ಕಾಸರಗೋಡು: ಒಳಾಂಗಣ ಸಸ್ಯಗಳ ಮೂಲಕ ಮಾನಸಿಕ ಒತ್ತಡದ ಪರಿಹಾರದ ಸೂತ್ರದೊಂದಿಗೆ ಜಿಲ್ಲಾ ಖಜಾನೆಯ ಸಿಬ್ಬಂದಿ ನಾಡಿಗೆ ನೂತನ ಪಾಠ ತಿಳಿಸುತ್ತಿದ್ದಾರೆ.
ಬಿರುಸಿನ ಯಾಂತ್ರಿಕ ಬದುಕು ಮಾನವ ಮನಸ್ಸಿನ ಮೇಲೆ ನಿರಂತರ ಒತ್ತಡ ತರುತ್ತಿರುವ ವೇಳೆ ಕಣ್ಣಿಗೆ ಮನಕ್ಕೆ ಮುದ ನೀಡುವ, ಉತ್ಸಾಹದ ಮನೋಭಾವ ತಂದಿಡುವ ನಿಟ್ಟಿನಲ್ಲಿ ಕಾಸರಗೋಡು ಜಿಲ್ಲಾಧಿಕಾರಿ ಕಚೇರಿ ಆವರಣದಲ್ಲಿ ಚಟುವಟಿಕೆ ನಡೆಸುತ್ತಿರುವ ಜಿಲ್ಲಾ ಖಜಾನೆ ಕಚೇರಿಯ ಒಳಗೆ ಮತ್ತು ಆವರಣದಲ್ಲಿ ಹಸುರುಸಿರಿ ತುಂಬಿಕೊಳ್ಳುತ್ತಿದೆ.
ಮನೆಗಳಲ್ಲಿ, ಕಚೇರಿಗಳಲ್ಲಿ ಇಂಡೋರ್ ಪ್ಲಾಂಟ್ ಗಳನ್ನು ಬೆಳೆಸುವ ಕ್ರಮ ರಾಜ್ಯದಲ್ಲಿ ಆರಂಭವಾಗುವುದಕ್ಕೆ ಅನೇಕ ವರ್ಷಗಳ ಹಿದೆಯೇ ಜಿಲ್ಲಾ ಖಜಾನೆಯಲ್ಲಿ ಈ ಕ್ರಮ ಶುರುವಾಗಿದೆ ಎಂಬುದೂ ಗಮನಾರ್ಹ. ನಿತ್ಯವೂ ಬಿರುಸಿನ ವಾತಾವರಣವಿರುವ ಸರಕಾರಿ ಕಚೇರಿಗಳಲ್ಲಿ ಒಂದಾಗಿರುವ ಟ್ರಷರಿಯಲ್ಲಿ ಸಿಬ್ಬಂದಿ ಕಡತ, ಬಿಲ್ ಇತ್ಯಾದಿಗಳ ರಾಶಿಗಳ ನಡುವೆಯೇ ದಿನಕಳೆದುಹೋಗುತ್ತದೆ. ಇಂಥಾ ಯಾಂತ್ರಿಕತೆಯ ನಡುವೆ ಕಣ್ಣಿಗೆ-ಮನಸ್ಸಿಂಗೆ ಮುದ ನೀಡುವ ಅತ್ಯಪೂರ್ವ ಕೊಡುಗೆಗಗಳನ್ನು ಈ ಒಳಾಂಗಣ ಸಸ್ಗಳು ನೀಡುತ್ತವೆ ಎಂಬುದು ಇಲ್ಲಿನ ಸಿಬ್ಬಂದಿಯ ಅನುಭವದ ಮಾತು. ಹಸುರಿನಬನಸಿರಿಯೊಂದಿಗೆ ಉಸಿರಾಟಕ್ಕೆ ಶುದ್ಧವಾಯುವೂ ಲಭಿಸುತ್ತಿದ್ದು, ಸೇವೆಯನ್ನು ಬಯಸಿ ಬರುವ ಸಾರ್ವಜನಿಕರೊಂದಿಗೆ ತಾಳ್ಮೆಯೊಂದಿಗೆ ವ್ಯವಹರಿಸಲು ಪೂರಕ ವಾತಾವರಣ ಸೃಷ್ಟಿಯಾಗುತ್ತದೆ ಎಂದು ಅವರು ಹೇಳುತ್ತಾರೆ.
ಈ ಸಸ್ಯಗಳನ್ನು ಹೂದಾನಿಯಲ್ಲಿ ವಿಶೇಷ ರೀತಿ ಸಜ್ಜುಗೊಳಿಸಿರುವುದೂ ಖಜಾನೆಯ ಅಂದವನ್ನು ಹೆಚ್ಚಿಸಿದೆ. ಕಚೇರಿಯ ಒಳಗೆ, ವರಾಂಡದಲ್ಲಿ,ಆವರಣದಲ್ಲಿ ವ್ಯವಸ್ಥಿತವಾಗಿ ಇರಿಸಲಾದ ಸಸ್ಯಗಳನ್ನು ಇಲ್ಲಿ ಕಾಣಬಹುದು. ಜೈವಿಕ ರೀತಿಯಲ್ಲೇ ಈ ಸಸ್ಯಗಳನ್ನು ಬೆಳೆಸಲಾಗುತ್ತದೆ ಎಂಬುದೂ ಗಮನಾರ್ಹ ವಿಚಾರ. ಪ್ರತಿತಿಂಗಳು ಸುಮಾರು5 ಕಿಲೋ ಜೈವಿಕ ಗೊಬ್ಬರ ಈ ಸಸ್ಯಗಳಿಗಾಗಿ ಬಳಕೆಯಾಗುತ್ತವೆ. ಕಚೇರಿಯ 6 ಮಂದಿ ಸಿಬ್ಬಂದಿ ಈ ಸಸ್ಯಗಳ ಉಸ್ತುವಾರಿಯ ಹೊಣೆ ಹೊತ್ತಿದ್ದಾರೆ. ರಜಾ ದಿನಗಳಲ್ಲೂ ಇವರು ಈ ಸಸ್ಯಗಳಿಗೆ ನೀರುಣಿಸುವ ಇತ್ಯಾದಿ ಕಾಯಕಗಳಿಗೆ ಕಚೇರಿಗೆ ಬರುತ್ತಾರೆ. ತಾತ್ಕಾಲಿಕ ಸ್ವೀಪರ್ ಆಗಿರುವ ವಿಜಯನ್ ಅವರೂ ಈ ಕಾಯಕದಲ್ಲಿ ಇವರಿಗೆ ಹೆಗಲಾಗಿದ್ದಾರೆ. ಉಳಿದ ಚಟುವಟಿಕೆಗಳಿಗೆ ಕಚೇರಿಯ ಎಲ್ಲ ಸಿಬಂದಿಯ ಬೆಂಬಲವಿದೆ.
DOCTYPE html>
