ಅಗಲ್ಪಾಡಿ ಶ್ರೀ ದುರ್ಗಾಕೃಷ್ಣ ಮಕ್ಕಳ ಮೇಳದಿಂದ ಯಕ್ಷಗಾನ ಪ್ರದರ್ಶನ

      ಬದಿಯಡ್ಕ: ಗೋಸಾಡ ಶ್ರೀ ಮಹಿಷಮರ್ದಿನಿ ಕ್ಷೇತ್ರದ ಬ್ರಹ್ಮ ಕಲಶೋತ್ಸವದ ಸಂದರ್ಭದಲ್ಲಿ ನಡೆದ ಸಾಂಸ್ಕೃತಿಕ ಕಾರ್ಯಕ್ರಮದಂಗವಾಗಿ ಅಗಲ್ಪಾಡಿ ಜಯನಗರ ಶ್ರೀ ದುರ್ಗಾಕೃಷ್ಣ ಯಕ್ಷಗಾನ ಮಕ್ಕಳ ಮೇಳದ ವತಿಯಿಂದ  ಶ್ರೀ ಅಂಬಿಕಾ ಮಹಾತ್ಮೆ ಎಂಬ ಯಕ್ಷಗಾನ ಪ್ರಸಂಗ ಪ್ರದರ್ಶನಗೊಂಡಿತು.
     ಕರ್ನಾಟಕ ರಾಜ್ಯ ಪ್ರಶಸ್ತಿ ವಿಜೇತ ಯಕ್ಷಗುರು ಸಬ್ಬಣಕೋಡಿ ರಾಮ್ ಭಟ್ ಅವರ ಸಮರ್ಥ ನಿರ್ದೇಶನ, ಹಿಮ್ಮೇಳದಲ್ಲಿ ಪ್ರಥಮ ಡಾಕ್ಟರೇಟ್ ಪ್ರಶಸ್ತಿ ಪುರಸ್ಕೃತರಾದ ಭಾಗವತ ಡಾ. ಸತೀಶ್ ಪುಣಿಂಚತ್ತಾಯ ಅವರು ಭಾಗವತಿಕೆಯಲ್ಲಿ, ಯಕ್ಷರತ್ನ ಪ್ರಶಸ್ತಿ ಪುರಸ್ಕೃತ ರಾಘವ ಬಲ್ಲಾಳ್ ಕಾರಡ್ಕ ಮದ್ದಳೆಯಲ್ಲಿ, ಸವ್ಯಸಾಚಿ ಕಲಾವಿದ ಶಿವಶಂಕರ್ ಭಟ್ ಅಂಬೆಮೂಲೆ ಅವರು ಚೆಂಡೆಯಲ್ಲಿ ಮತ್ತು ಚಕ್ರತಾಳದಲ್ಲಿ ಕಟೀಲು ಮೇಳದ ಹೆಸರಾಂತ ಕಲಾವಿದ ಬಾಲಕೃಷ್ಣ ಮಣಿಯಾಣಿ ಮವ್ವಾರು ಸಹಕರಿಸಿದರು. ಯಕ್ಷಗಾನದಲ್ಲಿ ಕರ್ನಾಟಕ ರಾಜ್ಯೋತ್ಸವ ಪ್ರಶಸ್ತಿ ಪುರಸ್ಕೃತ ಯುವ ಪ್ರತಿಭೆ ಶ್ರೀ ಚಿತ್ತರಂಜನ್ ಕಡಂದೇಲು ಅವರು ಪ್ರಧಾನ ಪಾತ್ರದಲ್ಲಿ ಮಿಂಚಿದರು. ಮುಮ್ಮೇಳದಲ್ಲಿ ಪಾತ್ರಧಾರಿಗಳಾಗಿ ಅಭಿಷೇಕ್ ಯಾದವ್ ಮವ್ವಾರು, ಆಕಾಶ್ ಕಲ್ಲಕಟ್ಟ, ಆಶ್ರಿತ್ ಚಾಂಗುಳಿ, ಧೀರಜ್ ಶೆಟ್ಟಿ ಉಜಂತೋಡಿ, ದಿಗಂತ್ ಕೃಷ್ಣ ಉಪ್ಪ0ಗಳಮೂಲೆ, ಹರಿಮುರಳಿ ಕೃಷ್ಣ ಮಾಳಿಗೆಮನೆ, ಪ್ರಾರ್ಥನಾ ಭಾರದ್ವಾಜ್ ಮಾಳಿಗೆಮನೆ, ಜಯೇಶ್ ಶರ್ಮ ಕುರುಮುಜ್ಜಿ, ಜಿತೇಶ್ ಭಾರದ್ವಾಜ್ ಕುರುಮುಜ್ಜಿ, ಹಿತೈಷಿ ಕೆ. ಕಾನಕ್ಕೋಡು, ಮಿಥುನ್ ರಾಜ್ ಗೋಸಾಡ, ಪವಿತ್ರ ಪಿಲಿಕೂಡ್ಲು, ಪವನ್ ಮಾಣಿಮೂಲೆ, ಸಾರ್ಥಕ್ ವೈ ಏತಡ್ಕ, ಶ್ರೀಶ ಚೋಕೆಮೂಲೆ, ತನುಷ್ ರೈ ಗೋಸಾಡ, ವೇದಾಂತ್ ಪದ್ಮಾರ್, ವೇದಿತಾ ಪದ್ಮಾರ್ ಭಾಗವಹಿಸಿದ್ದರು. ಕಾರ್ಯಕ್ರಮದಲ್ಲಿ ಸ್ಪಷ್ಟ ವ್ಯಾಕರಣ ಬಲ್ಲ ಶಿಷ್ಯರನ್ನು ಸೃಷ್ಟಿಸಿರುವ ಯಕ್ಷಗುರು ಸಬ್ಬಣಕೋಡಿ ರಾಮ್ ಭಟ್ ಅವರಿಗೆ ಸ್ಮರಣಿಕೆ ನೀಡಿ ಗೌರವಿಸಲಾಯಿತು.