ನಾಳೆಯಿಂದ ಉಚಿತ ಓಣಂ ಕಿಟ್ ವಿತರಣೆ ಆರಂಭ-

 

        ತಿರುವನಂತಪುರ: ರಾಜ್ಯ ಸರ್ಕಾರದಿಂದ ಪ್ರಸ್ತುತ ಸಾಲಿನ ಓಣಂ ಕಿಟ್  ವಿತರಣೆ ಗುರುವಾರದಿಂದ ಪ್ರಾರಂಭವಾಗಲಿದೆ. ಓಣಂ ಸಮಯದಲ್ಲಿ 88 ವಸ್ತುಗಳನ್ನು 88 ಲಕ್ಷ ಪಡಿತರ ಚೀಟಿದಾರರಿಗೆ ವಿತರಿಸಲಾಗುವುದು. ಸುಮಾರು 2,000 ಪ್ಯಾಕಿಂಗ್ ಕೇಂದ್ರಗಳಲ್ಲಿ ಸ್ವಯಂಸೇವಕರ ಸಹಾಯದಿಂದ, ಸರಕುಗಳ ಗುಣಮಟ್ಟ ಮತ್ತು ತೂಕವನ್ನು ಪರಿಶೀಲಿಸಲಾಗಿದ್ದು ಕಿಟ್‍ಗಳನ್ನು ತಯಾರಿಸಿ ಕಾರ್ಡ್ ಹೊಂದಿರುವವರಿಗೆ ನೀಡಲಾಗುವುದು.

               ಕಿಟ್ ಅನ್ನು ಹೇಗೆ ವಿತರಿಸಲಾಗುತ್ತದೆ?:

    ಕಿಟ್ ನಲ್ಲಿ ಸುಮಾರು 500 ರೂ. ಸಾಮಗ್ರಿಗಳಿರಲಿವೆ. ಸಪ್ಲೈಕೊ ವಿವಿಧ ಕೇಂದ್ರಗಳಲ್ಲಿ ಪ್ಯಾಕ್ ಮಾಡಲಾದ ಕಿಟ್‍ಗಳನ್ನು ಪಡಿತರ ಅಂಗಡಿಯ ಮೂಲಕ ವಿತರಿಸಲಿದೆ. ಪಡಿತರ ಚೀಟಿ ಹೊಂದಿರುವವರು ಜುಲೈನಲ್ಲಿ ಪಡಿತರವನ್ನು ಖರೀದಿಸಿದ ಪಡಿತರ ಅಂಗಡಿಯಿಂದ ಕಿಟ್ ಸ್ವೀಕರಿಸಬೇಕಾಗುತ್ತದೆ. 

        ಹಳದಿ ಕಾರ್ಡ್ ಹೊಂದಿರುವವರಿಗೆ ಕಿಟ್:

    ಕಿಟ್‍ಗಳನ್ನು ಆರಂಭದಲ್ಲಿ ಅಂತ್ಯೋದಯ ವರ್ಗಕ್ಕೆ ಸೇರಿದ 5.95 ಲಕ್ಷ ಜನರಿಗೆ (ಹಳದಿ ಕಾರ್ಡ್) ವಿತರಿಸಲಾಗುವುದು. ನಂತರ, 31 ಲಕ್ಷ ಆದ್ಯತೆಯ ಕಾರ್ಡ್‍ಗಳಿಗೆ ಕಿಟ್‍ಗಳನ್ನು ನೀಡಲಾಗುತ್ತದೆ. ಅಂತ್ಯೋದಯ ಕಾರ್ಡ್‍ಗಳ ಕಿಟ್ ಗಳನ್ನು ಆಗಸ್ಟ್ 13, 14 ಮತ್ತು 16 ರಂದು ವಿತರಿಸಲಾಗುವುದು.

       ಪಿಂಕ್ ಕಾರ್ಡ್ ಹೊಂದಿರುವವರು ಕಿಟ್ ವಿತರಣೆ ಎಂದು: 

     ಆ. 19 ರಿಂದ 22ರ ವರೆಗೆ ಆದ್ಯತೆಯ ವಿಭಾಗಕ್ಕೆ (ಪಿಂಕ್ ಕಾರ್ಡ್) ಕಿಟ್‍ಗಳನ್ನು ನೀಡಲಾಗುವುದು. ವಿಶೇಷ ಅಕ್ಕಿ ವಿತರಣೆ ರೂ.15 ರಂತೆ ನೀಡಲಾಗುತ್ತದೆ.

         ನೀಲಿ ಮತ್ತು ಬಿಳಿ ಕಾರ್ಡ್ ಹೊಂದಿರುವವರು ಕಿಟ್ ಪಡೆಯುತ್ತಾರೆಯೇ?:

     ಕಿಟ್‍ಗಳನ್ನು ಓಣಂ ಮೊದಲು ಉಳಿದ 51 ಲಕ್ಷ ಕುಟುಂಬಗಳಿಗೆ (ಬಿಳಿ ಮತ್ತು ನೀಲಿ ಕಾರ್ಡ್‍ಗಳು) ವಿತರಿಸಲಾಗುವುದು. ಓಣಂ ಬಜಾರ್ ಆಗಸ್ಟ್ 21 ರಿಂದ ಹತ್ತು ದಿನಗಳವರೆಗೆ ಎಲ್ಲಾ ಜಿಲ್ಲಾ ಕೇಂದ್ರಗಳಲ್ಲಿ ನಡೆಯಲಿದೆ.