ಐತಿಹಾಸಿಕ ಅಯೋಧ್ಯೆಯಲ್ಲಿ ಐದು ಶತಕಗಳ ಬಳಿಕದ ಕನಸು ಸಾಕಾರ-ಪ್ರಧಾನಿ ನರೇಂದ್ರ ಮೋದಿ ಸಮ್ಮುಖದಲ್ಲಿ ದೇವಸ್ಥಾನಕ್ಕೆ ಶಿಲಾನ್ಯಾಸ

0 samarasasudhi ಆಗಸ್ಟ್ 05, 2020

ಅಯೋಧ್ಯೆ: ಭರತ ಖಂಡದ ಐನೂರು ವರ್ಷಗಳ ಐತಿಹಾಸಿಕ ಅಯೋಧ್ಯೆಯ ಶ್ರೀರಾಮ ಮಂದಿರ ನಿರ್ಮಾಣಕ್ಕೆ ಬುಧವಾರ ರಾಷ್ಟ್ರದ ಪ್ರಧಾನಿ ನರೇಂದ್ರ ಮೋದಿಯವರ ನೇತೃತ್ವದಲ್ಲಿ ಅಡಿಪಾಯ ಹಾಕುವ ಸಮಾರಂಭ ನಿರ್ವಿಘ್ನವಾಗಿ ನೆರವೇರಿತು.

ರಾಮ ಜನ್ಮಭೂಮಿಯಲ್ಲಿ ಸಿದ್ಧಪಡಿಸಿದ ವಿಶೇಷ ವೇದಿಕೆಯಲ್ಲಿ ಹೊಸ ದೇವಾಲಯದ ಭೂಮಿ ಪೂಜೆ ನಡೆಯಿತು. ದೇವಾಲಯದ ಶಂಕುಸ್ಥಾಪನೆ 12:44:08 ಕ್ಕೆ ನಡೆಯಿತು. ಸಮಾರಂಭವು 12.44 ಮತ್ತು 12.45 ರ ನಡುವೆ 32 ಸೆಕೆಂಡುಗಳ ಕಾಲ ನಡೆಯಿತು. ಈ ಸಂದರ್ಭದಲ್ಲಿ ಉತ್ತರ ಪ್ರದೇಶದ ಮುಖ್ಯಮಂತ್ರಿ ಯೋಗಿ ಆದಿತ್ಯನಾಥ್, ರಾಜ್ಯಪಾಲ ಆನಂದಿಬೆನ್ ಪಟೇಲ್ ಸೇರಿದಂತೆ ನಾಯಕರು ಉಪಸ್ಥಿತರಿದ್ದರು. ಅಯೋಧ್ಯೆಯಲ್ಲಿನ ವಿವಾದಿತ ಭೂಮಿಯಲ್ಲಿ ದೇವಾಲಯವನ್ನು ನಿರ್ಮಿಸಬಹುದು ಎಂಬ ಸುಪ್ರೀಂ ಕೋರ್ಟ್ ತೀರ್ಪಿನ ನಂತರ ಮೂರು ವರ್ಷಗಳಲ್ಲಿ ದೇವಾಲಯದ ನಿರ್ಮಾಣವನ್ನು ಪೂರ್ಣಗೊಳಿಸುವ ಯೋಜನೆ ಇದೆ.

ದೇವಾಲಯದ ನಿರ್ಮಾಣದ ಅಡಿಗಲ್ಲಿಗೆ ಒಂಬತ್ತು ಕಲ್ಲುಗಳನ್ನು ಹಾಕಲಾಯಿತು. ಮುಖ್ಯ ಕಲ್ಲು ಮತ್ತು ಎಂಟು ಉಪ ಕಲ್ಲುಗಳನ್ನು ನಿರ್ಮಿಸಲಾಯಿತು. ಕಲ್ಲುಗಳನ್ನು 1989 ರಲ್ಲಿ ಪ್ರಪಂಚದಾದ್ಯಂತದ ಭಕ್ತರು ಒದಗಿಸಿದ್ದರು. ಸ್ವೀಕರಿಸಿದ ಒಟ್ಟು 2.75 ಲಕ್ಷ ಕಲ್ಲುಗಳಲ್ಲಿ ಭಗವಾನ್ ರಾಮನ ಹೆಸರನ್ನು ಹೊಂದಿರುವ 100 ಕಲ್ಲುಗಳನ್ನು ಆಯ್ಕೆ ಮಾಡಲಾಗಿದೆ.

ನರೇಂದ್ರ ಮೋದಿ, ಉತ್ತರ ಪ್ರದೇಶದ ಮುಖ್ಯಮಂತ್ರಿ ಯೋಗಿ ಆದಿತ್ಯನಾಥ್ ಅವರೊಂದಿಗೆ ಅಯೋಧ್ಯೆಯ ಸಾಕೇತ್ ಕಾಲೇಜು ಮೈದಾನದಲ್ಲಿ ಹೆಲಿಕಾಪ್ಟರ್ ಮೂಲಕ ಹನುಮಾನ್ ಗಡಿ ದೇವಸ್ಥಾನಕ್ಕೆ ಭೇಟಿ ನೀಡಿದರು. ಪ್ರಧಾನಮಂತ್ರಿಗೆ ದೇವಾಲಯದಿಂದ ಬೆಳ್ಳಿ ಕಿರೀಟವನ್ನು ನೀಡಲಾಯಿತು. ರಾಮಲಾಲ್ ವಿಗ್ರಹವನ್ನು ಇರಿಸಿದ ತಾತ್ಕಾಲಿಕ ದೇವಾಲಯಕ್ಕೂ ಮೋದಿ ಭೇಟಿ ನೀಡಿದರು. ಬಳಿಕ ವಿಶೇಷವಾಗಿ ಸಿದ್ಧಪಡಿಸಿದ ರಾಮಜನ್ಮ ಭೂಮಿಯೆಂದು ಗುರುತಿಸಲಾದ ಸ್ಥಳದಲ್ಲಿ ಭೂಮಿ ಪೂಜೆಯನ್ನು ನಡೆಸಲಾಯಿತು.

16 ನೇ ಶತಮಾನದಲ್ಲಿ ಮೊಗಲ್ ವಂಶದ ಸ್ಥಾಪಕ ಬಾಬರ್ ರಾಮಮಂದಿರವನ್ನು ಕೆಡವಿ ಅದರ ಮೇಲೆ ಮಸೀದಿ ನಿರ್ಮಿಸಿದ್ದ. ಬಳಿಕ ನಿರಂತರ ನಡೆದ ಹೋರಾಟ ಇಂದು ಒಂದು ದಾಖಲೆಯಾಗಿದೆ. ಈ ಮಧ್ಯೆ ಬಾಬರಿ ಮಸೀದಿಯನ್ನು 1992 ರ ಡಿಸೆಂಬರ್‍ನಲ್ಲಿ ಸಹಸ್ರಾರು ಸಂಖ್ಯೆಯ ಕರಸೇವಕರು ಕೆಡವಿದ್ದರು. ಇದರ ನಂತರ ದೇಶಾದ್ಯಂತ ಗಲಭೆಗಳು ನಡೆದವು. ಬಾಬ್ರಿ ಮಸೀದಿ ಉರುಳಿಸುವಿಕೆಯ ಪ್ರಕರಣದಲ್ಲಿ ಬಿಜೆಪಿಯ ಹಿರಿಯ ಮುಖಂಡರಾದ ಎಲ್.ಕೆ.ಅಡ್ವಾಣಿ, ಮುರಳಿ ಮನೋಹರ್ ಜೋಶಿ ಮತ್ತು ಉಮಾ ಭಾರತಿ ತನಿಖೆ ಎದುರಿಸುತ್ತಿದ್ದಾರೆ. 2019 ರಲ್ಲಿ, ಹಲವು ವರ್ಷಗಳ ದಾವೆಗಳ ನಂತರ, ವಿವಾದಿತ ಭೂಮಿಯಲ್ಲಿ ರಾಮ್ ದೇವಾಲಯವನ್ನು ನಿರ್ಮಿಸಬಹುದು ಮತ್ತು ಮಸೀದಿ ನಿರ್ಮಿಸಲು ಸರ್ಕಾರವು ಐದು ಎಕರೆ ಭೂಮಿಯನ್ನು ಕಂಡುಹಿಡಿಯಬೇಕು ಎಂದು ಸುಪ್ರೀಂ ಕೋರ್ಟ್ ತೀರ್ಪು ನೀಡಿತ್ತು.

ANI

@ANI

Ayodhya: #RamTemple 'Bhoomi Pujan' concludes. 

Stage event to follow shortly. PM Modi, RSS chief Mohan Bhagwat, UP CM Yogi Adityanath, Governor Anandiben Patel & President of Ram Mandir Trust Nitya Gopal Das will be on stage for the event. #Ayodhya