ಶ್ರೀಕ್ಷೇತ್ರ ಇಡಿಯಡ್ಕದಲ್ಲಿ ಶ್ರೀ ಉಳ್ಳಾಲ್ತೀ ನೇಮೋತ್ಸವ, ಕಜಂಬು ಉತ್ಸವ

           ಪೆರ್ಲ: ಇಡಿಯಡ್ಕ ಶ್ರೀ ದುರ್ಗಾಪರಮೇಶ್ವರೀ(ಉಳ್ಳಾಲ್ತೀ)ವಿಷ್ಣುಮೂರ್ತಿ ದೇವಸ್ಥಾನದಲ್ಲಿ ಶ್ರೀ ಉಳ್ಳಾಲ್ತೀ ದೈವದ ನೇಮೋತ್ಸವ ಸೋಮವಾರ ರಾತ್ರಿ ಜರುಗಿತು. ಕಾಸರಗೋಡು ಅಲ್ಲದೆ ನೆರೆಯ ದ.ಕ ಜಿಲ್ಲೆಯ ನೂರಾರು ಮಂದಿ ಭಕ್ತಾದಿಗಳು ನೇಮೋತ್ಸವದಲ್ಲಿ ಪಾಲ್ಗೊಂಡಿದ್ದರು.  ಈ ಸಂದರ್ಭ ಶ್ರೀದೇವಾಲಯದ ಶಂಖತೀರ್ಥದಲ್ಲಿ ನಡೆದ ಮಕ್ಕಳ ಪುಣ್ಯಸ್ನಾನ ಕಜಂಬು ಉತ್ಸವದಲ್ಲಿ ನೂರಕ್ಕೂ ಹೆಚ್ಚುಮಂದಿ ಮಕ್ಕಳಿಗೆ ಪವಿತ್ರ ಕೆರೆಯಲ್ಲಿ ಸ್ನಾನ ಮಾಡಿಸಲಾಯಿತು.
        ಕಾರ್ಯಕ್ರಮದ ಅಂಗವಾಗಿ ಬೆಳಗ್ಗೆ ಶ್ರೀಚಂಡಿಕಾ ಹೋಮ, ತುಲಾಭಾರ, ಭಜನೆ ನಡೆಯಿತು. 5ರಂದು ಬೆಳಗ್ಗೆ 9ರಿಂದ ಶ್ರೀ ವಿಷ್ಣುಮೂರ್ತಿ ದೈವದ ಕೋಲ ನಡೆಯುವುದು. ಬ್ರಹ್ಮಶ್ರೀ ಕುಂಟಾರು ವಾಸುದೇವ ತಂತ್ರಿ ಮತ್ತು ಬ್ರಹ್ಮಶ್ರೀ ಕುಂಟಾರು ರವೀಶ ತಂತ್ರಿ ಅವರ ನೇತೃತ್ವದಲ್ಲಿ ಕಾರ್ಯಕ್ರಮ  ನಡೆಯಿತು.