ಒಂದೇ ದಿನ ಅತಿಹೆಚ್ಚು ವೀಕ್ಷಣೆ ಕಂಡು ವಿಶ್ವದಾಖಲೆ ನಿರ್ಮಿಸಿದ ರಾಮಾಯಣ

           ನವದೆಹಲಿ: 1987-88ರ ಅವಧಿಯಲ್ಲಿ 'ರಾಮಾಯಣ' ಧಾರವಾಹಿ ದೂರದರ್ಶನದಲ್ಲಿ ಪ್ರಸಾರಗೊಂಡು ಹೊಸ ಅಲೆ ಸೃಷ್ಟಿಸಿತ್ತು.  ಈ ಧಾರಾವಾಹಿ ಈಗ ಮರು ಪ್ರಸಾರಗೊಂಡಿದ್ದು ವಿಶ್ವ ದಾಖಲೆಯನ್ನೇ ಬರೆದಿದೆ.
     ಏಪ್ರಿಲ್ 16ರಂದು ಪ್ರಸಾರವಾದ 'ರಾಮಾಯಣ' ಎಪಿಸೋಡ್ ಬರೋಬ್ಬರಿ 7.7 ಕೋಟಿ ಬಾರಿ ವೀಕ್ಷಣೆ ಕಂಡಿದೆ. ಈ ಮೂಲಕ ಒಂದೇ ದಿನದಲ್ಲಿ ಅತಿ ಹೆಚ್ಚು ವೀಕ್ಷಣೆ ಕಂಡ ಧಾರಾವಾಹಿ ಎನ್ನುವ ಖ್ಯಾತಿಗೆ ರಾಮಾಯಣ ಪಾತ್ರವಾಗಿದೆ.
     ಲಾಕ್ ಡೌನ್ ಆದೇಶ ಬಂದ ನಂತರ 'ರಾಮಾಯಣ' ಮರು ಪ್ರಸಾರಗೊಳ್ಳಬೇಕು ಎಂದು ಸಾರ್ವಜನಿಕರು ಒತ್ತಾಯಿಸಿದ್ದರು. ಅಲ್ಲದೆ, ಸಾಮಾಜಿಕ ಜಾಲತಾಣದಲ್ಲಿ ಈ ಬಗ್ಗೆ ಕ್ಯಾಂಪೇನ್?ಗಳು ಕೂಡ ನಡೆದವು. ಈ ಹಿನ್ನೆಲೆಯಲ್ಲಿ ಡಿಡಿ ಮಾರ್ಚ್ 28ರಂದು ರಾಮಾಯಣ ಮರು ಪ್ರಸಾರ ಆರಂಭಿಸಿತ್ತು.
      ವಾಲ್ಮೀಕಿ 'ರಾಮಾಯಣ' ಹಾಗೂ ತುಳಸಿದಾಸ್ ಅವರ 'ರಾಮಚರಿತ ಮಾನಸ'ವನ್ನು ಆಧರಿಸಿ ರಮಾನಂದ್ ಸಾಗರ್? 78 ಎಪಿಸೋಡ್ ಗಳನ್ನು ಮಾಡಿದ್ದರು. 1987, ಜನವರಿ 25ರಿಂದ 1988 ಜುಲೈ 31ರವರೆಗೆ ರಾಮಾಯಾಣ ಪ್ರಸಾರಗೊಂಡಿತ್ತು.
       ಅಂದಿನ ಕಾಲದಲ್ಲಿ ರಾಮಾಯಣ ನೋಡುವುದು ಒಂದು ಅದ್ಭುತವಾಗಿತ್ತು. ಎಷ್ಟೋ ಜನರು ಧಾರಾವಾಹಿಯಲ್ಲಿ ನಿಜವಾದ ಶ್ರೀರಾಮಚಂದ್ರನನ್ನೇ ನೋಡುತ್ತಿದ್ದೆನೇನೋ ಎನ್ನುವ ಭಾವನೆಯಲ್ಲಿ ಕಾಣುತ್ತಿದ್ದರು. ಅತಿ ಹೆಚ್ಚು ವೀಕ್ಷಣೆ ಕಂಡ ಪೌರಾಣಿಕ ಧಾರಾವಾಹಿ ಎನ್ನುವ ಖ್ಯಾತಿಯೂ ರಾಮಾಯಣಕ್ಕೆ ಇದೆ.