ಕರೊನಾಗೆ ಹುತಾತ್ಮರಾಗಿದ್ದಾರೆ 196 ವೈದ್ಯರು; ಮುಂಚೂಣಿ ಯೋಧರ ಸುರಕ್ಷತೆ ಬಗ್ಗೆ ಐಎಂಎ ಕಳವಳ

      ನವದೆಹಲಿ: ಕರೊನಾ ವಿರುದ್ಧ ಮುಂಚೂಣಿಯಲ್ಲಿದ್ದು ಹೋರಾಡುತ್ತಿರುವ ವೈದ್ಯರು ಗಡಿ ಕಾಯುವ ಯೋಧರಂತೆಯೇ ದೇಶಕ್ಕಾಗಿ ಪ್ರಾಣವನ್ನೇ ಪಣಕ್ಕಿಟ್ಟಿದ್ದಾರೆ. ಈವರೆಗೆ ಅನೇಕರು ಈ ಹೋರಾಟದಲ್ಲಿ ಹುತಾತ್ಮರಾಗಿದ್ದಾರೆ.

      ಭಾರತೀಯ ವೈದ್ಯಕೀಯ ಮಂಡಳಿ (ಐಎಂಎ) ನೀಡಿರುವ ಮಾಹಿತಿ ಪ್ರಕಾರ ಕೋವಿಡ್​ ರೋಗಿಗಳಿಗೆ ಚಿಕಿತ್ಸೆ ನೀಡುತ್ತ ಈವರೆಗೆ 196 ವೈದ್ಯರು ಪ್ರಾಣ ಕಳೆದುಕೊಂಡಿದ್ದಾರೆ. ಇವರಲ್ಲಿ ಹೆಚ್ಚಿನವರು ಜನರಲ್​ ಪ್ರಾಕ್ಟಿಷನರ್​ ಆಗಿದ್ದಾರೆ.

      ಕೋವಿಡ್​ ರೋಗಿಗಳಲ್ಲಿ ಹೆಚ್ಚಿನವರು ಜ್ವರ ಹಾಗೂ ಅದಕ್ಕೆ ಸಂಬಂಧಿಸಿದ ಲಕ್ಷಣಗಳನ್ನು ಹೊಂದಿರುತ್ತಾರೆ. ಸಾಮಾನ್ಯವಾಗಿ ಇಂಥವರಿಗೆ ಜನರಲ್​ ಪ್ರಾಕ್ಟಿಷನರ್​ಗಳೇ ಚಿಕಿತ್ಸೆ ನೀಡುತ್ತಾರೆ. ಜತೆಗೆ, ಕೋವಿಡ್​ ಸಂಪರ್ಕದ ಮೊದಲ ಬಲಿಪಶು ಇವರೇ ಆಗಿರುತ್ತಾರೆ ಎಂದು ಮಂಡಳಿ ಹೇಳಿದೆ.

       ಈವರೆಗೆ ಪ್ರಾಣ ತೆತ್ತಿರುವ ವೈದ್ಯರ ಮಾಹಿತಿಯನ್ನು ಬಿಡುಗಡೆ ಮಾಡಿರುವ ಐಎಂಎ ಈ ವಿಚಾರದಲ್ಲಿ ಪ್ರಧಾನಿ ನರೇಂದ್ರ ಮೋದಿಯವರ ಗಮನ ಸೆಳೆದಿದೆ. ಮೃತ ವೈದ್ಯರಲ್ಲಿ 50ಕ್ಕೂ ಹೆಚ್ಚು ವಯಸ್ಸಿನವರ ಸಂಖ್ಯೆ 170. ಶೇ.40 ಜನರು ಜನರಲ್​ ಪ್ರಾಕ್ಟಿಷನರ್​ ಆಗಿದ್ದಾರೆ. ಹೀಗಾಗಿ ವೈದ್ಯರ ಸುರಕ್ಷತೆ ಬಗ್ಗೆ ಐಎಂಎ ಕಳವಳ ವ್ಯಕ್ತಪಡಿಸಿದೆ.ತಮಿಳುನಾಡಿನಲ್ಲಿ ಅತಿ ಹೆಚ್ಚು ವೈದ್ಯರು ಬಲಿಯಾಗಿದ್ದಾರೆ. ಮಹಾರಾಷ್ಟ್ರ, ಗುಜರಾತ್​ನಲ್ಲಿ ತಲಾ 23, ಬಿಹಾರ್​-19, ಪಶ್ಚಿಮ ಬಂಗಾಳ-16, ದೆಹಲಿಯಲ್ಲಿ ಕೋವಿಡ್​ನಿಂದಾಗಿ ಮೃತಪಟ್ಟ ವೈದ್ಯರ ಸಂಖ್ಯೆ 12 ಆಗಿದೆ. ಕೋವಿಡ್​ನಿಂದಾಗಿ ಮೃತಪಡುತ್ತಿರುವ ವೈದ್ಯರ ಸಂಖ್ಯೆ ಗಮನಿಸಿದರೆ ನಿಜಕ್ಕೂ ಅಪಾಯಕಾರಿ ಎನಿಸಿದೆ ಎಂದು ಐಎಂಎ ಹೇಳಿದೆ.

Registration For Admission Click Here  

Contact For Advertise 9567181417