ಕಾರ್ಮಾರಲ್ಲಿ ಕುಂಭ ಸಂಕ್ರಮಣ ಕಾರ್ಯಕ್ರಮ

      ಬದಿಯಡ್ಕ: ನೀರ್ಚಾಲು ಮಾನ್ಯ ಸಮೀಪದ ಕಾರ್ಮಾರು ಶ್ರೀಮಹಾವಿಷ್ಣು ದೇವಸ್ಥಾನದ ವಾರ್ಷಿಕ ಕುಂಭ ಸಂಕ್ರಮಣ ಉತ್ಸವವು ಬ್ರಹ್ಮಶ್ರೀ ದೇಲಂಪಾಡಿ ಬಾಲಕೃಷ್ಣ ತಂತ್ರಿಯವರ ನೇತೃತ್ವದಲ್ಲಿ ಗುರುವಾರ ನಡೆಯಿತು. ಬೆಳಿಗ್ಗೆ ಶ್ರೀದೇವರಿಗೆ ನವಕಾಭಿಷೇಕ, ಮಧ್ಯಾಹ್ನ ಮಹಾಪೂಜೆ, ಪ್ರಸಾದ ವಿತರಣೆ, ಅನ್ನಸಂತರ್ಪಣೆ ನಡೆಯಿತು. ಸಂಜೆ ಕಾರ್ಮಾರು ಶ್ರೀಮಹಾವಿಷ್ಣು ಭಜನಾ ಸಂಘದವರಿಂದ ಭಜನೆ, ಕಾರ್ತಿಕಪೂಜೆ, ರಾತ್ರಿ ಪುತ್ತೂರು ಸಹೋದರಿಯರಾದ ನಿಶಿತಾ-ದೀಕ್ಷಿತಾ ಪುತ್ತೂರು ಮತ್ತು ರಾಜ್ ಸಹೋದರರಾದ ಸಾತ್ವಿಕ್ ರಾಜ್ ಹಾಗೂ ಸಾಕೇತ್ ರಾಜ್ ಪಟ್ಟಾಜೆ ಅವರಿಂದ ನೃತ್ಯ ನಮನ ಭರತನಾಟ್ಯ ಕಾರ್ಯಕ್ರಮ ಜನಮನಸೂರೆಗೊಂಡಿತು.

         ಬಳಿಕ ಗೋಪಾಲ ಭಟ್ ಪಟ್ಟಾಜೆ ಅವರ ನೇತೃತ್ವದ ತಂಡದಿಂದ ಜಾಂಬವತಿ ಕಲ್ಯಾಣ-ಅಗ್ರಪೂಜೆ ಯಕ್ಷಗಾನ ಬಯಲಾಟ ನಡೆಯಿತು.