ಚಿನ್ನ ಕಳ್ಳಸಾಗಣೆ ಪ್ರಕರಣ- ಪ್ರತಿವಾದಿ ರಮೀಸ್ ಬಂಧನ ವಿಸ್ತರಣೆ

            ತಿರುವನಂತಪುರ: ಚಿನ್ನ ಕಳ್ಳಸಾಗಣೆ ಪ್ರಕರಣದ ಆರೋಪಿ ಕೆ.ಟಿ.ರಮೀಸ್ ಅವರ ಕಸ್ಟಡಿಯನ್ನು ಆ. 7 ರವರೆಗೆ ವಿಸ್ತರಿಸಲಾಗಿದೆ. ರಮಿಸ್ ಬಂಧನವನ್ನು ವಿಶೇಷ ಎನ್ ಐ ಎ ನ್ಯಾಯಾಲಯ ವಿಸ್ತರಿಸಿದೆ. ರಾಮಿಸ್‍ನನ್ನು ಮೊದಲು ಜುಲೈ 28 ರಂದು ಎನ್‍ಐಎ ವಶಕ್ಕೆ ತೆಗೆದುಕೊಂಡಿತು. 

           ಪ್ರಕರಣದ ಮತ್ತೊಬ್ಬ ಆರೋಪಿ ಫೈಸಲ್ ಫರೀದ್ ಮತ್ತು ಇತರರನ್ನು ಪ್ರಶ್ನಿಸಲು ಎನ್ ಐ ಎ ತಂಡ ಮುಂದಿನ ದಿನಗಳಲ್ಲಿ ದುಬೈಗೆ ಪ್ರಯಾಣಿಸಲಿದೆ. ಪ್ರಕರಣದಲ್ಲಿ ಭಾಗಿಯಾಗಿರುವ ಹವಾಲಾ ನೆಟ್‍ವರ್ಕ್‍ಗಳ ಬಗ್ಗೆ ಮಾಹಿತಿ ಪಡೆದ ನಂತರ ತನಿಖೆಯನ್ನು ದುಬೈಗೆ ವಿಸ್ತರಿಸಲಾಗಿದೆ ಎಂದು ಮೂಲಗಳು ತಿಳಿಸಿವೆ.

         ಈ ಮಧ್ಯೆ, ರಾಜತಾಂತ್ರಿಕ ಸಾಮಾನುಗಳನ್ನು ಬಳಸಿಕೊಂಡು ತಿರುವನಂತಪುರ ವಿಮಾನ ನಿಲ್ದಾಣದ ಮೂಲಕ ಚಿನ್ನ ಕಳ್ಳಸಾಗಣೆ ಪ್ರಕರಣವನ್ನು ಎನ್ ಐ ಎ  ನಡೆಸುವ ತನಿಖೆ ರಾಜಕೀಯ ಪ್ರೇರಿತವಾಗಿದೆ ಎಂದು ಸ್ವಪ್ನಾ ಸುರೇಶ್ ನ್ಯಾಯಾಲಯದಲ್ಲಿ ಸೋಮವಾರ  ತಿಳಿಸಿದರು. ಚಿನ್ನ ಸಾಗಾಟ ಪ್ರಕರಣದಲ್ಲಿ ತೆರಿಗೆ ವಂಚನೆ ಇಲ್ಲದಿದ್ದರೆ ಯುಎಪಿಎ ಹೇಗೆ ಹೇರಲ್ಪಡುವುದೆಂದು ನ್ಯಾಯಾಲಯವು ಸೋಮವಾರ ಜಾಮೀನು ಅಪೇಕ್ಷೆಯ ವಾದ ಆಲಿಸಿದಾಗ ಪ್ರಶ್ನಿಸಿದೆ.