ಮುಳ್ಳೇರಿಯ: ಹಿಂದುಗಳು ಹಾಗೂ ಮುಸಲ್ಮಾನರು ಭಾರತದಲ್ಲಿ ಪರಸ್ಪರ ಸಹ ಉದರರೂ, ಸಹೋದರರೂ ಆಗಿ ಜೀವನವನ್ನು ಮುನ್ನಡೆಸುವುದಕ್ಕೆ ಭಾರತೀಯತೆಯೇ ಕಾರಣವಾಗಿದೆ. ಇಂತಹ ಐಕ್ಯತೆಯನ್ನು ಒಡೆಯುವ ಸಲುವಾಗಿ ವಿಪಕ್ಷಗಳು ಪೌರತ್ವ ತಿದ್ದುಪಡಿಯ ಹೆಸರಿನಲ್ಲಿ ದೇಶದಲ್ಲಿ ವಿಷದ ಬೀಜವನ್ನು ಬಿತ್ತುತ್ತಾ ಸತ್ಯವನ್ನು ಅಸತ್ಯವೆಂದು ಬೋಧಿಸಿ ನಾಡಿನ ಜನತೆಯ ನೆಮ್ಮದಿಯನ್ನು ಕೆಡಿಸುವಲ್ಲಿ ನಿರತವಾಗಿದೆ. ಇದ್ಯಾವುದಕ್ಕೂ ಜಗ್ಗದೆ ಭಾರತೀಯರು ಪೌರತ್ವರಾಗಲಿದ್ದಾರೆ ಎಂದು ಬಿಜೆಪಿ ರಾಜ್ಯ ನೇತಾರ, ಮಿಜೋರಾಂ ಮಾಜಿ ರಾಜ್ಯಪಾಲ ಕುಮ್ಮನಂ ರಾಜಶೇಖರ್ ಆರೋಪಿಸಿದರು.
ಬಿಜೆಪಿ ಕುಂಬ್ಡಾಜೆ ಹಾಗೂ ಚೆಂಗಳ ಪಂಚಾಯಿತಿ ಸಮಿತಿಗಳ ಜಂಟಿ ಆಶ್ರಯದಲ್ಲಿ ನಾರಂಪಾಡಿ ಪೇಟೆಯಲ್ಲಿ ಸೋಮವಾರ ಸಂಜೆ ಪೌರತ್ವ ತಿದ್ದುಪಡಿ ಕಾಯ್ದೆಯನ್ನು ಬೆಂಬಲಿಸಿ ನಡೆದ ಜನಜಾಗೃತಿ ಸಭೆಯನ್ನು ಉದ್ಘಾಟಿಸಿ ಅವರು ಮಾತನಾಡಿದರು.
ಬಿಜೆಪಿ ಕಾಸರಗೋಡು ಮಂಡಲ ಅಧ್ಯಕ್ಷ ಎಂ.ಸುಧಾಮ ಗೋಸಾಡ ಸಭೆಯ ಅಧ್ಯಕ್ಷತೆಯನ್ನು ವಹಿಸಿ ಮಾತನಾಡಿದರು. ಬಿಜೆಪಿ ರಾಜ್ಯಸಮಿತಿ ಸದಸ್ಯ ರವೀಶ ತಂತ್ರಿ ಕುಂಟಾರು, ಕಾಸರಗೋಡು ಜಿಲ್ಲಾ ಅಧ್ಯಕ್ಷ ನ್ಯಾಯವಾದಿ ಕೆ.ಶ್ರೀಕಾಂತ್, ಸುನಿಲ್ ಪಿ.ಆರ್. ಮಾತನಾಡಿದರು. ಸುಬ್ರಹ್ಮಣ್ಯ ಭಟ್ ತಲೇಕ, ಅವಿನಾಶ್ ರೈ, ಜನನಿ, ನ್ಯಾಯವಾದಿ ಸದಾನಂದ ರೈ, ಹರಿಕುಮಾರ್, ಶಿವಕೃಷ್ಣ ಭಟ್, ರಾಜೇಶ್ ಶೆಟ್ಟಿ ಕುಂಬ್ಡಾಜೆ ಹಾಗೂ ಪಕ್ಷದ ನೇತಾರರು, ಕಾರ್ಯಕರ್ತರು, ಸಾರ್ವಜನಿಕರು ಪಾಲ್ಗೊಂಡಿದ್ದರು.
DOCTYPE html>
.jpg)
