ವೃದ್ಧೆಯ ಮೃತದೇಹ ನದಿಯಲ್ಲಿ ಪತ್ತೆ:

          ಕಾಸರಗೋಡು: ಕೆಲ ದಿನಗಳಿಂದ ಕಾಣೆಯಾಗಿದ್ದ ವೃದ್ಧೆಯ ಮೃತದೇಹ ಚೈತ್ರವಾಹಿನಿ ನದಿಯಲ್ಲಿ ಕೊನ್ನಕ್ಕಾಡ್ ಪಳ್ಳಿ ಬಳಿ ಶನಿವಾರ ಪತ್ತೆಯಾಗಿದೆ. ಸ್ಥಳೀಯ ನಿವಾಸಿ ದಿ.ಅಂದುಮಾಯಿ ಎಂಬವರ ಪತ್ನಿ ಕವಿಲತ್ತುಮ್ಮ(80) ಎಂಬವರ ಮೃತದೇಹ ಈ ರೀತಿ ಪತ್ತೆಯಾಗಿದೆ. ಆ.3ರಿಂದ ಅವರು ನಾಪತ್ತೆಯಾಗಿದರು. ಪುತ್ರ ಬಶೀರ್ ಅವರೊಂದಿಗೆ ವಾಸವಾಗಿದ್ದ ಇವರು 3ರಂದು ಬೆಳಗ್ಗೆ 4 ಗಂಟೆಯ ನಂತರ ಪತ್ತೆಯಾಗಿರಲಿಲ್ಲ. ಮನೆಯ ಬಳಿಯ ಹಿನ್ನೀರಿನಲ್ಲಿ ಅವರ ಬಟ್ಟೆ ಪತ್ತೆಯಾಗಿದ್ದು, ನೆರೆಗೆ ಸಿಲುಕಿ ಕೊಚ್ಚಿಹೋಗಿರಬೇಕು ಎಂದು ಪೆÇಲೀಸರು ಸಂಶಯಿಸಿದ್ದಾರೆ. ಕಾಞಂಗಾಡ್ ನಿಂದ ಆಗಮಿಸಿದ್ದ ಅಗ್ನಿಶಾಮಕದಳ ಮತ್ತು ಸಾರ್ವಜನಿಕರು ನಡೆಸಿದ್ದ ಹುಡುಕಾಟದಲ್ಲಿ ಇವರು ಪತ್ತೆಯಾಗಿರಲಿಲ್ಲ.