆ 4ಕ್ಕೆ  ಪ್ರಬಂಧ ಸ್ಪರ್ಧೆ ಜರುಗಲಿದೆ. 18ರಂದು ಬೆಳಗ್ಗೆ ತುಳು ಲಿಪಿಕಲಿಕಾ ಶಿಬಿರ ನಡೆಯಲಿದೆ. ಸಾಹಿತಿ ಪೆÇ್ರ.ಸುಕನ್ಯಾ ಬಿ. ಅಧ್ಯಕ್ಷತೆ ವಹಿಸುವರು. ಮಾಜಿ ಸಂಸದ ಪಿ.ಕರುಣಾಕರನ್ ತುಳು ಲಿಪಿ ಪುಸ್ತಕಬಿಡುಗಡೆಗೊಳಿಸುವರು.ಮಧ್ಯಾಹ್ನ 2 ಗಂಟೆಗೆ ನಡೆಯುವ ಸಮಾರೋಪ ಸಮಾರಂಭದಲ್ಲಿ ಕರ್ನಾಟಕ ತುಳು ಸಾಹಿತ್ಯ ಅಕಾಡೆಮಿ ಅಧ್ಯಕ್ಷದಯಾನಂದ ಕತ್ತಲ್ಸಾರ್ ಮುಖ್ಯ ಅತಿಥಿಯಾಗಿರುವರು. ಮಾಜಿ ಶಾಸಕ ಸಿ.ಎಚ್.ಕುಂಞಂಬು ಸ್ಪರ್ಧಾ ವಿಜೇತರಿಗೆ ಬಹುಮಾನವಿತರಿಸುವರು. ಹಿರಿಯ ವಿದ್ವಾಂಸ ಮಲಾರ್ ಜಯರಾಮ ರೈ ಸಮಾರೋಪ ಭಾಷಣ ಮಾಡುವರು. ಎಣ್ಮಕಜೆ ಗ್ರಾಮಪಂಚಾಯತ್‍ಸ್ಥಾಯೀ ಸಮಿತಿ ಅಧ್ಯಕ್ಷೆ ಆಯಿಷಾ ಎ.ಎ.ಪೆರ್ಲ, ಜಿಲ್ಲಾ ವಾರ್ತಾ ಇಲಾಖೆ ಅಧಿಕಾರಿ ಮಧುಸೂದನನ್ ಎಂ., ಪಾರ್ತಿಸುಬ್ಬ ಯಕ್ಷಗಾನ ಕಲಾಕ್ಷೇತ್ರ ಮಾಜಿ ಅಧ್ಯಕ್ಷ ಎಂ. ಶಂಕರ ರೈ ಮಾಸ್ಟರ್, ಕರ್ನಾಟಕ ಯಕ್ಷಗಾನ ಅಕಾಡೆಮಿ ಸದಸ್ಯ ಯೋಗೀಶ್ ರಾವ್‍ಚಿಗುರುಪಾದೆ, ತಾಲೂಕು ಗ್ರಂಥಾಲಯ ಮಂಡಳಿ ಕಾರ್ಯದರ್ಶಿ ಪಿ.ದಾಮೋದರನ್ ಉಪಸ್ಥಿತರಿರುವರು.
        ಸಾಂಸ್ಕೃತಿಕ ಕಾರ್ಯಕ್ರಮ ಅಂಗವಾಗಿ 17ರಂದು ಮಧ್ಯಾಹ್ನ 12.30ಕ್ಕೆ ಪುತ್ತೂರು ಈಶ ಲಹರಿ ಕಲಾ ಕೂಟ ಅವರಿಂದ ಕಂಗಿಲು ನಲಿಕೆ, ಸಂಜೆ 4.30ರಿಂದ ಯಕ್ಷಗುರು ದಿವಾಣ ಶಿವಶಂಕರ ಭಟ್ ಬಳಗದಿಂದ ತುಳು ಯಕ್ಷಗಾನ ಭಾಗವತಿಕೆ, 18ರಂದು ಮಧ್ಯಾಹ್ನ 12.30ಕ್ಕೆ ಶಂಕರ ಸ್ವಾಮಿಕೃಪಾ ಬಳಗದಿಂದ ತುಳು ಕಬಿತೆ, ಪಾಡ್ದನ, ಸಂಜೆ 4.30ರಿಂದ ತುಳು ಜನಪದ ನೃತ್ಯ ನಡೆಯಲಿದೆ.