ಸೆಪ್ಟೆಂಬರ್ 21 ರಿಂದ ಕಾಸರಗೋಡು ಜಿಲ್ಲೆಯ ಕೋವಿಡ್ ನಿಯಂತ್ರಣ ನಿಬಂಧನೆಗಳಲ್ಲಿ ಮಹತ್ತರ ಬದಲಾವಣೆ-

        ಕಾಸರಗೋಡು: ಸೆಪ್ಟೆಂಬರ್ 21 ರಿಂದ ಜಿಲ್ಲೆಯಲ್ಲಿ ಹೆಚ್ಚಿನ ರಿಯಾಯಿತಿ ನೀಡುವಂತೆ ಜಿಲ್ಲಾಧಿಕಾರಿ ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ. ಜಿಲ್ಲಾಧಿಕಾರಿ ಡಾ.ಡಿ ಸಾಜಿತ್ ಬಾಬು ಅವರ ಅಧ್ಯಕ್ಷತೆಯಲ್ಲಿ ಶುಕ್ರವಾರ ನಡೆದ ಜಿಲ್ಲಾ ಮಟ್ಟದ ಕರೋನಾ ಸಮಿತಿ ಸಭೆ ವಿಡಿಯೋ ಕಾನ್ಫರೆನ್ಸಿಂಗ್ ಮೂಲಕ ಈ ನಿರ್ಧಾರ ಕೈಗೊಂಡಿದೆ. 

       ಸಾವು ಮತ್ತು ಮದುವೆ ಸೇರಿದಂತೆ ಸಾರ್ವಜನಿಕ ಮತ್ತು ಖಾಸಗಿ ಕಾರ್ಯಕ್ರಮಗಳಿಗೆ ಗರಿಷ್ಠ 100 ಜನರು ಹಾಜರಾಗಬಹುದು. ಆದರೆ ರಾಜಕೀಯ ಸಭೆಗಳು ಮತ್ತು ಸಾರ್ವಜನಿಕ ಸಭೆಗಳಲ್ಲಿ ಭಾಗವಹಿಸುವುದರ ಬಗ್ಗೆ ಸ್ಪಷ್ಟಪಡಿಸಿಲ್ಲ. ಈ ನಿಟ್ಟಿನಲ್ಲಿ ನಿರ್ಧಾರ ತೆಗೆದುಕೊಳ್ಳಲು ಕಂದಾಯ ಸಚಿವ ಇ ಚಂದ್ರಶೇಖರನ್ ಅವರ ಅಧ್ಯಕ್ಷತೆಯಲ್ಲಿ ರಾಜಕೀಯ ಪಕ್ಷಗಳು ಮತ್ತು ಜನರ ಪ್ರತಿನಿಧಿಗಳ ಸಭೆ ಕರೆಯಲಾಗುವುದು.

           ಪ್ರವಾಸಿ ಕೇಂದ್ರಗಳನ್ನು ತೆರೆಯಲಾಗುವುದು:

   ಬೇಕಲ ಕೋಟೆ ವೀಕ್ಷಣೆಗಾಗಿ ಸೆ.21 ರಿಂದ ಪ್ರವಾಸಿಗರಿಗೆ ತೆರೆದಿರುತ್ತದೆ ಎಂದು ಜಿಲ್ಲಾಧಿಕಾರಿ ಹೇಳಿದರು. ಕೋವಿಡ್ ಮಾರ್ಗಸೂಚಿಗಳನ್ನು ಅನುಸರಿಸಬೇಕು. ಒಂದು ಸಮಯದಲ್ಲಿ ಕೋಟೆಯೊಳಗೆ 100 ಜನರಿಗೆ ಮಾತ್ರ ಅವಕಾಶವಿದೆ. ಪಳ್ಳಿಕ್ಕೆರೆ ಬೀಚ್ ಮತ್ತು ರಾಣಿಪುರಂ ಬೆಟ್ಟ ವೀಕ್ಷಣೆಗೆ ಸೆ.21 ರಿಂದ ಪ್ರವಾಸಿಗರಿಗೆ ಮುಕ್ತವಾಗಲಿದೆ. ಅದೇ ನಿರ್ಬಂಧಗಳು ಅನ್ವಯಿಸುತ್ತವೆ. ಬಿಆರ್‍ಡಿಸಿಯ ರೆಸಾರ್ಟ್‍ಗಳು ಮತ್ತು ಹೋಂಸ್ಟೇಗಳು 21 ರಿಂದ ತೆರೆದಿರುತ್ತವೆ. ಇಲ್ಲಿ ಉಳಿಯುವ ಪ್ರವಾಸಿಗರಿಗೆ ಆಂಟಿಜೆನ್ ಪರೀಕ್ಷೆ ಕಡ್ಡಾಯವಾಗಿರುತ್ತದೆ. ಥರ್ಮಲ್ ಪರೀಕ್ಷೆಯನ್ನೂ ಮಾಡಲಾಗುವುದು. ಅವರು ಕೋವಿಡ್ ಮಾನದಂಡಗಳಿಗೆ ಸಂಪೂರ್ಣ ಅನುಸಾರವಾಗಿ ಕಾರ್ಯನಿರ್ವಹಿಸಬೇಕು. ಅದೇ ಮಾನದಂಡಗಳನ್ನು ಆಧರಿಸಿ ಹೌಸ್‍ಬೋಟ್‍ಗಳನ್ನು ಸಹ ಸೇವೆ ನೀಡಬಹುದು ಎಂದು ಜಿಲ್ಲಾಧಿಕಾರಿ ಹೇಳಿದರು.

            ಕೆಎಸ್.ಆg.ಟಿ.ಸಿ. ಬಸ್ ಆನ್ ಡಿಮಾಂಡ್ ಸೇವೆ:

   ಕೆ.ಎಸ್.ಆರ್.ಟಿ.ಸಿ. ಬಸ್‍ಗಳು 21 ರಿಂದ ಬೇಡಿಕೆಯ ಮೇರೆಗೆ ಚಲಿಸುತ್ತವೆ. ಈ ಸೇವೆ ಕಾಸರಗೋಡು-ಮಂಗಳೂರು ಮತ್ತು ಕಾಸರಗೋಡು-ಪಂಜಿಕಲ್ ಮಾರ್ಗಗಳಲ್ಲಿ ಲಭ್ಯವಿರುತ್ತದೆ. ಇದರ ಪ್ರಕಾರ ಸೇವೆಯನ್ನು ಪಡೆಯಲು ಆನ್‍ಲೈನ್ ಬುಕಿಂಗ್ ವ್ಯವಸ್ಥೆಯನ್ನು ಬಳಸಿಕೊಂಡು ಸೀಟು ಕಾಯ್ದಿರಿಸಬೇಕು. ಒಂದು ತಿಂಗಳು ಕಾಯ್ದಿರಿಸುವ ಅವಕಾಶವಿದೆ. ಒಂದು ಪ್ರಯಾಣಕ್ಕೆ 40 ಜನರಿದ್ದರೆ ಮಾತ್ರ ಸೇವೆ ಪ್ರಾರಂಭವಾಗುತ್ತದೆ.

           ಜಾಮೀನು ರಹಿತ ಪ್ರಕರಣ:

      ನಿಯೋಜನೆಗೊಂಡ ಶಿಕ್ಷಕರ ಅಧಿಕೃತ ಕರ್ತವ್ಯಕ್ಕೆ ಅಡ್ಡಿಪಡಿಸಿದರೆ ಜಾಮೀನು ರಹಿತ ಪ್ರಕರಣ ದಾಖಲಿಸಲಾಗುವುದು ಎಂದು ಅಧಿಕಾರಿಗಳು ತಿಳಿಸಿದ್ದಾರೆ. ಐದು ವರ್ಷಗಳವರೆಗೆ ಜೈಲು ಶಿಕ್ಷೆ ನೀಡಲಾಗುತ್ತದೆ. ಕೋವಿಡ್ ಜಾಗೃತಿಗಾಗಿ ಬರುವ ಶಿಕ್ಷಕರ ಅಧಿಕೃತ ಕರ್ತವ್ಯಕ್ಕೆ ಅಡ್ಡಿಯುಂಟುಮಾಡಿದರೆ ಭಾರತೀಯ ದಂಡ ಸಂಹಿತೆ 353 ರ ಜಾಮೀನು ರಹಿತ ವಿಭಾಗದ ಅಡಿಯಲ್ಲಿ ಕಾನೂನು ಕ್ರಮ ಜರಗಿಸಲಾಗುವುದು. ಈ ಕಾಯ್ದೆ ಮತ್ತು ಕೇರಳ ಸಾಂಕ್ರಾಮಿಕ ರೋಗ ನಿಯಂತ್ರಣ ಕಾಯ್ದೆಯಡಿ ಐದು ವರ್ಷಗಳವರೆಗೆ ಜೈಲು ಶಿಕ್ಷೆ ವಿಧಿಸಲಾಗುವುದು ಎಂದು ಜಿಲ್ಲಾಧಿಕಾರಿ ಹೇಳಿದರು. ಕೋವಿಡ್ ಜಾಗೃತಿಗಾಗಿ ಮಾಶ್ ಯೋಜನೆಯನ್ನು ಜಿಲ್ಲೆಯಲ್ಲಿ ಉತ್ತಮವಾಗಿ ಜಾರಿಗೊಳಿಸಲಾಗುತ್ತಿದ್ದು, ಜಾಗೃತಿಗಾಗಿ ಬರುವ ಶಿಕ್ಷಕರಿಗೆ ಹೆಚ್ಚಿನ ಅಧಿಕಾರ ನೀಡಲಾಗಿದೆ ಎಂದು ಜಿಲ್ಲಾಧಿಕಾರಿ ಹೇಳಿದರು.