ಬಾಯಾರು ಶ್ರೀ ಪಂಚಲಿಂಗೇಶ್ವರ ಸನ್ನಿಧಿಯಲ್ಲಿ ಮಹಾಶಿವರಾತ್ರಿ ಉತ್ಸವ

     ಉಪ್ಪಳ: ಬಾಯಾರು ಶ್ರೀ ಪಂಚಲಿಂಗೇಶ್ವರ ದೇವಸ್ಥಾನದಲ್ಲಿ  ಫೆ. 21 ರಂದು ಶುಕ್ರವಾರ ಮಹಾಶಿವರಾತ್ರಿ ಉತ್ಸವ ನಡೆಯಲಿದೆ.
       ರಾತ್ರಿ 8 ರಿಂದ ಉತ್ಸವ ಬಲಿ ಆರಂಭಗೊಳ್ಳಲಿದ್ದು ಬಳಿಕ ರಾತ್ರಿ 11 ರಿಂದ ಏಕಾದಶ ರುದ್ರಾಭಿಷೇಕ ನಡೆಯಲಿದೆ. ಫೆ. 22 ರಂದು ಶನಿವಾರ ಬೆಳಗ್ಗೆ 8 ರಿಂದ ಉತ್ಸವ ಬಲಿ ನಡೆಯಲಿದೆ. ಮಧ್ಯಾಹ್ನ 12:30 ಕ್ಕೆ ಮಹಾಪೂಜೆ ನಡೆಯಲಿದೆ. ಸಾಂಸ್ಕøತಿಕ ಕಾರ್ಯಕ್ರಮದ ಅಂಗವಾಗಿ ಫೆ. 21 ರಂದು ರಾತ್ರಿ 10.30 ರಿಂದ ಪಂಚಲಿಂಗೇಶ್ವರ ಕಲಾವೃಂದ ಬಾಯಾರು ಇದರ ಕಲಾವಿದರಿಂದ ಲೋಕಾಭಿರಾಮ ಎಂಬ ಯಕ್ಷಗಾನ ಬಯಲಾಟ ಪ್ರದರ್ಶನಗೊಳ್ಳಲಿದೆ. ಈ ಎಲ್ಲಾ ಕಾರ್ಯಕ್ರಮಗಳಲ್ಲಿ ಭಕ್ತ ಬಂಧುಗಳು ಭಾಗವಹಿಸಿ ಶ್ರೀ ದೇವರ ಕೃಪೆಗೆ ಪಾತ್ರರಾಗಬೇಕಾಗಿ ದೇವಸ್ಥಾನದ ವತಿಯಿಂದ ವಿನಂತಿಸಿದ್ದಾರೆ.