ಮಹಾರಾಷ್ಟ್ರದಲ್ಲಿ ಹತ್ತನೇ ತರಗತಿಯಲ್ಲಿ ಧನ್ಯಶ್ರೀಗೆ ದ್ವಿತೀಯ ರ್ಯಾಂಕ್

            ಮಂಜೇಶ್ವರ: ಮಹಾರಾಷ್ಟ್ರ ರಾಜ್ಯ ಎಸ್ ಎಸ್ ಎಲ್ ಸಿ ಪರೀಕ್ಷೆ ಫಲಿತಾಂಶ ಬುಧವಾರ ಅಪರಾಹ್ನ ಪ್ರಕಟಗೊಂಡಿದೆ. ನವಿ ಮುಂಬಯಿಯ ಪನ್ವೆಲ್ ದಿ ಇಂಗ್ಲಿಷ್ ಪ್ರೌಢಶಾಲೆಯ ಹತ್ತನೇ ತರಗತಿ ವಿದ್ಯಾರ್ಥಿನಿ ಧನ್ಯಶ್ರೀ ಎಲ್ಲಾ ವಿಷಯದಲ್ಲೂ ಉತ್ತೀರ್ಣರಾಗಿ 472 ಅಂಕಗಳನ್ನು ಪಡೆಯುವ ಮೂಲಕ ದ್ವಿತೀಯ ರ್ಯಾಂಕ್ ಪಡೆದಿರುತ್ತಾರೆ. 

             ಮೂಲತಃ ಮಂಜೇಶ್ವರ ಕಡಂಬಾರ್ ನಿವಾಸಿ ಇದೀಗ ಮುಂಬಯಿಯ ಪನ್ವೆಲ್ ನ ಬಿಂಗಾರಿಯಲ್ಲಿ ವಾಸಿಸುತ್ತಿರುವ ಬಿ.ಎಂ ಸತೀಶ್ ಆಚಾರ್ಯ-ಶಾರದಾ ದಂಪತಿಯ ಪ್ರಥಮ ಪುತ್ರಿಯಾಗಿರುವ ಧನ್ಯಶ್ರೀ ಆಚಾರ್ಯರು ಮುಂದೆ ಐ ಎ ಎಸ್ ಅಧಿಕಾರಿಯಾಗಬೇಕೆಂಬ ಬಯಕೆ ವ್ಯಕ್ತಪಡಿಸಿದ್ದಾಳೆ.