ಫೆ.22ರಂದು ಬದಿಯಡ್ಕದಲ್ಲಿ ಸಿಎಎ ಸಮರ್ಥನಾ ರ್ಯಾಲಿ, ಸಾರ್ವಜನಿಕ ಸಭೆ

 
     ಬದಿಯಡ್ಕ: ಪೌರತ್ವ ತಿದ್ದುಪಡಿ ಕಾ0iÉ್ದುಯನ್ನು ಬೆಂಬಲಿಸಿ ರಾಷ್ಟ್ರ ಜಾಗರಣ ವೇದಿಕೆಯ ನೇತೃತ್ವದಲ್ಲಿ ಫೆಬ್ರವರಿ 22ರಂದು ಸಂಜೆ 4 ಗಂಟೆಗೆ ಬದಿಯಡ್ಕದಲ್ಲಿ ಸಿಎಎ ಸಮರ್ಥನಾ ರ್ಯಾಲಿ ಹಾಗೂ ಸಾರ್ವಜನಿಕ ಸಭೆ ನಡೆಯಲಿದೆ. ಹಿಂದೂ ಐಕ್ಯವೇದಿಕೆಯ ಕೇರಳ ರಾಜ್ಯ ಪ್ರಧಾನ ಕಾರ್ಯದರ್ಶಿ ಕೆ.ಪಿ. ಹರಿದಾಸ್ ಅವರು ಪೌರತ್ವ ತಿದ್ದುಪಡಿ ಮಸೂದೆಯ ಕುರಿತು ಮಾತನಾಡಲಿದ್ದಾರೆ. ಈ ನಿಟ್ಟಿನಲ್ಲಿ ಬದಿಯಡ್ಕ ಸಂಸ್ಕøತಿ ಭವನದಲ್ಲಿ ನಡೆದ ಸಮಿತಿಯ ಸಭೆಯಲ್ಲಿ ಕರಪತ್ರವನ್ನು ನಿವೃತ್ತ ಅಧ್ಯಾಪಕ ಈಶ್ವರ ಮಾಸ್ತರ್ ಪೆರಡಾಲ ಬಿಡುಗಡೆಗೊಳಿಸಿದರು. ಸಂಚಾಲಕರಾದ ಹರಿಪ್ರಸಾದ್ ರೈ ಪುತ್ರಕಳ, ಸಹ ಸಂಚಾಲಕರಾದ ಹರೀಶ್ ನಾರಂಪಾಡಿ, ಅವಿನಾಶ್ ರೈ, ಬಾಲಕೃಷ್ಣ ಎಣಿಯರ್ಪು ಮುಂತಾದವರು ಉಪಸ್ಥಿತರಿದ್ದರು. ಕಾರ್ಯಕ್ರಮದ ಯಶಸ್ಸಿಗೆ ವಿವಿಧ ಪಂಚಾಯಿತಿ ಸಮಿತಿಗಳ ರೂಪೀಕರಣ ನಡೆಯುತ್ತಿದೆ.